ديـوان الشاعـر عبدالعزيز عـواد السحيمي

	بسم الله الرحمن الرحيم السلام عليكم ورحمة الله وبركاته : وبـعد الشعر ديوان العرب، كان ومازال كذلك عند من يملك الروح العربية الأصيلة والنبطية ، ويتنفس أنسام العروبة، ويتمثل معانيها السامية . لأن العربية والنبطية بأصالتها وعظمتها في غنى عن أن تستمد جمال فنونها ومحاسنها من لسان آخر، كما أن الذوق العربي أعظم وأنقى من أن يتلبس بذوق أعجمي . و بين أيدينا ديوان { شاعرنا عبدالعزيز عواد بن عنيـزان السحيمي } نقرأه فنلمس فيه أصالة الفن النبطي العربي، ونضع أيدينا على شيء من خصوصيات الشاعر وقدرته على تحقيق روح الفن بأسلوبه المتميز، وطريقته التي تتمثل القيم الأخلاقية ممتزجة بروح الشاعر وأحاسيسه الصادقة، بين قضايا أمته، وقضايا مجتمعه . وأخيراً أيها القارئ الكريم , سأدعك مع الديوان لتقرأ الشعر والشاعر وتمنياتي للجميع بالتوفيق والسداد . http://www5.0zz0.com/2012/04/17/18/729425907.jpg تقبلوووا تحياااااتي ,,

قصيدة في أطهر بقاع الارض { المدينة المنورة }

لاخيروني في الديار آتخيّر	دار(ن ) لها بالقلب منزل ومقدار
في حبها يصحابنا ما تحيّر	ملازمة للقلب في سر وجهار
اللي بها طير السعاده مطير	يوم إن في بعض الدير طاح ما طار
واللي ليا جاها المسير مسيّر	تفتح له الابواب من كل الاقطار
وان طبّها عن ديرته ذيك خيّر	وشلون يقبل جيرة البوم صقار
قلبي تولّع في هواها صغيِّر	والله ما نساها ولو صار ما صار
دار الرسول اللي بالاسلام غيَّر	وجه الجهل وأصبح مشعّن بالانوار
دار الصحابه دار(ن) لكل خيّر	ينزل بها مرتاح (ن) ولابه اخطار
دار السلام اللي بها القلب نير	دار(ن) بها يستامن الجار بالجار
يادار حبك في الحشا ما تغيّر	لولاك يادار الوفا مالنا دار

مناسبة القصيدة
{ قال للشاعر أحد أصدقائه شعرك قديم ماهو من الشعر الحديث
واذا تبغى تصير مشهور لازم تكتب شعر الحداثه }
وفاضت قريحة شاعرنا بهذه القصيدة

ماني مدوّر شهرةٍ في قصيدي	أدوّر الطيّب سليل الاجاويد
الطيّب اللي شوفته يوم عيدي	الطيّب اللي مابعرفه مناقيد
الصاحب اللي كلّ علمه مفيدي	وليا لفانا نبعده عن هلَ الكيد
في مجلسٍ مافيه رجلٍ بليدي	فيه النشامى والحَرَار الاواليد
((للكيف ذوق ولاستماع النشيدي	لا قلطوا رسلان ولّا بغاديد))
((ثنتين هيل وثالثتهن عويدي	وكلٍ على ماتطلب النفس وتريد))
قول (الحويفي) في زمانٍ تليدي	وانا على ماقال باقول وازيد
لعلّ صيتٍ دون ساسٍ جويدي	يِقْطَع ويمْنَع من جميع المواريد
والطيّبه تسْمَع ولو هي بعيدي	أشدّ واقْوى من دويّ البواريد
ولّا الرديّه من قديم وجديدي	لا مصدرٍ طيّب ولا طِيْب توريد
أمّا لشعري منهجٍ له وحيدي	حطّيت له ساسٍ ونهج ومقاصيد
ساسه مجوّد, من صليب الحديدي	وطلعه نضَج واسكنْته بْقمّة الحيد
والفكر صقرٍ والتماثيل صيدي	واللي معه صقراً يبا يجلب الصيد
أمثال (ابن جدلان) ولّا (الحميدي)	و(ابن الزلامي) و(النصافي) و(ابو زيد)
و(بن سند) راع القصيد الفريدي	فتّال نقّاض الحبال المعاقيد
و(بندر) و(بن عيّاد) و(بن الرشيدي)	و(بن زويبن) عانق العنْق والجِيد
و(بن بديّع) عندنا كالوريدي	لو بحّ صوته, في معانيه صنديد
هذا مثل ولّا كماهم مديدي	ضاق البحَر فيهم وضاق اوْسع البِيد
ياصاحبي كلٍّ على مايريدي	مير اسْتمع للقول, باقول واعيد
ماني مدوّر شهرةٍ في قصيدي	أدوّر الطيّب سليل الاجاويد
الطيّب اللي شوفته يوم عيدي	الطيّب اللي مابعرفه مناقيد
هذا هوى بالي ورايي سديدي	لوّ المشوره بيننا تطْلق القيد
تمّت ويخزى الله بْليس المريدي	والزود نقْص وزايد الزود مايْزيد

