ياطاهر انا لي وصايا في برهان

وصايا لابني طاهر

يا طاهر أنا لي وصايا في برهان
	عشره وصايا جبتها لك جميعي
الموت للأنسان ما عنه لجيان
	قدام أموت أوصيك قولن رفيعي
الأوله تدي صلاتك بالأركان
	واجب على المسلم لربه يطيعي
والثانية ترى السعة كنز الأنسان
	حكم روايا الفكر خلك وسيعي
ولا يبيح سدك ناقل الهرج شيطان
	هرج المنافق ما يهز الشجيعي
والثالثة ألطف بعمن والاخوان
	اللي كبير السن واللي رضيعي
والرابعة أقرابك عاملهم بالاحسان
	خلك على مد الحساني سريعي
والخامسة ربعك ترى حقهم بان
	خلك لهم يالقرم سداً منيعي
والسادسة جارك لا يجيه نقصان
	ترا إبن وائل وصْفه بالربيعي
والسابعة ترا الرجل قلب والسان
	و زين النباء للضيف قدره رفيعي
والثامنة صُون الامانة لها شان
	وداعت المودع بذمة وديعي
والتاسعة رد الصنيعة لمن عان
	من واجب الطيب يرد الصنيعي
والعاشرة حذراء النمايم والاديان
	وتقواك بالله الخبير السميعي
الواحد اللي خالق الانس والجان
	منشي من المشه حليباً طبيعي
إنه يثبتنا على حق وإيمان
	في ماقفا فيه الخلايق رجيعي
وذاك ما قفن ما ينفع أفلان وفلان
	إلا الحصان الي حصينن سبيعي
وعطني خبر عن الحصن كان فهمان
	الى عرفته حشمه لا يضيع

إنـــــه يـثـبـتـنــا عـــلـــى حــــــق وإيـــمـــان
فــــي مـاقـفــا فــيـــه الـخــلايــق رجـيــعــي
صح لسانك أبوطاهر والله يصلح لنا ولك وللمسلمين ماأعطانا والشباب يحتاجون النصح في كل المجالات خاصه بالشعر

ممتازه ولك الشكر بعد الله على النصيحه القيمه

صح لسانك قصيده رائعه ونصائح قيمه

صح لسانك ياابو طاهر قصيده جزله وطاعر انشاء الله عند حسن الظن به

	صح لسانك قصيده رائعه ونصائح قيمه

صح بدنك يابو ريان اميييييييييين لله يكتب لك من هذا الدعاء ويصلح لك شانك كله انته وكل مسلم

اطلاعك شرف لي ياسفير الهيلا حفظك لله

صح بدنك يابو فيصل واطلاعك يشرفني حفظك لله

صح بدنك يابو فلاح ولله يصلح لنا ولك ولكل مسلم حفظك لله