ديوان الشاعر معزي فلاح واصل السحيمي

اعديتها لمناسبة ناركم حيه في مدينة الصويدره ولم القيها لكثرت المشاركات

يقول من نظم القوافي اختاره
	قول(ن )ماهو سرقه ولامستعيره
إمن القصيد ان قال ينظم اخياره
	وعقل الرجل يقاس فيه تعبيره
ومعنى القصيد اليااكتمل هو بهاره
	ياخالقي أنير لي البصيره
وشعر(ن) مايبقى له قبولن واثاره
	يمر مثل الشرد المستذيره
وان كان صدق القول له اعتباره
	مااقول قول ابغى من اجله بريره
وقولي على البرهان ضابط اعياره
	والمدح بااهل المدح مافيه عيره
هلا ياامير حفلنا بإنتضاره
	حياك هذا الجمع كله يااميره
حي الله امير كفو للاماره
	عداد ماللبيت سارت مسيره
ماانت اخذ المنصب بثوب الاعاره
	امن الملوك اهل السيوف الشطيره
بلغ ملكنا اللي لك الله وقاره
	مطبوع بقلوب الجموع الغفيره
انه لو يشر بإصبعه بس اشاره
	جينا مثل موج البحور الغزيره
حنا صعاطير العزم والخياره
	ولاهو بمنا رجل مافيه غيره
على الوطن يامفسرين العباره
	حنا لنور الكون حصن وذخيره
ارواحنا تروح ماهي خساره
	ولاتدنسها اليدين الشريره
اللي لها بالكون كل الصداره
	سعودية الامجاد ياخير ديره
يامهبط التوحيد وارض الطهاره
	ياحب ابو متعب وبهجة نضيره
تاخذ ماوافق ديننا من الحضاره
	وماخالفه قسم النفوس الحقيره
صوت الاذان اليا سطع بالمناره
	ينبيك عن تعضيمها للشعيره
العز دايم باارضها يشب ناره
	بذن الله اللي مالنا رب غيره
وحيو صمود اخواننا بالحجاره
	والنصر لابده يجيهم بشيره
والغرب كاذب مانصدق شعاره
	حليف صهيون اللعين وخشيره
الغرب تلعب فيه حيه وفاره
	ياعرب اصحو فاالنوايا خطيره
القدس تنخانا تحرى البشاره
	ياالله عسى الفزعه تجيها مغيره
تقول متى الظلم تنفض اغباره
	وترفع يديها لربها مستجيره
والشجب مايرفع بلاه وحصاره
	كم اجتمعنا بطاوله مستديره
وصهيون والعمه علينا سعاره
	متعاونين ابذبح هاك الاسيره
وتقول ياراس العدل والصطاره
	كبير وافعالك للامه كبيره
وانت الزعيم اللي موفق قراره
	في عالمنا أكيد ميت ضميره
ياابن الزعيم اللي عسى الخلد داره
	تشكي عليك الحال والله ضريره
ياابن الزعيم اللي خذاها بجداره
	ابوك من اقام عز الجزيره
يانمر جاء من راس نمر النماره
	من شايب(ن) رمحه وسيفه شويره
ترتج من صوته قلوب الجساره
	اليا اعتلى ظهر الحصان او بعيره
ياما فنى من دونها كم غاره
	سيفه بروس اعداه يرهب صريره
يوم ان يوم الثار قدح شراره
	مايرد سيفه لين يصبغ جفيره
وعداد مااظلم ليل وانور نهاره
	صلوا على محمد نضيف السريره

