ديوان الشاعر معزي فلاح واصل السحيمي

بسم الله الرحمن الرحيم في تاريخ 24\12\1435هجري

كنت بالمستشفى الاسبوع الماضي جاتني الممرضه في الساعه الثالثه والنصف ليلآ لتقيس عندي الحراره والضغط وتعطيني العلاج تكلمت معها هل تصلين قالت انا غير مسلمه فكررت عليها الكلمات لماذا لاتكونين مسلمه لماذا لاتصلين تموتين وانتي كافره فتكوني فالنار فهمت انها لا تريد النقاش في هذا المو ضوع طلبت منها ورقه وقلم فقالت مستغربه مني هذا الطلب في هذا الوقت بابا ماذا تكتب الان فكان جوابي لها في هذه الابيات لعلها ترقي لاذواقكم الشعريه

حمد لك ربي لطيف امنزل الرحمات
	ربي امسير نظام الكون عليك اعتمادي
ماشكيت الا عليك ايلاهي الاهات
	خالقي لطفك ياربي فالالم متعب فوادي
ربي اني ملتجي بك يالله الفزعات
	متكل عليك ماني متكل على اجتهادي
يامجيب السائلين امفرج الكربات
	مؤمن بك متكل بك رافع اكفوف الايادي
يامعين ابك المعونه عيننا بالواجبات
	واشهد ان النفس يلزمها محاسب مع اجهادي
واتوقع بي ساعه هادم اللذات
	اتوقع بي لحظه ياقف العدادي
يالله اتهون عليه نزعت السكرات
	لاحظر خاطف نفوس الخلق بالميعادي
في سكون الليل والانفس بعمق امن السبات
	فاز من قام وطرق باب الكريم الهادي
فاز من قام وسجد له طالبه عفو ونجات
	في نهارآ فيه يحكم ربنا بين العبادي
اشهد ان الخير كله والسعاده والغنات
	طاعتك يالخالق الدايم وغيرك للنفادي
والحياه الابديه غيرعن ذي الحيات
	العفو يارب يامحيي هشيم الوادي
يهبي الدنيا ماتتركنا بدون امنغصات
	مستحيل ايامها تمر بيض ابلا سوادي
فيه بالدنيا سعاده وفيها مهلكات
	وكل شئ مسجلآ نلقاه في يوم الحصادي
قالت السستر يابابا ويش تكتب قلت يات
	الجواب اللي تبينه صبرك اكمل مرادي
اللي اكتب شعر يابنيه ولاهو بالبنات
	ولغتي ماتفهميها من يسولف معك غادي
اللي اكتب فيه يبغالك امترجم للغات
	هاتي امترجم يفهمك الكلام اللي وكادي
من تكلم معك ياسسترمن ارض المعجزات
	طيبت التوحيد والتاريخ والامجادي
من جوار المصطفى عليه سلام وصلات
	العظيم اللي بحبه حن عرق امن الجمادي
ودولته خير الدول ذا العلم ياسستر ثبات
	السعوديه بلادي غير عن كل البلادي
دولت الاسلام من عصر السنين الغابرات
	وفزعته هالحين لامَنه لها صاح المنادي
وانتي امن الشرق ولا الغرب من ذيك الجهات
	الوكاد انك من اهل الشرك واديار الفسادي
مع ونين اللي سقيم وهصهصه للسسترات
	ليه اوحا الهاجس ان اكتب لي ابيوتا اجدادي
للكتابه شهيه كيف هي الان جات
	هي كذا تجي بلا ترتيب شئ ايرادي
كان من ربعي فقيدت شعر حي وهو مات
	فاقدن صياف والاثنين نمر وبادي

[/poem]

