07-04-2012, 12:07 AM
|
|
|
،،، (( مواعيد عرقوب )) ،،،
| اتعب من إدروب الهوى احيان واتوب |
وارجع بعد ماتبت واتوب واعيد |
| احيان اقول : إني على إرضاك مغصوب |
واحيان اقول : إنساك وفراقكم عيد |
| الحب يبغى له مفاهيم واسلوب |
توثيق لحبال المواصل وتوكيد |
| صارت مواعيدك موااااعيد عرقوب |
توعد وتخلف نعنبوها مواعيد |
| إمنول(ن) لاغابت الشمس يادوب |
اصبر يالين اصلي الفرض واهيد |
| واليوم حتى النوم ياغير بحبوب |
كله سبب بلواك ياباااشة الغيد |
| براجع اوراقي قبل فجأه إتذوب |
وافتح بمفتاح الأمل ضبة القيد |
| والله لااعذر منك وارتاح واتوب |
ولاارجع بعد ماتبت (ماتوب واعيد!!) |
آخر تعديل صويلح مرجي السحيمي يوم
07-04-2012 في 12:15 AM.
|
المواضيع المتشابهه
العرض الشجري