رتب امعزي نظم سواه

رتب امعزي نظم سواه
	وعلى الهجينيه انشدها
الشعر يحضر اليا ناداه
	وأطيع بالحال شردها
يختار مايعجب امن اوحاه
	ماينظم الا من أجودها
نصيحتي مع شعر مهداه
	ماهي نصيحه بمفردها
قاف(ن) نظمته على معناه
	نصيحتي فيه تاجدها
قاف(ن) يفيد الذي يقراه
	الفائده فيه ركدها
ياعاقل الموت وش وراه
	النفس دائم تفقدها
الموت بعده بعد حياه
	وجنات خالقك شيدها
ونار(ن) بها تحذف الطغاه
	بااياته ايلاهنا اكدها
نرجو من ايلاهنا حسناه
	والنفس يلزم امجاهدها
الموت مابه حدآ خلاه
	وأعمارنا الله حددها
من ضمت القبر اهاً واه
	مع سكرة الموت فيه ادها
والعزم اكيد السعد يبراه
	وأبعد موارد ياردها
والخيركله بتقوى الله
	والنفس تنال مقصدها
واللي محافظ على الصلاه
	واومر الله جودها
هذاك تزود ابدنياه
	عمل وعلى الله اسندها
والعاقل اللي عصى هواه
	ونفسه عن امور قيدها
وكل أدمي ماعمل يلقاه
	في ساعة العرض ياجدها
ومن بعدها مااطيب الغناه
	عن اقرب الناس وابعدها
لو راس مالي بعير وشاه
	مع الرضا النفس مااسعدها
ولامدت(ن) من شوير انثاه
	ولا جمائل امقردها
واللي تحوش النعم يمناه
	وبكل نوماس عودها
عشاقت الطيب بمخاواه
	كسبت ونوماس قلدها

الله ياأفكار معها أسج وأغِيب

الله ياأفكار معها أسج وأغِيب
	مع كل فجٍ(ن) وصوب أروح وياها
طواري(ن) ويش منها أخذ وش أسيب
	لاكان الاوناس على الله شكواها
رجاي بك ياالذي رجاي ماتخيب
	إكفوف عبدك ليا ناجاك تملاها
الرابح اللي بتقوى الله مطيب
	والنفس عن مايعيب الرجل ينهاها
ياموتري شيل حملك ليش متهيب
	روح بحملتك ترى العزم يبراها
ليش أحرج الناس بعيدين وقريب
	غنات نفسي عن الجميع ماأحلاها
حاجة ماتجي بطيبت نفس من طيب
	لو إنها في يدي تراي ماأبغاها
الناس فيهم تقي وطيب وخيب
	واللي يبى الطيبة يتعب ويلقاها
آثم لو إني أسب الناس وأعيب
	والناس بوجيهها تبين سيماها
اللي يكافيك شره منهم إحبيب
	لاتفتش الناس بس أسلم من آذاها
فلاح سطر لي الامثال بِكتيب
	نرجع لها أنته وأنا دائم ونقراها
وإحفظ قصائد معزي قبل ماتشيب
	اللي بها فائدة ماأبغاك تنساها