	رديه رائعه بين الشاعر عبدالعزيز عواد وقمر خمسة عشر الشاعر / عبدالعزيز ياقمر خمسة عشر وشلون حالك يابدر لابد ماترجع هلالي يذكرونك مير وقتك لو صفا لك ياطويل العمر ماتصفى الليالي رد القمر: ياولد عواد خلك في مجالك يالسحيمي طيعني مالك ومالي أحمد الله من نصيبي مابدا لك مكسبي ما تاخذه كل الرجالي السحيمي: أنت متكبّر ولاادري وش جرى لك كلما كلمتك تجرّ العوى لي خابر انّه يا صحيبي من حلالك مير انا حاسب حسابٍ للتوالي رد القمر : آتكبّر يوم اشوفك في حِلالك صابرٍ ماتسكن الا فالرمالي ساريٍ ضوّي قوي فالدرب سالك وان غديت هلال من زود الجمالي عبدالعزيز: عيشتي فالارض ولاّ انت السما لك دايمٍ وانته رفيقٍ للعوالي ياقمر ما ابْغاك تذكر لي جمالك لا غدى نورك وشَ اللي له تْحالي رد القمر: عيشتي فرعك وانا ما ابْدي خمالك كلّنا تحت الولي عز الجلالي ليّ وجهٍ لا بدى نوره حكالك وليّ وجهٍ فيه يامقْصر حبالي عبدالعزيز: ياقمر باانشدْك ويش اللي مضى لك عقب ما انْت منوّرٍ سود الليالي ماتذكّر قبل لا تقصر حبالك يوم شفتك تارد العدّ الزلالي رد القمر : إنشد الدنيا تجاوب عن سوالك يافتى كلّ الملا ماني لحالي إحذر من الوقت لوّ انّه حدى لك الزمان امرار مرّ ونوب حالي عبدالعزيز: أشهد انّك صادقٍ لي في مقالك مير وشلون اعرف الدرب العدالي والله انّه طاريٍ ما طرى لك مير شفت الشمس صاطعةٍ قبالي رد القمر: مثل ما تعرف يمينك من شمالك تعرف الدرب اليمين من الشمالي ياعميل الخير لا تْغرّك حوالك إذهن من الشمس ماضِ الْها زوالي عبدالعزيز: من ضميري ياقمر كل الثنا لك والشكر لك مير لله الكمالي ياقمر ما اقول غير ياطيب فالك مالنا من دون ربّ الكون والي

	قلبي تهيض وانجلى الهم كله قلبي تهيّض وانْجلى الهم كلّه من شان محبوبٍ على البال طاريه مصفيٍ قلبه وانا صافيٍ له لكنّ قلبي مبعداتٍ هقاويه من طق بيبان الهوى وافتحن له يروح روحه مانحصل مواريه يازين حبك في ضميري جبلّه من خلقتي والقلب باوّل مناشيه والقلب لامنّه بدا فيه علّه أنته دواه وكل جرحٍ تداويه انته تعقد الحبل وايضاً تحلّه وانته تجيب الراي وايضاً تودّيه والسيف بامْرك لابغيته تسلّه أنته نصابه وانته اوثق عراويه ولْيا قضيت الامر مافيه خلّه ولْيا نويت الخير يازين تقضيه والشر مايقربْك في كل حلّه هذا كلامٍ ماتجيه المشاريه دربك وسيعٍ للهواوي يدلّه واللي معه عينٍ بدربه تقدّيه [/poem]

