الشيب شفته في المرايه وصــديت

الشيب شفته في المرايه وصــديت
ماكنت أصدق إن ذا الشيب فيه

أثر الزمان يطوي رحاله ووليـــت
وراحت سنين العمر وش هي البقيّة

من بعد شفت الشيب في الرأس حنيت
حنيت لسنين(ن) توالــــــت عليه

سنين ذقنا المــــر فيها تجنيت
ويااا كم تكبــــدنا صنوف البل يّه

ذقت الحلا في بعض منها وتهنيــت
مرت عليّ مر الصبح والعشيــَه

وسنين يا كم تهت فيها وتماديت
ما بيــن سب وظلم ولا قفيّه

ويا كم تحملت المعاصي وجـــريّت
جريتها ومثيل جر المطيـــــّه

وسعيت في الدنيا وكم صبت واخطيت
واللي مضى ع النــاس يمضي عليه

ودارت بــــي الدنيا ولا يوم ونيت
وقضيّتهـــا مابين شمسٍ وفيّه

يــا مرحبا بالشيب من يوم حليّت
تظـهر على نفسي أمور غبيّه

يالشيب ما خوفت قلبي ولا أحديت
إلا مواريــــــــــد(ن) بتقبل جليّه

إنــــــت النذير إلي على الباب طليت
ووصلـــــــت حد الباب وش عاد ليّه

ما عاد لي إلا التوبة إن كاني أزكيت
وسألـــــت أنا المولى ورب البريّه

وقلت توبــــي يا نفس قبل ياليت
ماعـــــاد ينفع ياليت وقت المنيّه

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطيه

وعلـــى الرسول ازكى سلام وصليت
اعداد مـــــــا هلت نزول النجيـــــــه


********************************

إحترت ماذا أقتبس من أبيات
فكلها رائع .. إنسابت كماء سلسبيل
ولجمال ما آحتوى من معان ومشاعر
ربي يسلم يمناكـ يالغالي
ودمتـ متألق في سماء الملتقى