شيوخ البدو ,, و ,, الوعد فـ الثريا

شيوخ البدو


قابلت فقران حاله ماتسر العدو
الهم من خلقته لليوم خناقه

يقول من حرقته شايف شيوخ البدو
ماتلتفت للقريب وتكرم الناقه

واقول له بدونا عن الاصول ابعدو
وعلى دروب العلا كلٍ ثنى ساقه

فـ مزارق اهل الردى هدو بيوت السدو
وبنو من الكذب فيها بيوت عملاقه

واطيبهم اللي تجيه وفي محله هدو
امقفل الباب ويراقب مع الطاقه

وتلقاه في كل حفل ان صدرو و وردو
وان كان جيته لحاله مـ اقشر اخلاقه







.........................................








الوعد فـ الثريا




حرٍ ولاني عبد منجوب من عبد
والمرجله من طيب راسي تهيا

واللي على الدنعه طرب لابدٍ لبد
مايطّبخ راسه ولا به حميا

ولايكسر الخاطر ولايدبل الكبد
إلا الامل في ناس ماهم هنيا

يالحظ تهبدني وانا هابدك هبد
عطني مساحه والوعد فـ الثريا






/