حرب العريبه

قصيده ألقيتها في حفل أبناء قبيلة حرب لظباط الخريجين من كلية الملك فهد الأمنيه للدورتي 40-41
لعام 1433
دمتم بخير....

يامرحبا ترحيبة الارض بالسيل	من شاعر بيوت القوافي بناها
ترحيبة(ن)مثل القمر في دجى الليل	ومثل النجوم الساهره في سماها
تنصى الرجال اهل الوفا والحلاحيل	{حرب العريبه}نعنبو من شناها
لهم على روس المعالي مداهيل	كل القبايل تقتبس من سناها
اهل الحميا والظفر والمعاميل	واهل الكرم لضيف لامن لفاها
اليا لفاها الضيف تذبح له الحيل	وياسعد من هو يلتجي في حماها
ماتقبل العيله ولا تقبل الميل	قلوبهم ربي بعزه ملاها
اليا حكمو مايبخسون المكاييل	ربي من ثياب الامانه كساها
يتوارثون المجد جيل(ن)ورا جيل	وافعالهم في كل ديره صداها
يامرحبا باالي حضر من رياجيل	عين(ن)فراش لهم..وعين(ن)غطاها
لهم موده في ضمير وتبجيل	واللاش والهلباش جعله فداها
يستاهلون الطيب..والبن..والهيل	وكل الورود الي تفوح بشذاها
والليله دروس..وتجارب..وتحليل	يمكن تجوز لمن سمعها وقراها
بشبهفي نجمة سهيل	ومثل الثريا الي بعيد(ن)مداها
تعين في حمل الثقيلات وتشيل	وترقا سنود وتاصل لمبتغاها
وبشبهبصهوة الخيل	الي تدك حصون من هو عداها
ويارب سترك بالليال المقابيل	وسترك من الي لو يكحل عماها
يامهلك(ن)جيش ابرهه بالأبابيل	ياعالم(ن)بالنفس والي خفاها
وانا اذبحتني ام العيون المظاليل	سبحان من كمل حلاها وبراها
من شانها أذلل القاف تذليل	ورآقب الورقا واغني حداها
أتعبت جوالي بكثر المراسيل	حتى القوافي تستحي من حياها
أليا زعلت صارت حياتي غرابيل	واليا ضحكت يازين بسمة شفاها
هي مدرسه للحب وان قيل ماقيل	وانا وشعري كلنا من فداها
وليت ياوقت العنا والبهاذيل	والنفس عيت تستلذ بهناها
ويارب سترك من زمان الولاويل	وتكفيني صدوف السنين وغثاها
وتجعل لنا في جنة الخلد تنزيل	وتبعدنا عن نار الجحيم ولظاها
وختامها بجمل القاف تجميل	في حرب ربعي نعنبو من شناها
أعزكم بالحيل..بالحيل..بالحيل	من شاعر(ن)جزل المعاني جناها

صح السانك اخوي الغالى بديع القاف
قصيدة رائعه وجميله وننتظر جديدك الرائع

حيا الله راع العثيا وصح لسااانك أبوسليم والديوانيه القادمه تنتظرك وتنتظر الجميع بالعثياء ان شاء الله

تشرفت بالتواجد خلال القاء هذه القصيده مع الحضور الكرام ودمت بديع القاف

يتوارثون المجد جيل ورا جيل=وافعالهم في كل ديره صداها

بيض لله وجهك الشاعر بديع القاف وابدعت وبيت جميل وزادكم لله من فضله انته وزملاىك ونعتبركم

من اهل المجد وتاج لقبيله حرب عامه والوطن

هلاوسلا حياك الله ياابو سليم مبدع يا بديع القاف تقبل مروري ودمت بخير

صح الله ابدانكم جميع
أن كان هناك تميز فهو منكم
وان كان هناك تألق فهو منكم
مرووووركم أرقى من المنشوووور
أشكركم من الصميم
دمتم بخير