بسم الله الرحمن الرحيم
ردي على قصيدة الشاعر عبدالطيف عوض السحيمي

عدد طلوع الشمس واعداد ماتغيب
	حي الخطاب اللي على ايب وعلى ايته
اهلا وسهلا له قبول وتراحيب
	عبد الطيف اليك رد احتريته
تشكي لنا من حب شيخ الرعابيب
	اللي كواك بنظرته ماكويته
مادام في جاشك لهيب المشاهيب
	من حب ملهوف الحشاءوش جنيته
امعذبك حب اريش العين تعذيب
	وش اللي اعطيته وش اللي خذيته
ياطالبآ رايي اذا كانه امصيب
	جاك اسمعه وانته الك مااريته
حييت يا مرسل جزيل الهناديب
	لاباس يامن لي مابك شكيته
ابشر ابفزعت مكملين المواجيب
	اذا الوضع في شرع ربآ رجيته
بالجاه ثم المال واخيار اصاحيب
	عسى عسى يكتب لك اللي هويته
وبعض الهواء ياذيب صفرآابتكعيب
	ومحرمآ عليك لو اشتيته
وانا ادري انك فوق عن كل مايعيب
	عن ما يعيب الرجل مثلك حميته
ابقى كما انته في اعلو المراقيب
	خلك على العالي مادام اعتليته
بعض الهواء نسمع يقولون الاعيب
	واستغفر الله كاني الضن اسيته
واكيد به حبآ املوث واكاذيب
	لتيه ماسمي حب وازيد ليته
حب البني ما شفت منه مكاسيب
	وانا طريق ايعيبني مامشيته
اللي هواهن سم عكف الاشانيب
	كم عذبآقرمآ نعم وان نخيته
امغثبرات امصفيات المشاريب
	اينسن العاشقابحيه وميته
يااهل الهواء مالي شف ومطاليب
	رجم العناء وش لي به لورقيته
لعل لي بحبال ربي مقاضيب
	حبل الرجاء بحبال ربي لويته
رجاي بك يامصرف الكون مايخيب
	يا من ليا دعاك عبدك عطيته
وتم الكلام اللي انظمته بترتيب
	وازكى تحياتي برد انتقيته

بسم الله الرحمن الرحيم
ابيات اخطبها فلاح

با اكتب قصيده وغنوها بموالي
	ابيوتهااصوغها فلاح يعزفها
نظمتهاامرتبه وبيوتها اجزالي
	وجمله ما تصلح لكم ماجيبها احذفها
القول عني يردالساني اعقالي
	بااكسي قوافي بالمعنى ولحفها
نظمت لي قافيه من شعري الغالي
	من قبل عامين من فكري امولفها
واليوم سمعتها في كم جوالي
	اليوم سمعتها مع ناس معرفها
ولاني بقاصرها عن كل رجالي
	وان قيل هاذي لمن عني ايسولفها
لكن ما اودي بها مع بعض الازوالي
	بسمه يسولف بها بعد ان ايحرفها
فلاح كانك قدرت اعيد المثالي
	عيد المعاني وسلمهاامصرفها
ولان ابنصحك ياجعل السعد فالي
	واللي يحب النصيحه له امطرفها
مني نصيحه هديه لكم ياعيالي
	كلآ بقلبه ياليت انه ايزرفها
فلاح ابنصحك واحفظ عني اقوالي
	والطيبه في سويدا القلب ظرفها
افتح اذانيك هلحين وتوحالي
	ترى الرياجيل تذكر في مواقفها
بكره تذكر امعزي ويش لك قالي
	ودنياك محدآسليمآ من صوادفها
فلاح لو عشت كم اسنين رحالي
	الموت نفسك لابده يوم خاطفها
الموت ماسلم منه اول ولا تالي
	لا كان نفسك من الاثام نظفها
بالدين خلك مع اول صف الابطالي
	والنفس عن مايعيب الرجل كتفها
ترى صلاة الفتى هي رؤوس الاموالي
	اصحى ونفسك عن المحذور خالفها
لاجاءنهارآتوزع فيه الاعمالي
	وش ينفع النفس لو كثرت حسايفها
لا تماشى الانشامىابكل الاحوالي
	ومجالس الفسق تكفى طالبك عفها
اختار من صحبتك ربعآ على بالي
	اهل الوفاء والكرم والدين حالفها
يازين مرقاك دايم قمة العالي
	وسنين عمرك على التقوى اموظفها
ولا تجي مجلس حصيله قيلن وقالي
	وان شفت غرات خلق الله لاتكشفها
يابوك حذرا تماشي بعض الازوالي
	بعض الشلل لو تودك لا توالفها
بعض الاوليد فسق وطيش وخبالي
	ومثل البهايم يابوك اللي نعلفها
يعجبك في مظهره والسانه الحالي
	وكل البلاوي تحت ظبطه املفلفها
من طيبه الله يبعد ذيك الاشكالي
	لعل بقعاء تشيله في رفارفها
زماننا ياكثرمابه من اهوالي
	واللي لبيب العبر بالعين شايفها
وفي حال لاتقول يابويه وياخالي
	اذا الطويله هذيك ازريت تشرفها

