يـاصـاحـبـي ياليتنا مابـكـيـنـاك

يـاصـاحـبـي ياليتنا مابـكـيـنـاك
...........وليت العـيـون بدمعـهن مابكـنك

وليـتـك بعـد ماشفـتـنا ماعـرفـناك
...........ولا دار هـرج الود مـني ومنـك

أخذتني في عقل وإسلوب وإدراك
..........وأنا إسـلوبي ياالقـضـي مدركنّك

قـلـبي خذيـتـه يوم شفـتك وجيناك
.........وحتى الضلوع بساقة القلب جنّك

ملـكـتـنـا يـاصاحـبـي مـا مـلـكناك
..........ياحـيـف كلمات الوفأ ما إملكنك

سهمك رمى قلبي وسهمي تعداك
...........وألله عجـيـب سهومنا مارمنك

لاشك كان إنـك لـعـوب ٍ وضحاك
..........لابـد صـدمات الـقـدر يـدركـنـّك

لـو نشتكي وألله نرفـع بـشـكـواك
........لاشك منعني لا اشتكي صغر سّنك

فضحتني وأنا حريصٍ على إرضاك
.........عسى العجايز بالعرب يفضحنّك

حـيـرتـنـي وأذهـبـتني في سجاياك
........وحلوفـك إللي ماضيه ما ضمننك

وأشوف كنـّك مختلف عن نوايـاك
.........ولادرّي ٍ وش قال فكرك وظنّك

لاشك بصبر ياهوى البال وأنساك
.........تلقى وأنا يازين ماسـلت عـنّـك

الشاعر جزاء صالح

محبكم
بعيد الهقاوي