بسم الذي له تسابيحي وتهليلي

بسم الذي له تسابيحي وتهليلي
	بسم الله انظم قوافي جت بحزتها
اللي حما كعبته بطيور أبابيلي
	اللي فنت زمرة اهل الشرك رميتها
منزل كلامه على محمد بترتيلي
	علام ماتبدي الانفس ومااخفتها
يامخاطب المصطفى بلسان جبريلي
	رجاي بك هو امل نفسي وفرحتها
باأيامي الماضيه واللي مقابيلي
	يارب نفسي لاتاخذها بزلتها
قوافي الشعر لاناديت تصغيلي
	وعلي لازان لي طاروق نقوتها
ياالله ابا اسج جيبو لي دربيلي
	وحطو معاميل تلزمني بشنطتها
دنياي منها الفوائد والمحاصيلي
	طاعة ايلاهي وخوفه هي لذتها
والبر شوفه يريح النفس ويزيلي
	افكار تثر على المخلوق هجمتها
ياجيبي أقمز ترى مانته ردي حيلي
	النفس شوف الفياض الخضر منوتها
نبغى لنا إفياض خابر علها السيلي
	بالديره اللي ربيع القلب جيتها
يازين من خلفنا حذف الغراميلي
	مع الحماد الحباري فيه جرتها
ماغيرانا وانت حديث وموويلي
	مع ديرتنا تبرى الوجعان خضرتها
بالبر يازينها لو يوم مع ليلي
	أخير من لجة الفله وصجتها
بااسج بالارض ومكمل معاميلي
	النار بالبر الا يازين شبتها
وعسى نصادف مصارير او مباهيلي
	مع نشمي(ن)يكرم الطرقي بحلبتها
ويازين بعدي عن اهل القال والقيلي
	اللي لحوم الاوادم هي هرجتها
أهل الكبر والقلوب اللي مغاليلي
	بلا سبايب ولكن ذي ميزتها
ماذوق ببيوتهم زاد(ن) ولاهيلي
	لافائده في مجالسهم ومرتها
وعنهم ماهو عيب لو اقطع مواصيلي
	لعل حسناتها تبعد بسيتها
وبعض العرب ليش انا ارسله مراسيلي
	ماني بمجبور يامحمد بخوتها
ولااقول جهيل هذول او مهابيلي
	لاكان لي رغبه وللناس رغبتها
وياحبني للحلاحيل المشاكيلي
	اللي شرف لي خوتها ورفقتها
وزلت رفيقي وخويي لها اشيلي
	تمرني كن اذانيه ماسمعتها
واليوم وجدي على الربع الحلاحيلي
	مدري على الارض والا صارو اتحتها
يوم اتذكر مع الماضي رياجيلي
	نفسي يوقف عروق الراس فحتها
اليا ذكرت ازملايه بااول الجيلي
	جابت عيوني بدون اشعور عبرتها
ايام اناسه وفيها ايضاً غرابيلي
	لكن حلاها يحلوي مر شدتها
ويم ابو طاهر ابكز التماثيلي
	ابيات شعر بنات الفكر جابتها

العقيد بادي عواد السحيمي رحمه الله رحمة واسعة انه من شعراء القبيلة المحسوبين وأرسلت له هذه الابيات لجزالة رده على قصيدة سبق أن أرسلتها له

الشعر برتبه يوم الله أعطاني
	يامعربين الابو والجد والخالي
القاف شاب وبغير لي لحن ثاني
	لحن(ن) جديداً على طرقي وموالي
بكتب من الشعر ياالشعار مازاني
	يوم أبو طارق بعث لي زين الامثالي
بسم الله أبدا وأقول بنظم قيفاني
	عسى ليا قلت ترد الجمة إحبالي
يوم أبو طارق علينا كز الالحاني
	حيه وحيي مقاله طيب الفالي
هلا هلا مرحبا من قلب ولساني
	عداد ماأخضر عود وصب همالي
حي الجواب الذي معناه ملياني
	راعيه فاهم وأشار لبعض الاحوالي
نظم قوافيه سرعه حرك أشجاني
	وبرد العدود النقيه وأشرب إزلالي
اللي بنظم القوافي جد فناني
	أبتمشى معه في قمة العالي
نبغى نتمشى جميع بقمة أباني
	يجوز أمور(ن) على باله على بالي
الله يرعاك في حفظه ويرعاني
	قل ماتورى وأقول اللي تورالي
ياراعي الفن ميل بكل بستاني
	وجنيه بجنيه وريالات بريالي
أمور ذكرتها ماأنته بغلطاني
	الخلق متفاوتين أجناس وأشكالي
من بعد حق الثنين اللي لهم شاني
	اللي لهم ياأبو طارق يرخص الغالي
لاكمل الرجل حق الضيف والعاني
	والجار ثم الخوي سموه رجالي
وأكمل حقوق الرفاقه ثم الاخواني
	وللربع عنده مقام وقدر وأجلالي
وأبعد عن أهل النفاق براس ورقاني
	قفل على الناس عنه كل مدخالي
والدين يرجع بكفة كل ميزاني
	ينجى به الادمي في يوم الاهوالي
الدين راعيه مابه شك كسباني
	لاجاء نهار(ن) توزع فيه الاعمالي
وراع الوفاء والصفا يالذيب سرحاني
	ماهو رفيقن لكذاب(ن) ودجالي
وأبوك وصاك وأنا أبوي وصاني
	يقول خلك مع أول صف الابطالي
وبعض السواليف عنها صك الاذاني
	أسمع وكنك ماتوحيه الذي قالي
ورافق كبار العقول أكرام شجعاني
	لاضامك الوقت ماترمى على الجالي
وأحاول أمسك وصاته ماالله أحياني
	يالين أسافر عن أهل الدار رحالي
وصلوا على خير خلقه وأفضل إنساني
	عداد مالاح فجر ومابدى هلالي

