وأنا الذي لاقلت ملفاي سحمان

بسم الله الرحمن الرحيم

السلام عليكم ورحمة الله وبركاته يسعدني تواجدي مع ربعي وهذه مشاركه عسى أن تنال اعجابكم

يوم إن لاأهل الشعر ساحه وميدان
	ماني مضريها مع الركب تالي
إيوالله أقدم كان للعلم برهان
	أبوي قبلي يستبيح الجزالي
وربعي لهم بالشعر بصمه وعنوان
	إمن السنين الاوله والتوالي
لاشك بالشعار نادر وفنان
	وأهل النوادر كاسبين الغوالي
عد الروى بالجزل راهي ومليان
	وانا من اللي ياردون الزلالي
واللي بوسط البحر لولو ومرجان
	واللي يهاب الموج ماله مجالي
أحد(ن) لقى بالنصح مافاد الاذهان
	وأمست مع العريف مضرب مثالي
وأحد(ن) مع العشاق عاشق وهيمان
	غنى القصيده شوق وفراق غالي
وأحد(ن) على السجات سرته الالحان
	ويشوش لامن لاح برق الخيالي
وأنا الذي لاقلت ملفاي سحمان
	ياهاجسي ويقول بالصوت عالي
سلام يارمزالوفا عقب نجوان
	سلام ياأهل البن وأهل الدلالي
يامكرمين الضيف والجار ماهان
	عند السحيمي من قديم الليالي
عز الرفيق ان كان خانن الازمان
	ياكاسبين ونعم في كل حالي
يستاهلون المدح طلقين الايمان
	إمن القبايل شرق والا شمالي
هذا وانا الي عزوتي عقب نجوان
	من غير قاصر في جميع الرجالي

الشاعر فلاح معزي صح لسانك على القصيدة الجزله وبيض الله وجهك

الشاعر فلاح ياولد العم بيض الله وجهك وصح السانك اختيار موفق للقصيده معنى ومحتوى قصيده جزله من شاعر جزل وبدون مجامله

إيــــــــوالله أقــــــــدم كــــــــان لــلــعــلــم بــــرهــــان
أبـــــــــــوي قـــبــــلــــي يــســتــبـــيـــح الــــجــــزالــــي
صح لسانك ابو معزي وانت بعد تستبيح الجزالي ولو ان شهادتي فيك مجروحة قصيدة وافية ويستاهلون الربع عقب نجوان تقبل مروري وسجل اعجابي

صح بدنك اخوي بدر وشاكر لمرورك

صح بدنك ابو كادي ووجهك ابيض ويهمني تقييمك لما اكتب

لاوالله مانت من اللي يضرونها مع الركب تالي يابومعزي وصح لسانك على الأبيات الطيّبه

قصيدتك يافلاح عليها بعض الملاحظات اناقشك بها فيما بعد ننتظر تقييم باقي الاعضاء

صح بدنك ابو شهد والله لايهينك ويهمني تقييمك دمت وعشت

صح بدنك يابو ريان وشاكر لمرورك