محاوره شعريه بين الشاعر محمد بن مشعان وصويلح بن مرجي

الغليم عق ابوه وزعلت امه من عقوقه	وانصحته يارفيقي قال لي مالله هداني
وانت عينك للخيال اللي تكاشف لك بروقه	مير خلك فوق بيرك عند دلوك والسواني

الغليم لو لحقته مايشرفني لحوقه	دايم الهامات عليا مارضينا بالطماني
والبعير الليا عقلته لاتقوده_ لاتسوقه	إتركه جعله يحصل له بدربه هيملاني

علف الطير وتؤكل وانتبه تطلق سبوقه	واطلب الله العقيله وانصحتك لاتعصاني
بارك الله في جملنا لو نشد الحمل فوقه	ينقل الحمل المدبّل لوّء وقته قلّباني

اخينا الفاظل وشاعرنا القدير ابو شاهر اللعب معك له طابع خاص وانت شاعر متمكن ولي الشرف بالمحاوره معك واستأذن الجميع بإنهاء الطاروق ولنا لقاء إنشاء الله وتقبل تحياتي وتقديري

الف شكر للشاعرين صويلح بن مرجي والشاعر محمد بن مشعان اتحفتونا وكانت محاوره مولعه يعطيكم الف عافيه ولاعدمناكم

اخوي وشاعرنا الكبير صويلح بن مرجي شهادتك وسام على صدري وانا افتخر بالمحاورة معك انت استاذ بالشعر وهرم شعري لايستهان به حفظك الله ابو احمد

محمد مشعان

ياسلام الله سلامن تعجب الشاعر طروقه	من هاجوس اللي هاجوسه ماتجيب الا السماني
ياصويلح من زمان العام والكبد محروقه	اتصبر واتحمل والمشاريه تحداني

صويلح مرجي

ياهلا يامرحبا والعيد واضح من شروقه	قلتها واللي بوسط القلب ينطق به لساني
الرفيق يعز ربعه والحميا في عروقه	طيع شوري لايردك لافلان و لافلاني

محمد مشعان

البقا بك ياصويلح والذهب مابار سوقه	مير خلك في مكانك لاتقرّب من مكاني
والحميا ورث ابويه عقب جدي ومعشوقه	والمواقف لادعتني ماتونّا لو ثواني

صويلح بن مرجي

انت وش بك تنثر الفنجال قبل إنك تذوقه	واخسارة حبكته بالهيل والبن اليماني
ماعليك إخلاف بس اخوك لاتبخس حقوقه	انت لالا الله وثم اخوك مااطعمت الاماني

محمد بن مشعان

لاتفتّل بالشوارب وانت لحيتك محلوقه	لوّء مانته كبر ابويه كان جبت الخيزراني
البعير اللي يشيل الحمل يرغي من فتوقه	ضامه الحمل القويّ وصارت عظامه لياني

صويلح بن مرجي

ديننا الاسلام حكمه يقطع اليمنى السروقه	قالها صياف قبلك يامحرفت المعاني
انت لو تقدر تحوق الرزق بيدينك تحوقه	بس حظك لو لقاله سرج مايلقى حصاني

محمد بن مشعان

انت تاكل حق غيرك والخوي دايم تبوقه	مير صدتك يالحرامي دون مكه وحلباني
اعرف الداب التهامي سال سمّه من شدوقه	وانت طيّب ياحليلك ليت مانته عقرباني

صويلح بن مرجي

وانت توكل كلبوك بشهوة النفس الزهوقه	لو منزلكم مطور فيه ( اراك ولا تراني)
اعرف الصقر المبلم واعرف الهدهد بطوقه	واعرف اللي فالملاقا عشرته ترجع ثماني

محمد بن مشعان

الغليم عق ابوه وزعلت امه من عقوقه	وانصحته يارفيقي قال لي مالله هداني
وانت عينك للخيال اللي تكاشف لك بروقه	مير خلك فوق بيرك عند دلوك والسواني

صويلح بن مرجي

الغليم لو لحقته مايشرفني لحوقه	دايم الهامات عليا مارضينا بالطماني
والبعير الليا عقلته لاتقوده_ لاتسوقه	إتركه جعله يحصل له بدربه هيملاني

محمد بن مشعان

علف الطير وتؤكل وانتبه تطلق سبوقه	واطلب الله العقيله وانصحتك لاتعصاني
بارك الله في جملنا لو نشد الحمل فوقه	ينقل الحمل المدبّل لوّء وقته قلّباني

لعيون الشاعرين والاعضاء المتابعين تم تنسيق المحاوره