هذه القصيدة قبل 30عام ألقيتها أمام الامير سلطان بن عبدالعزيز رحمه الله في إحدى أحتفالات القوات المسلحة في شرورة قال السحيمي بالكلام اللي ثمين=نظم قوافي قال في قيفانها الشعر زهمته وجاء ذا الحين=ياشعر عطني من جديد الحانها ياالله بك ياربي إني مستعين=يارافع(ن) سبعٍ بلا عمدانها بقدوم قايدنا بدا التلحين=لي كلمة(ن) بقولها باأوانها بشرح كلام أنتم بنحوه عارفين=لاشك توضيحي لعدم نكر انها هذا وأنا أعرف للكلام محكمين=وجابه بلا معنى ثبت بطلانها مرحوم ياعود(ن) بنهجه سايرين=عبدالعزيز مسيس(ن) بنيانها اللي جمعها يوم صولات السنين=وبالعدل عقب الخوف تم أمانها وسعود والفيصل فقيد المسلمين=لعل روحه في فسيح جنانها هيا أطلبوله بالعفو ياالسامعين=وأقرو على روحه صور قرانها والخالد المومن صدوق الصادقين=مكانته بنفوسنا مكانها خالد بحكمه شيد بناه الحصين=عز(ن) بأثر عز أكتمل عمرانها يجبر عزانا فيه وحنا مومنين=بحكم القدر من منشين امزانها لو غابو الابطال يبقوا حاضرين=يصعب علينا أفعالهم نسيانها بالمجد نذكرهم مادمنا عايشين= يالين يرجح بالعدل ميزانها وعاش المليك اللي بحكمه مكرمين=خالد عطاه أمانة(ن) ماخانها فهد فهدها وعزها بحنكة ودين=على نهجهم ورافع(ن) نيشانها ويعيش والي عهدها ذرب اليمين=ووزيرنا سلطان هو سلطانها وأخوانهم كل(ن) بميقافه يبين=كل(ن) بما يخصه يقود عنانها عساه دوم بعز هذاك العرين=الشجرة اللي ضللتنا أغصانها وبإسم لوانا ياهلا بالزايرين=ترحيبة(ن) والله عظيم(ن) شانها هلا هلا عداد همال الغشين=وعداد من صلى يبي غفرانها ماأحلى نهار اليوم حنا معيدين=بقيادة الفراج هو وأركانها بالعهد ياسلطان لك مجددين=والعهد أمانة رابح(ن) من صانها أقرا بعيون رجالك اللي مخلصين=صدق الوفاء يفيض من وجدانها لفن المعارك من سلطان معلمين=وإن عمست الارياء يحل اشطانها سلطان كيد(ن) للطغاه الملحدين=سم النفوس ليا رقص شيطانها سلطان منهو عانده لازم يلين=حتى العقول تفيق من عميانها سلطان من شجاعته متزودين=وكل(ن) قرا في ماأذكره بيانها وحنا رجاله علة(ن) للمعتدين=سقم العدى وإن ولعت نيرانها تل الوديعة ينشدون الجاهيلن=حزة قدح فتيلها بصوانها من دمهم دون الوديعة مرتوين=الروح دون الارض حل إرهانها هم مادروا إنا لاقلنا فاعلين=يشهد لنا التاريخ في برهانها حتى إيش لو أعمامهم متواجدين=لو إن (قربت شوف)في ميدانها إما نحماها من مراد الطامعين=وألا نموت ونندفن بأحضانها بأرواحنا دون أرضنا مبايعين=يوم السفينة قادها ربانها وفي هضبة الجولان لنا شاهدين=يصعب على عدونا جحدانها وفي غور الاردن قد هزمنا المشركين=يوم القنابل كاتف(ن) دخانها وعلى جبل سينا وصلنا مقاتلين=والله نصرنا على عدوانها حنا ربحنا الحرب وهم الخاسرين=هذا جزى اللي تايه بطغيانها والقدس تنخانا ولها مجاهدين=الله يساعدنا برفع أحزانها معلمينا أجدادنا الاولين=إن النفوس تباع دون أوطانها حتى نصفي بالوجود الغاصبين=إن شاركت كل العرب فرسانها لابد من يوم(ن) لصهيون اللعين=وتغيب شمس الظلم فوق إكيانها

