من علمك تجمع محبة وتطنيش

رائعه تستحق ذائقتكم

الطيش طير وباقي اوجاعي / الريش
والريش يهوي كلّ مارفرف الطير
والآه تطلع لا تنفّست ب[شويش]
وشلون لو انثر همومي على الغير
اشتاقلكوادري تبي تقول: [بعْد ايش]
احتاجلكواتعب من فْراقك / كْثير
ياللي تطيش بعَقْل وتعقّل الطيش :
[لا ترحل بْأرضي وتتركني آطير ]
شفني اموت ان مر طاريك وآعيش
وآعيش ثم آموت والقاني بخير
وراي بكرا [ مدرسه] اسْهَرَك ليش
واليا متى اوقف على شان [تأخير]
من علّمك تجمع محبه و تطنيش
ومن علّم [ الأغصان ] تجفى [عصافير]
الليل ماينكر وجود [الخفافيش]
والصبح يبقى صبح لو مات به [طير]
والعيش يومي ارتجي [لقمة العيش]
خبزة وصال وكُوب شوق وتعابير
عطني [ امل واحد ] يخليني آعيش
ولاتخنقه يدّك بحبل المعاذير
شفني بعد فرقاك آطيح بشويش
واخاف تصدِف طيحتي [جية الغير ]
ماطحت وآنا عزمي اصغر مِنَ الأيش
والحين طحت وللأسف عَزمي كْبير
ومن كثر مآنا ضعت واعماني الطيش
إذا سْألوني : [كيفك] آجاوب : [بْخير]

مما راق لي
" حاولت الوصول لإسم كاتبها ولم أنجح في ذلك " من يعرف قائلها عليه أن يكتب إسمه هنا .
تقبلوا تحياتي

صح لسانك اخوي عبد العزيز بيض الله وجهك

رغم اعاده بعض الكلمات بالقصيده الا انها جميله ورائعه ..
عافاك الله ابوعبيد على النقل والاختيار المميز

نقل مميز نشكرك عليه

تحياتي لك ..

صح لسانك اخوي عبد العزيز بيض الله وجهك