	قصيدة التـوجد ياوجد حالي وجد راس بلا متون والراس ماله عز الا متونه أضحى طريحٍ ماله من العرب عون مستيسرٍ ذلّ وهوان ومهونه أو وجد مديونٍ قضى الدين بديون واصبح غريق في مهامه ديونه يطلب من اهل الخير والناس يبغون واهل الحقايق حقهم يطلبونه يصفق الكفين يالربع تكفون يبغى المعونه مير مابه معونه أو وجد مسجونٍ قضى العمر مسجون الباب والحراس و القفل دونه جرب من الحيلات لون باثر لون لين انتهى صبره بكوده وهونه أو وجد عود له ولد مثل فرعون وعياله الثانين ماينقذونه مغبون من فعل الجهاهيل مغبون من غير شي فيه مايعرفونه هذا توجد والتوجد له فنون وابا اتوجد لين تقضي فنونه على الذي من بعده القلب مشطون ماهو بعيد الدار وتقربونه حالي على فرقاه من دون في دون وليا تذكرته تزايد شطونه أبو جبين تقل برق له مزون يغشاه مجدول كما الليل لونه وليا نظر بالعين مامثلها عيون حوض المنايا في محاجر عيونه سهومها لا سلهمن لك يصيبون باهدابها حراس نونه ونونه وحجاجها ماهو بقولة يقولون الخنجر اللي ماتداوى طعونه له رسمة من شافها صابه جنون بمجمع الرسام مايرسمونه والخشم مثل السيف مسلول مسنون سيف المهلهل يوم سله بكونه والخد ورد في حلاياه مفتون ماهو بورد بالثرى تزرعونه خد وقد صافي مابها ظنون أصفى من المي الذي تشربونه وبه جمرتين مثل جمر بغليون يمزه اللي شاف طعمه ولونه مبيسم ما للمناقيد به لون كنه خويتم خنصر تلبسونه ليا رشفته رشفتين على الهون خمر ولا هو ايات خمر تبونه وذيك الرهاف اللي عددهن موزون عد القمر والسبع يوازنونه هاك الثنايا البيض ياللي تشوفون نزل البرد يوم استهلت مزونه وعنق طويل ميزته بين بليون عليه عقد الماس ماياجدونه والصدر فيه اللي كما طلع ليمون وميقافها كالعسكري مع مرونه والخصر من شبرين لا شبر أو دون شبور ورع فالمهد يرضعونه هذا طرف ولاّ عن الوصف تبطون عجزت وانتم ياملا تجهلونه صنع البديع المعتلي خالق الكون سبحان رب الكون صنعه بكونه يالله ياللي بامره الكاف والنون من كل شر وعوق يالله تصونه