هذه القصيده القيتها أمام صاحب السمو الملكي الامير سلطان بن عبدالعزيز رحمه الله اثناء زيارته لمنطقة تبوك لتفقد افرع القوات المسلحه في المنطقة عام1403

يقول من زين القوافي نقاها
	ابيات منقيات فكره سردها
تبوك تبسم بشوفك تباها
	فرحت لقى بالعمرياطول امدها
علمتها بالحب فلمس رضاها
	بقدومكم قامت تمشط جعدها
الانس والبهجه يذعذع هواها
	وتقول هلا ومرحبا من بعدها
عاجز عن التعبير في محتواها
	لو قلت من حلو المعاني جددها
في اول الكلمة وفي منتهاها
	ماللشعور حدود ترحيبنا ادها
فعايل اهل المجد كيف احصاها
	وشلون أعبر كيف ابا اضبط عددها
ياعارض العليا لمنهو بغاها
	لك منزل وابوك قبلك صعدها
لي دولة صفي الطبيعه صفاها
	امن الوجود وكل يد تحت يدها
بتضامن الاسلام يشهد فضاها
	وجروح اشقانا صخاها ضمدها
من راجع عهود الكرام وقراها
	قال الوفا فيما تقدم سددها
عدوانها يدرون قبل أصدقاها
	بيت العرب ياعز منهو قصدها
ياما عطت بلا مقابل جزاها
	لها مبادي كل مسلم حمدها
نعم لها كلمه يزلزل صداها
	وخيراتها غطى الوسيعه زبدها
سعودية(ن) بالمجد يشهد ثراها
	وفوق الثريا منزلتها وحدها
للخلد ياعودآ مسيس بناها
	شمر عن اليدين لها وجردها
جاها مايعرف وجهها من قفاها
	وحقق لها صقر الجزيره سعدها
نادت لبو تركي ولمس غلاها
	ونبع الوفا استنشفه من جسدها
هي له وصاحت له ولبا نداها
	وبالسيف تحدا الجموع وحصدها
غصبن عن خشوم بغتها خذاها
	وبالعز بالشرهه وثبت عمدها
ماهي بحب خشوم ساعة لقاها
	بسيوف لين اخذ رسنها وجبدها
صدق النوايا عاش منهو نواها
	برت جروح في حشاها كمدها
وسعود له هيبه تكسر حصاها
	امحنكه عود(ن)رضع من نهدها
ورحل ورايتها لفيصل عطاها
	والعز تجدد بقدوم اسدها
وفيصل بثوب العلم قام وكساها
	وفي كل محفل قام يرعد رعدها
وبل الكبود اليابسه من ضماها
	وتطورت رغم انف منهو حسدها
سم النفوس اللي دمرها غباها
	حلال قالات(ن)يامصعب اعقدها
واستشهد الفيصل وخالد رعاها
	ولها السعادة ان خالد رصدها
طابت بعهده زانت لمن يراها
	وعزيزه الجانب ولحد(ن)لهدها
للخلد ياحكام نجد وذراها
	بايام صهيل الخيول وطردها
والان تجدد سعدها وهناها
	ياالله تديم العز لها بفهدها
لها وفي وبادلته بوفاها
	على الوفا مدت بيمناه يدها
فهد لها نور(ن) سطع في سماها
	وحقق لها سيف العرب ماوعدها
في ظل ابوفيصل تجدد صباها
	مواقفه كلن قراها وشهدها
بالخير كل اكفوف شعبه ملاها
	وشعبه وفي مواقفه ماجحدها
وتلعب لعبدالله اتردد غناها
	ومنه اعرفت على الشدايد جلدها
تعيش ياأنس البلاد وضياها
	وقولوا معي يعيش ولي عهدها
وسلطان هو سم الكبود ودواها
	اليا امطرت بقعى وهلت بردها
بالجيش عززها وحقق مناها
	سلطان وان حل البلا هو سندها
وخوانهم باللين والا قساها
	كل بيمناه الحنونه عضدها
الله رفع في ظلهم مستواها
	وعدوها حياض المنايا وردها
وسلطان علمنا وشلون نحماها
	يشرح لنا الخطه ويرسم بندها
وحنا لها ارواحنا من فداها
	ان النفوس تباع فدا بلدها
حنا مشاهيب بنواظر اعداها
	افعالنا سلطان فعلآ وجدها
والله ماتنظام واحنا بوطاها
	واللي رفع سما بليا عمدها
اما من اطماع اللدود نحماها
	والا نموت ونندفن في لحدها
عدونا لو بالحلوم اشتهاها
	تدبر خيوله لو علينا لكدها
ماذاق رشفه من نبع حلو ماها
	أغواه قرينه ونفسه قردها
والقدس هز الكون كله ابكاها
	متى بذا الوجود ينعم رغدها
تذرف دموع الحزن هذا جداها
	وريقن اخو بيقن ماحس بنكدها
تقول ياعرب ماجاها كفاها
	وتصيح بيقن بالوجود اضطهادها
وسكوتنا وان طال زود بلاها
	وبيقن يزعتر يوم جا وافتردها
متى من العله تحس بشفاها
	متى الضمير الحي يرفع قيدها
ياامة الاسلام ترى دماها
	عارأ لنا وهي ضعيفأ جهدها
لابد نار النصر يصعد سناها
	ونشوي صهيون ابوسط نار(ن) وقدها