بسم الله الرحمن الرحيم

هذه الابيات فيها شي يحث على التكاتف والتعاون فيما بيننا جميعآ وكيف كنا وكانت رفقتنا في ماضي السنين التي لاتخفى علينا يااهل النخوه وفيها سوال عن وقف القبيله ارجو ان يكون لها قبول وعذرآ منكم اذا تخللها شي من النقص فالكمال لربنا سبحانه

ياخالقآ ذالكون خلق ونبات
	ومفنيه وانت الباقي الك الدوام
ومحييه ياخلاق بعد الممات
	ليومآ به الكافر يعض البهام
يارب في ذاك النهار النجات
	لطفك وعفوك في نهار الزحام
دنياي منها المكسب الصالحات
	امغادر الدنيا بمترين خام
يامرسلن جبريل بالبينات
	الى شفيع الخلق خير الانام
ايخاطبه بااياتك المعجزات
	مني عليه ازكى صلاة وسلام
يامكلف المسلم بحفظ الصلات
	وكلفته ابحج وزكاه وصيام
ياعالمن بصدورنا الخافيات
	يامسير الكون الفسيح ابنظام
بسمك بديت وحلو الابيات جات
	تجي القوافي لي على مايرام
باذن الله ارقى قمة الشامخات
	اللي عليها الحر وقع وحام
حي القوافي تركض امرتبات
	نظمي من الجزلات ماهي هلام
ياهاجسي بالله توكلت هات
	شعر ابمعاني مثل رمي السهام
امن القوافي عطني الغاليات
	فيها المعاني مثل ضرب الحسام
ليه تنقى طيب المفردات
	لي صوغهن مثل الذهب بالتمام
للشعر يالعَريف ذوق وطرات
	يااهل المعاني والولع والغرام
اما قصيد امفيد ولا السكات
	اخير والحكمه من الله الهام
شعرآ يروح ابسلة المهملات
	وشعرآ سوات النور يجلى الظلام
بعد التفاتاتي لكل الجهات
	اخاطب اعقول الاسود الحشام
اهل العقول الكيَس الراجحات
	اللي لهم شان ومكان ومقام
ياعيال نجوان الرجال الدهات
	سلام ياربعي وعندي كلام
اقول ياكسابت الطيبات
	بالطيب ياربعي لبستم وسام
عندي علومآ من فمي الروات
	طاول بها راسي لقمة سنام
يامن لكم في عالي النافيات
	ذكر ايتفاخر فيه منا الغلام
كلآ على الاخر اله واجبات
	يامن دخيل ابيوتكم مايظام
عسى السعد باايامنا المقبلات
	انشد فيه اطناب كل الخيام
يازين رفقتنا بذي الحيات
	تكاتفآ مابيننا واحترام
جمع القبيله فيه خير وغنات
	والتفرقه ضعف وغباء وانهزام
رفقه لنا بسنيننا الماضيات
	يازينها اللي قبل سبعين عام
يوم الليالي بالشقى امحملات
	ماياجد المخلوق نوب الطعام
يوم البعض ملكه بعيرآ وشات
	هذا لهذا بالنوايب حزام
في صفنا لايدخلون الوشات
	تكاتفوا تالفوا يالكرام
وياكثرهم والله هل الطايلات
	من يجحد افعال القبايل يلام
والوقف لعله تحقق ثبات
	تكفون ياالربع الهمام الهمام
الوقف يبغى فكر وامساهمات
	ويقوم بجهودالرجال العظام
وان قام بامر امكون الكاينات
	خيرآ نحلق فيه فوق الغمام
وخَتمتها والعلم فيها ثبات
	وازكى تحياتي لكم بالختام

