بـنـادق .. بـنـادق .. لـ والدي منصور الحربي

السلام عليكم ورحمة الله وبركاته
اسعد الله اوقاتكم بـ كل خير

اتيتكم بـ قصيده لـ والدي الشاعر منصور بن مناور امد الله في عمره ورعاه






اسمع العلم وافهمني وخلك معاي
ضحكة السن ماتمشي على شاربي

وانت خابر دروبك كل ابوها وراي
وكل دربٍ مشيته حار,,بي/حار,,بي

وانت تدري صوابك ماتجاوز خطاي
ولو تصافق رياحك ماغرق قاربي

انت صفرٍ على الهامش بـ عالم عطاي
مانتخي بك ليّا من الزمن دار بي

القصايد نجومي و الدفاتر سماي
والليالي بنادق ملحها ثار بي

واضحٍ(ن) لازعلت وصادقٍ(ن) في غلاي
ذاربي قلبي الابيض وذا ذاربي

اعشق المرجله واموت لـ اجل اصدقاي ,,
دمي الطيّب والنخوّه من اقاربي ,,

والهوا وين مارفرف يحن لـ فضاي
وكل سربٍ ليّا ضاق الفضا طار بي

وانت ماجيت معك نفسك ولا انته معاي
غارقٍ(ن) وسط غبتها وذا شاربي



/

نريدك أن تأتينا بديوان الشاعر منصور مناور السحيمي واللذي نتشرف به

صح لسانك ولسان شاعرنا على جزل القصيد

دمت بود

اعشق المرجله واموت لجل اصدقاي

دمي الطيب والنخوه من اقاربي



ولله صح لسان من قالها ومن نقلها وحفظ لله الولد والده


وتقبل اطلاعي

يعطيك الف عافيه على درحك لهذه الدرر الجزله

مساء الخير اخوي عبدالعزيز صح والله السان الوالد على هاذه الابيات الرائعه

الله الله على الكلامات الرائعه القويه ماهي غريبه لابو عبدالعزيز صح لسانه وسلمت يمينك على النقل
ونطالب كما قال ابو ريان بديوان لشاعرنا الكبير منصور الحربي

مشكورين وصحت قلوبكم جميع لاعدمتكم


ابو ريان , ابو فيصل

انا مازلت على وعدي بطرح الديوان لكن لا أريد له الظهور إلا بعد جمعه وطرحه بالشكل الذي يليق بكمية الشعر الهائله بين طياته