أقول بسم الله يوم اني تكلمت وبديت

أقول بسم الله يوم اني تكلمت وبديت
	وادرس كلامي قبل نسخه لايزل لساني
انا مع اهل الطيب بإذن الله كتبت وقريت
	وابوي في صحبة رجال المعرفه وصاني
وماصابني غير المقدر لي مشيت او عديت
	وانا سحيمي وافتخر بسمي مع الشجعاني
مافيه غير انته يامعبودي توسلت ورجيت
	يامفضل المسلم يامعبودي على النصراني
جلا جلالك لا دعا عبدك تكرمت وعطيت
	كريم منعم ماقفلت بوجهه البيباني
يارب عفوك يوم يبعث من مماته كل ميت
	يوم الاوادم فيهم الكسبان والخسراني
يالله انا بحماك من كل المخاليق التجيت
	ومنك المعونه ياعظيم الشان يارحماني
يامن جميع اكفوف خلقه لا رفعوها لك مليت
	رحماك في يوم الحساب وروغة الاذهاني
يالله تهديني ياخلاق الوجود بمن هديت
	يامن على صفوة عباده نزل القوراني
وياباغي المعنى اذا كاني بمعانيه رقيت
	راس الجبل فالعب ولحن قافي الملياني
وياصاحب المنصب ترى المنصب اذا انك مادريت
	لابد منه اتشال والا تموت بالميداني
واما ذكرت بخير والا قيل مع ذكرك هبيت
	واكيد من يذكر بخير من العرب ربحاني
تراك بالخلق الرفيع وخدمة الامه سميت
	وكسبت حب الناس ويقال ان شانك شاني
لاكان امور الناس مشيها بامانه كمبليت
	والنفس وان شالتك عضها والعن الشيطاني
وفي حاجة المحتاج تؤجر كان تعبت وسعيت
	ويحبك اللي فضل المسلم على النصراني
واعطى الرجال حقوقها ونقول بالعليا اعتليت
	والضيف هو الجار وحقوق الخوي والعاني
لاكمل الرجال بالماجوب قلنا له وفيت
	والخلق مرضيها يقولون العرب تعباني
والرجل مايغصب على المعروف زعلت او رضيت
	ومن كمل احقوق الرجال ارزله نيشاني

