قصيده بمناسبة توسعة الحرمين الشريفين وتسهيل سبل الراحه لحجاج وزوار المشاعر المقدسه ..

سميت باسم الواحد الرب خلاق	الخالق النعمه لمنهُ حمدها
قال الغصيبي يوم لأمثاله اشتاق	أمثال جزله تعجب اللي نشدها
يا خادم البيتين بك اللقب لاق	عامر بيوت الله للي قصدها
فمكه وطيبه يوم كثر البشر ضاق	بسطتها يومن ربي بسطها
وسعتها بأسوار واضفيت الأرواق	ومزخرفات سقوفها مع عمدها
وفالمستعى زحمات خانق وخناق	ووسع ثلاث أدوار تمشي نصدها
وإن طاف حول البيت زحمه ماتنطاق	ووسع ثلاث أطواف يمكن يزدها
ولي عهدك دوم للخير سباق	والنائب الثاني بقلبه رصدها
ومحمد اللي كنه أبوه ما تاق	عقده يحلحلها وعقده عقدها
وأمير مكه يا منسق تنساق	يا نصرها يا عزها يا سعدها
وأمير طيبه برق في سد براق	من صدق نوه يوم يزهم رعدها
آل السعود اللي لهم فعل بأذواق	وأفعالهم بالخير محدن جحدها
جبال مكه شققوها بالأنفاق	من شأن من يبغى المشاعر يجدها
فتره وجيزه من منى قبل الأشراق	وبعد الشروق فعرفات بوعدها
يوم المشاعر طوقوها تطواق	بجيوش يا سبحان محصي عددها
وقت الغروب وعند غيبات الأشفاق	الشاهد الله والخلايق شهدها
ومواصلات قطار والنقل عملاق	وحسه كما حس السحابه ببردها
والحافلات اللي لها كل عشاق	مفتحات أبوابها لمن صعدها
مرقمه يطرب لها كل مشتاق	هذي قبل هذي وهذي بعدها
وفرضين صلوها بجمعن على ساق	واغراضهم مانزلت عن وهدها
مرو على المشعر ولبق تلباق	يصبح الجمره وهذا هجدها
اللي نحر فديه وحلق تحلاق	اطاف بالكعبه وغادر بلدها
زار الرسول وصاحبيه بترفاق	فالروضه اللي ركعتين وسجدها
صلو عدد ما به من أثمار واوراق	فوق البسيطه والله اللي وجدها
شفعينا يومن يبسات الأرياق	معلم السنه ومؤكد سندها

الشاعر / حامد مرزوق مهني الغصيبي

قال الغصـــــــيبي يوم لأمثاله اشتــــــــاق
أمثال جزله تعجب اللي نشـــــدها

شوق الشاعر لقصيده ابداع بحد ذاته وتمكّن ولاهو غريب

صح لسان ابوعبدالعزيز وعافاك الله على النقل والله يديم الأمن والأمان ويحفظ هالبلد

صح لسان شاعرها وسلمت يمين ناقلها وسلمت يالغالي قصيده جزله من رجل جزل