بسم الله الرحمن الرحيم
ابيات كتبتها قبل يومين لعلها ترقى لاذواقكم الشعريه

مرحبا ياهاجسي ياحي والله فالك
	افتح الموجه عليها وجه الاداري
ياهلابك هات علمك جرلي موالك
	جيتك يازينها مع جيت الامطاري
القلم بين اصبعيني يكتب استرسالك
	ايه ابي طاروق يطرب يابنات افكاري
القصيده لا حضرت ابيوتها تبرالك
	ايه من عذب البيوت اتنق لي واختاري
ما تطق الراس غير الوافيه في بالك
	هاتها اكتبهاواختمها بختم اصداري
كيفه راسي بكيف الشعر سق فنجالك
	كيف شعر وكيف بنآ حاكره ببهاري
يامخاطب بالوحي خير البشر مرسالك
	حمد لك ياخالقي يامجري الاقداري
ياكريم المد سبحانك ماتحصى افضالك
	حمد لك ياربنا يالمنعم المدراري
ربي اني ملتجي بك ياكريم اسالك
	العفو والمغفره يارب ياغفاري
ضلني يوم المحاسب خالقي بضلالك
	في نهار الفصل بين الخلق ياقهاري
ربي اجعلني من اصحاب النعيم ابطالك
	يالله اني ملتجي بك من لهيب الناري
هيه يا اللي باغي الجنه وهي امالك
	اعمل الها واستعين ايلاهنا الجباري
بالذي كونك يامخلوق شد احبالك
	قبل ماترحل من الدنيا لذيك الداري
هيه يامضيع صلاتك روف روف ابحالك
	الصلاه اهي الصله بينك وبين الباري
شف صلاتك هي نجاتك تركها غربالك
	قال ذا خير البشر عن عالم الاسراري
كان ماافلحت ابصلاتك مانفعتك اعمالك
	في نهار ايضيق وادي ويل باالكفاري
يافلاح اخر قصيده قلتها تهدالك
	والهديه دايمآ يبقى لها تذكاري
سجله مضمونها في راسك وجوالك
	ولي نزلها هنا في ملتقى الشعاري
يافلاح انا ادري انك بين ابوك وخالك
	والهقاوي فيك شفها اكبار ماهي اصغاري
والله اني ودي انك دايمآ منزالك
	بالقمم لن القمم منازل الاحراري
ولك شكر ياهاجسي ياحي والله فالك
	والكلام المعتبر له قيمه ومقداري

بسم الله الرحمن الرحيم
لعل هذه الابيات ترقى لارواقكم الشعريه

بسم رافع سماء الدنيا بليا عمد
	محصي اعمال حي الخلق وامواتها
يامحمد لبوك اكتب بيوتآجدد
	يوم جات القصيده رتب ابياتها
هاجس الشعر مابيني وبينه وعد
	وان لفا جيته ياخذ مكافاتها
اشهد انه يشرف مجلسي لاقعد
	انتناقش بيوت اولى درجاتها
يعمس البال يامحمد ضجيج البلد
	ويشرح النفس بعض اوقات سجاتها
حي لمع البروق وحي صوت الرعد
	فوق دارآ ربيع النفس جياتها
شغل آخر موديل امن البريمي ورد
	نفسي اطيعها في بعض رغباتها
وازهم اللي لخوتهم يشوش الولد
	صحبتي من خيار القوم ساداتها
ياكبر قدرهم عندي اوجيه السعد
	النشاما تنومسني صداقاتها
هب دنيا بحال امحال تبقى لاحد
	القليل الذي ماذاق صكاتها
ربنا خالق الانسان فيها كبد
	كل يوما اتروعنا مفاجاتها
رابح اللي عمر فيها حياة الابد
	من بغى الاخره يدي طلاباتها
المكاسيب من دنيا الفناء والنكد
	طاعت اللي خلقنا هي لذاتها
لذتي كل ماوجهي لربي سجد
	مع سجودي تجيب العين عبراتها
واطلبه ربي التثبيت منه المدد
	في صلاتآ دوا الاوناس ركعاتها
ربي امحا من ارضك ربي اهل الحسد
	كم نفسا بلاويهم معاناتها
كل قلبا خبيث ايكيد كيد ان حقد
	والمقادير بأمر الله اصاباتها
ياخباث النفوس ايش ايش باقي بعد
	صابت الخنجر المقصود طعناتها

