الـمــســك لـ(مــنــصــور الــحــربــي)

السلام عليكم ورحمة الله وبركاته

اسعد الله اوقاتكم بكل خير ..
بمساعده من الشيخ قوقل اتيت بقصيده لوالدي الشاعر منصور بن مناور بن عوض

مانيب في طرد المقفين ملزوم

مالي بهم ياطيب الفال حاجه

..طرد السراب يزيد في نفسي اللوم

وانا الذي مثلي يبين انزعاجه

..المسك مسك وبيّنه ريحة الثوم

والورد عطره ماتحبسه زجاجه

..الطيب من ربي مقدر ومقسوم

والحر حر ولوتعكر مزاجه

..خلك بعيد هناك طيب ومحشوم

مافيه داعي للعتب والمواجه

..ولا ترى عندي سواليف وعلوم

يسري بهاالساري ويشعل سراجه

..إن كنت نايم هيه صحصح من النوم

خلك معي صاحي وخل السماجه

..شفني غسلت ايدي منك من اليوم

واصبحت عندي قشةٍ في عجاجه

..ولا انا صيتي مع الناس معلوم

ياسلسبيلي وش تركت لهماجه

..افرد جناحيني كذا وابعد الحوم

الصعب يسهل لي واحطم سياجه

..تصبح لي الدنيا قرنفل ويشموم

والطيب في كفي مقاليد تاجه

..اعزف لقلبٍ بين الاضلاع محزوم

مافيه ضيق الا تلته انفراجه

..خابره لا ضاق الزمن فيه زيزوم

تعصف به الدنيا ويضحك حجاجه

..المال عمره مابنى مجد لرخوم

والنذل مايقضي للاجواد حاجه

منصور الحربي علم من اعلام الشعر بالخليج ومن الطبيعي ان يستجيب قوقل لطلبك
لاعدمناك يامناور لاتحرمنا من جديد ابوك وجديدك

المشاركة الأصلية كتبت بواسطة فهد عايد بن عنيزان

منصور الحربي علم من اعلام الشعر بالخليج ومن الطبيعي ان يستجيب قوقل لطلبك
لاعدمناك يامناور لاتحرمنا من جديد ابوك وجديدك

متأكد ان منصور الحربي يكفيه تواجده في قلوب الانقياء امثالك يابو فيصل لاعدمناك
وابشر بالجديد ان كانه وصلني
اما جديدي في نداء لكل شاعر موجود نفسي فالقصيده الطويله لم يعد يساعدني كالسابق وصدقني مليت من ترديد القديم

ابي اطلب منك طلب من هذا المكان ان تنزل سيرة شاعرنا منصور الحربي ولا عليك امر
قصائده + اخباره + اخر نشاطاته+ وياليت لو نقدر ناخذ من وقته تنسق لنا لقاء معه نستضيفه هنا

المشاركة الأصلية كتبت بواسطة فهد عايد بن عنيزان

ابي اطلب منك طلب من هذا المكان ان تنزل سيرة شاعرنا منصور الحربي ولا عليك امر
قصائده + اخباره + اخر نشاطاته+ وياليت لو نقدر ناخذ من وقته تنسق لنا لقاء معه نستضيفه هنا

ليت لي قدره يابو فيصل وطلبك على عيني وراسي ..
السيره واللقاءات والمقالات والقصائد كلها موجوده لدي فالسعوديه من عام 1407 الى ان ابتعد عن الاعلام عام 1428
واعدك انه في اقرب زياره للسعوديه بلبي طلبك لاعدمتك
واخباره ماظنها تخفاك والنشاطات قليله جدا فالوقت الحالي ويمكن متابعتها من خلال تويتر

اكيد ماتخفاني لكن من حقه علينا ان نتطرق له لو بشي بسيط المهم انتظر وعدك بإذن الله اذا جيت

منصور مناور زميل دراسه وقبل الزماله رفيق ونعم فيه اعرفه قديماً وحديثاً كنا في مرحله واحده وجيل جميل وكان بالفصل يكتب ابيات جميله جداً وكان دايم الكتابه وكان مرحاً جذاباً يأسر القلوب بحضوره لقد ذكرتني ايه الشبل بذلك الزمن الجميل مع والدكم حفظه الله ولاشك ان الاخ العزيز منصور مبدع منذ الصغر فقد عشت تفاصيل بدايته لحظه بلحظه سلملي عليه وياليت تنزل جميع قصائده ومقابلاته التي اجراها في الصحف والمجلات تحياتي للجميع

صح لسان أبوعبدالعزيز شاعرنا منصور الحربي ولافض فاه ...
عبدالعزيز المنصور بتنزل الديوان وألا لأ .. اعتبره تهديد!! هههه ...لاعدمناك أبودولااا

المشاركة الأصلية كتبت بواسطة حسين مرزوق بن راشد

صح لسان أبوعبدالعزيز شاعرنا منصور الحربي ولافض فاه ...
عبدالعزيز المنصور بتنزل الديوان وألا لأ .. اعتبره تهديد!! هههه ...لاعدمناك أبودولااا

صح كلك يابو ريان لاخلا ولاعدم .. وابشر باللي يرضيك ماودي انزل الديوان الا بالشكل اللي يرضيكم
عطني بس لين انزل فالاجازه وماني ذاخر شي يابعد راسي

المشاركة الأصلية كتبت بواسطة ناصر عويض بن عويلي

منصور مناور زميل دراسه وقبل الزماله رفيق ونعم فيه اعرفه قديماً وحديثاً كنا في مرحله واحده وجيل جميل وكان بالفصل يكتب ابيات جميله جداً وكان دايم الكتابه وكان مرحاً جذاباً يأسر القلوب بحضوره لقد ذكرتني ايه الشبل بذلك الزمن الجميل مع والدكم حفظه الله ولاشك ان الاخ العزيز منصور مبدع منذ الصغر فقد عشت تفاصيل بدايته لحظه بلحظه سلملي عليه وياليت تنزل جميع قصائده ومقابلاته التي اجراها في الصحف والمجلات تحياتي للجميع

تسلم ولاعليك زود يابو عبدالله .. ومتاكد ان منصور يعيش ادق تفاصيل زمنكم الجميل مع كل طاري لكم وشهادتكم تعني له الكثير ..
ويوصل سلامك يابعد راسي .. وباول رجعه ابشر باللي يرضيكم