يامقدر يامدبر والك هذا الكون كله

يامقدر يامدبر والك هذا الكون كله
	ياالله اني ملتجي بك رافع(ن) ياالله ايديه
من شرور الخلق ياربي وكل أعضله
	ومنك عفو ومغفرة يارب ياجزل العطيه
يوم كلن يايلاهي في يديه اسجله
	راجيآ جنتك ياالله بالحياه الابديه
يامضل المومنين الصالحين أبضله
	ياعسى لي في نهار الحشر عندك قابليه
من يغفر الذنب غير انته ويمحى الزله
	ويايلاهي طالبك تصلح لي الذريه
يافلاح اسمع كلام امرتبه وأفطله
	لايمرك مرت العجلي من الطرقيه
لاتماشي كل ميت نار واطبله
	وانت مانت ابكل امورك مطلق الحريه
لانصحتك عن هذاك ابغاك ماتهروله
	اتركه باابن العرب يلقى شبيه(ن)زيه
عيف ناس(ن) من سلوم(ن) للعرب منحله
	ماتفرق بعض اوادم بين ذي وذيه
وقالوا اجبله ويامقشر هاك الجبله
	ماتعرف الباينه منهم من المخفيه
ناس مدري كيف مذهبها وكيف المله
	وهي صحاح اعقولها والا بها جنيه
ان فتشت اعقولها قلت انها مختله
	ماتفرق بين ذوق الجايده والنيه
بلا سبايب منهم الواحد بوجهه غله
	ويضحك لسانه وبه للمكرهه ماريه
الحسد والكبر للانسان شر وعله
	ياالله انك تخزي اللي نيته ملويه
شلت(ن) فيها الحسد والكبر يهبي شله
	وشلت(ن) فيها نفاق وكذب شر وسيه
ياجعل هالشلتين بمجتمعنا قله
	جعلها بالمجتمع ماهي كثير بليه
يم بعض الناس لا مااروح للً ه له
	ناس اجيها وناس قاصر عنها رجليه
ويم ابو مرسال اسير لابغيت الدله
	الرفيق اللي ليا جيته فرح بالجيه
من خيار اربوعي اللي ماتعرف الذله
	ولازمه مقضي وعنده حاجتي مقضيه
لاشربت الفنجال يرسل لي والا ارسله
	واتهرج مع رفيقي صبح(ن) او عصريه

ترى الرجل يافلاح يذكر بااساليبه

الا يافلاح اليك قاف(ن) نظمت اليوم
	نظمته أنا ياابوك ودي اتغنيبه
فلاح أنتبه لو كان مالك عن المقسوم
	ترى الرجل يافلاح يذكر بااساليبه
أنا قصدي انك ياولد من خيار القوم
	من أهل التقى ثم الكرم وأهل الهيبه
فلاح أنتبه لاتماشي الا رجال قروم
	ولا تماشي اللي فيه شكن وبه ريبه
مماشك بعض الناس منا يجيك اللوم
	ونفرح ليا ماشيت من يكسبك طيبه
وعلى ايات حال اتكون فيه اشكر القيوم
	ورب(ن) رجيته لاتضيع مواجيبه
وحقوق الرجال اكملها ثم صلى وصوم
	و لعل الذي ترجو من الله لك ايجيبه
عن فروض ربك لايغطك لذيذ النوم
	ان ضاعت صلاتك يافلاح اكبر مصيبه
ان كان الكلام اللي به اخاطبك مفهوم
	بجوالك اسرع سجله ثم غنيبيه
انا ابتحرى والليالي تجيب اعلوم
	ونرجو لك التوفيق دايم وندعيبه