[/poem]

بسم الله الرحمن الرحيم
القيت هذه القصيده بزواج رفيقنا مروان عايض عليان السحيمي لعلها ترقى لاذوقكم الشعريه في تاريخ 1435/10/9هجري

يامن لك التسبيح منا وتهليل
	ونطلب رضاك ومٌنك العفو نرجيه
ياخالقآ ذا الخلق جيلآ بثر جيل
	ومففنيه سبحانك وفي يوم محييه
بك البدايه والمعاني ابتفصيل
	من مبتدا الكلام يالين تاليه
امنسقه وابدا عليكم ماباطيل
	والشعر جزل اوهزل من فكر راعيه
في حفل شيخآ له مكانه وتجليل
	شيخ الخصال الطيبه كلها فيه
مقر عرف وراس منصى رياجيل
	من رؤس ربعي طول الله لياليه
ان كبرت القالات بتاع حلحيل
	وتاخذ رجال العرف رايه وتعطيه
صليب راس وباس راعي معاميل
	علي رفاده حي والله طاريه
الكفو في مدحه يزين التماثيل
	اجاهر ابمدحه وبالطيب اهنيه
اللي لربعه نعم ربعه له اتشيل
	غلا الرفيق اللي كفو يوم نغليه
تشريف له هو والعيال المشاكيل
	ذوي عليان النشاماء بنيخيه
ياحاميآ بيتك بطير الابابيل
	عبدك ابوعايض بجنتك كافيه
وحضرت والحضور واجب وتكميل
	لحقوق ربع الرجل وحقوق داعيه
اما القصيد ابعون ربي تساهيل
	اللي لكيف الشعر ضرمان اقهويه
للشعر كيفآ مثل سوق الفناجيل
	يسوقه الشاعر امبهر الباغيه
وذوقه مثل در البكار المباهيل
	جزل الشعر له ذوق لدى امحبيه
ومن منطق الشاعر تبين المحاصيل
	اما قوي والا ضعيفه معانيه
حياك ياشعرآ يجمل ليا قيل
	يبقى صدى معناه في ذهن موحيه
وافي مايلقى به عليه مداخيل
	الا الصحيح اللي امزين قوافيه
لا دندن الهاجس وجر المؤاويل
	اللي بغيته بالقصيده عطانيه
اليا ورت ارد على صافي النيل
	ولي عودتآ لابد على شواطيه
وصلو على من جاه بالحق جبريل
	شفيعنا في يوم كلن يلاقيه

بسم الله الرحمن الرحيم
كتبت هذه القصيد في زواج العيال الموافق 3\11\1435هجري

بسم الله المبتدى ربي عظيم الجلال
	امصرف الكون خلقنا الغفور الرحوم
ربآ خلقنا لتوحيده مجيب السوال
	سبحان من له نصلي كل ليله ويوم
ونيابتآ عن ذوي فلاح سبع الرجال
	هم قدموني وانا لاقمت اسد اللزوم
وهلا هلا عد مايبدي نهار وهلال
	ترحيب بالكل منكم ياهلا بالعموم
ليله تجمع رفاقتنا من احلى الليال
	وشكرآ لتشريفكم يااهل الوفاء والسلوم
وفخرآ لنا امناسبك يالجدي نجم الشمال
	ياصل الظفر والكرم من ربعنا روس قوم
يابوسعد حي والله هالذكر والقبال
	ياكاسب النعم والله يابعيد العزوم
الطيب لابس اوسامه مع قروم العيال
	ياناطح الواجبات ان صد عنها امهدوم
يمنا الكرم طايله كثر او قل الريال
	ويمنا البخل مالها بالنعم حضآ يقوم
الكفو اجاهر ابمدحه وامدحه بنفعال
	اللي من الطيب قسمه من خيار القسوم
واما سليمان وانعم له ذرى وله ضلال
	للطيب في وجه ابن مرزوق دايم رسوم
من قوم ابن موقد اللي كل نوماس نال
	شيخ وقبيله نعم علمأّ ثبات امعلوم
وياللي تبون الشعر فالشعر جاله مجال
	يالله نحلق معه بين الثرا والنجوم
الشعر حاضر هنا له في سمانا اشتعال
	وانا البيوت النوادر لي عليها اوسوم
يوم القوافي براسي صارلهن اجتوال
	ماجيب غير الذي يطرب عقول القروم
قصيدتي فال ياتي من بعدها العقال
	ننقى لكم شعر عن هزل الكلام امحشوم
جمع المطانيخ محضر له بيوتآ اجزال
	والجزله ارقابها في نايفات الرجوم
للشعر كيفآ يكيف مثل كيف الدلال
	كيفآ باسوقه على اللي مشتهين العلوم
ياشعر عط التحيه كل طيب خصال
	اللي سجله اموثق بالنعم وامختوم
اللي رقاء بالفضايل قمة اعلى الجبال
	وهايب اللي عطا هذا وذاك امحروم
اللي امتونه ليا قام ارتكت للثقال
	بالجاه والمال ومقابل لجمع الخصوم
راع المهمات والفزعات في كل حال
	مكمل احقوق الرجال امن الرجال امخدوم
اللي لربعه سند لعقدن الحبال
	لعل راس الذي هاذي صفاته يدوم
وتمت بعون المعين اللي عليه اتكال
	وشكرا لتشريفكم شكرا وحبت خشوم
وصلوا على خير خلق المنفرد بالكمال
	خير الرجال الرسول امن الخطايا معصوم

بسم الله الرحمن الرحيم
اقامت قبيلة الوهوب من قبيلة حرب بحفر الباطن حفل للشيخ الدكتور عبدالله رشيد ابن عريعر السحيمي هو ومن قام معه من شيوخ قبيلة حرب الاوفياء تكريمآ وعرفانآ لهم على موقفهم النبيل في انهاء قضية السجين فهد حمود الوهبي شاركت بهذه القصيده لعلها ترقى لاذواقكم الشعريه30\2\1436هجري

بسم الله اللي له نصلي نطلبه ليل ونهار
	سبحان من شرفك ياطيبه ومكه بالحّرم
جزل العطايا اللي بمده زين ارضه بالخضار
	رب الوجود اللي خلقنا جل شانه من عّدم
الليله الهاجس معه علمآ مهم وشب نار
	نار القصيد اللي حطبها افكار رتبها القّلم
بعد تناقشنا بعلم امهم وانهينا الحوار
	قال انت تبغى اللي تجمل قلت عطنيها نّعم
انا استشرت اهل المعاني وانت ليه مستشار
	الجزله الجزله طلبنا والرياجيل الحّكم
ايه اتخير ماتورى دام لي الاختيار
	لادندن الهاجس وطق الراس والفكر اسّتلم
واذا القوافي مامعانيها تطاير له شرار
	ماللقصيده ذوق في حفل الرجال ولا طّعم
الشعر له وقفات يالشعار مافيه انتظار
	وفي حفل حرب الحرب يالشعار لي معكم سّهم
سلام ياربعآ لهم مقام عالي واعتبار
	امن المدينه للحفر قدرآ لكم سار القّدم
دعوة وفاء لاهل الوفاء من حر من ماكر حرار
	يابوفهد ماهو غريب الطيب علي القّسم
ياحرب ياحرب الفخر عمار جمعتكم عمار
	يامن لكم باالمجد فوق اعلى جبل رفرف عّلم
ياجاعلين الكايدات اللي كبار امن الصغار
	يامن لكم وزن وثقل بين القبايل والامّم
وقفاتكم فزعاتكم ثمارها خير الثمار
	ايسولفوا فيها العرب ويترجموها للعّجم
وفي ماضي الازمان كم قصه لنا فيها افتخار
	منها فعل دخيل ونويشي كبيرين الهّمم
دون الخوي والجار قتل النفس للحربي شعار
	وبالناس فيه امثالنا ياأهل المواقف والشّيم
الله يبيض وجه راع الطيب في كل الديار
	راع الفعايل والجمايل له مقام ويّحترم
طير السعد معه السعد رف ابجناحينه وطار
	انا اشهد ان ابن عريعر قام بالعلم الاهّم
صحيح من قال المواقف للرياجيل اختبار
	واللي خذا وسام النعم مدحه على الشاعر لّزم
ابن عريعر وقفته جاء صيتها في كل دار
	قال السحيمي واجب الحربي على الحربي زّهم
والرجل له ميقاف عنّه مستحيل الاعتذار
	وانا لها ولغيرها كم قدمت يمنى الشّحم
وانا من السحمان ياربعي لنا شان ووقار
	اهل الحميه والمواقف والشجاعه والكّرم
لاقال عبدالله رشيد ابن عريعر علم صار
	قال ابشروا ياحرب تم العلم والامر انّحسم
ماللكبار امن القضايا غير نطاح الكبار
	انهى القضيه يوم ابوعواد شمر واحّتزم
وذاير رشيد ايضا كسبها يوم صلى واستخار
	من ربعي السحمان دايم معتلي رؤس القّمم
سعى نخى سوا البيوت اللي بها نخوه واثار
	تفاعل اهل الطيب شكرآ له على بيوتآ نّظم
الاجر والنوماس دايم مكسب الرجل الخيار
	ولاهي غريبه وقفة السحمان فوق اعلى هّرم

بسم الله الرحمن الرحيم
ان لله وان اليه راجعون رحمت الله عليك ايهو الملك العادل الرحيم الصادق التقي النقي عبدالله ابن عبدالعزيز هذه ابيات فيها شي من مافي النفس في تاريخ 8\4\1436هجري

لا اله الا انت سبحانك ياحد مالك مثيل
	ياكريم اكرام خلقك من عطاك الها تجود
اف يادنيا الفنا ويش المكاسب والحصيل
	غير طاعت من خلقنا واله سوفا نعود
كل مخلوقآ جعله ربنا ساعة رحيل
	ومايخيب اللي لامنّه مات له ذكر امحمود
حزن شعبك يابومتعب لحبك دليل
	للمحبه مواري والوفاء له شهود
لو منته فقيد ادموعنا ماتسيل
	ذي دموع المحبه غرق(ن) الخدود
مت وانته رحمك الله بقلبك تشيل
	هم الامه معك حتى دخلت اللحود
ندعو ايلاهنا ايضلك بظل(ن) ضليل
	الذي مالنا غيره ايلاه امعبود
ياسعودية الامجاد صبرآ جميل
	البقاء للعظيم ايلاه هذا الوجود
غيب الموت سيف ابتر وسيفآ صقيل
	استلمها وله منا الولاء والعهود
راح صقر العروبه والسعد بالبديل
	ياسعودية الامجاد دار الاسود
استلمك الذي لعل عمره طويل
	به شبه مسس الدوله عريب الجدود
الولاء ياوطنا جيل يعطيه جيل
	بالتلاحم مع القايد يموت الحسود
دام عز الوطن محمي وفي حفظ الجليل
	في ذرا سيدي سلمان مايشوف اللهود
والذي فكره امسمم علينا دخيل
	ماهو منا هذاك ان ماهداه الودود
ياعدانا تبون وماتبو مستحيل
	من نوانا بشر انهايته بالحدود
نقطعه راس من خان الوطن والعميل
	واستعنا برب اوجيهنا له سجود