	قصيدة في حفل تخرج ضباط قبيلة حرب ألا يالله ياللي مايخيب بعونه الطّلاب ولي الكون كل الكون تحت امره ومكتوبه طلبت الله بصدق لسان ما كشّر معاه الناب صدوق من خفوق يبني الطوبه على الطوبه عسى الله يرحم اللي وحّد الدوله زعيم الغاب عسى الله يرحمه ويطهره ويمحص ذنوبه طويل الباع موفي الصاع للاقراب والأجناب سليل المجد حاكم نجد جاها فوق منجوبه بحد السيف صخرها وطهرها بروس حراب رضا الله غايته والطيبه للناس محبوبه ابو تركي حماها واحتماها عن طغى الاحزاب وجمع شملها واكتضت الاحشاد في صوبه ومن عقبه لى نهجه حموها صقور نسل عقاب سعود وفيصل وخالد وابو فيصل ومندوبه مليك له ولانا شب لاهالحين ماقد شاب يجدده الغلا في كل يوم هبت هبوبه ابو متعب حكيم الراي حاز رضاي والاعجاب زعيم العرب مالي درب غير رضاه ودروبه على حكم الشريعه والشريعه حكمها الغلاب كتاب الله والسنه علينا فرض مكتوبه ولو به من تخلا مالنا عن منهجه مجناب مع اهل الارض طول وعرض شام الدار وجنوبه تحالفنا على الدين الحنيف ولا به استغراب تكاتفنا بالايدي وايدي الاشرار مغلوبه وابو خالد ليا عرضت عليه بعاد ولا قراب يحل المعضله بالطيب وان ماجات مغصوبه عميد القوم جلاي الهموم مفكك الانشاب طويل شبور صقر صقور والعدوان مصلوبه ولي العهد مالي جهد مهما قلت من ترحاب فدته الروح والارقاب لاسمه دوم منسوبه ونايف نصرة المظلوم دون جدال ولا عتاب وزير الداخليه رايته عليا ومنصوبه قوي الباس عزم وساس وامن الناس ماينصاب يصلي كل مسلم فرض ربه بامن واعجوبه أمين الدار والخطّار والاحرار ماترتاب تعيش احرارنا الحره تصول الدار وتجوبه ولا ننشد عن الحيه ولا نحسب لها أي حساب مصابيح الدجى حيه ونار العز مشبوبه ولا نقبل سواة اللي يحوبي من ورى الاطناب يبا يعذرب بنا لكن بان اللاش عذروبه ترى هذا غريب لا محل له من الاعراب يدور له بلد وديارنا ماهيب منهوبه ترى طيبه واهل طيبه سواة العين والاهداب تَحَرْس العين مايدخل لنون العين قشروبه وترى مكه واهل مكه سواة الدقن والاشناب عليها ضافيه والدار مانقبل بها حوبه ولا نرضى على الحد الجنوبي مسة الاغراب وطنا واحد كالرجل من راسه لعرقوبه ولا نقفي مع المقفي ليا منه تولاّ وغاب تدور به السنين ودورة الايام محسوبه أقوله ماني بخاين ولا بايق ولا كذاب على وضح النقا بنا وشمس الحقد محجوبه والا ياحرب سلم وحرب لا يخدعكم الحراب يجيكم قالب الغتره ومعها قالب ثوبه تراكم عن عدانا ياذرانا اقوى ستر وحجاب ذرانا ملتجانا عقب رب فاتح بوبه عسى الله ينصر الاسلام ويشتت هل الارهاب يعز المسلمين وشلة الاحقاد منكوبه بنصر منه واليوم اجتمعتوا ياهل الالباب صناديد ليا حضروا دلال الضد مشروبه سلام الله سلام الله على الحضار والغياب سلام يبهج اللي يسمعه من لذة اسلوبه واثني به على كل القبايل نكرة واصحاب تحية شاعر بالطيب والريحان مصحوبه وابارك من صفا نيه عساها خير يالاحباب بهذا العام واللي عقب والامجاد مطلوبه ترى الحر النداوي مسكنه ماهو بعش غراب محله عالي والطير الاسود ماقضى نوبه وصلى الله جليل الملك رب العبد والارباب على محمد شروق المجد عقب اقفاه وغروبه [/poem]

	سلطان بن عبدالعزيز آل سعود يامن يخبرني عن وصول سلطان دار السعود أهل الظفر والصطاره اللي يبشرني عنه وين ماكان أنا اشهد أنه يستحق البشاره أعطيه من دمي وريدٍ وشريان ربحان ماهي في ضميري خساره لجل الامير اللي بنى فالعلا شان شان عظيم ولا تغير مساره ثابت على طول الليالي والازمان عصر مضى ولا بعصر الحضاره نكن له في وسط الاضلاع عنوان جعله يعود بخير عقب انتظاره في غيبته كل شكى هم واحزان وكل شرب عقب الحلاة المراره نطلب من الله خالق الانس والجان يشفيه ويعافيه في كل تاره راع الوفا راع العطايا والاحسان جعل الشفا ثوبه وملبوس داره راع الكرم كفه كما المزن هتان راع الشيم والمعرفه والنماره راع النقا سيّد طليقين الايمان عسر ويسر ماينطفي ضو ناره سيد النشامى والشهامه كحيلان أبو اليتامى والسلامه شعاره ريف الضعيف ان كان في سر واعلان يمناه تعطي ماتعلم يساره بنى المساجد في القرايا والاوطان والشر هاجد ماقدح له شراره تم الكلام ولي على القول برهان والحكي يبلغ عن طواله قصاره

	سلمان بن عبدالعزيز آل سعود سلام مني من ديارٍ شريفه من بقْعةٍ خلْيَتِ مْن اهْل النمايم مبعوث للي حصّل الكيف ضيفه مدّه جَعَلْه لْشاهق الرجم رايم حراً كفخ رام الطوال المنيفه صقرٍ على صيده قويَّ العزايم نسل الحرَار اهْل السيوف الرهيفه لن جا نهارٍ فيه عصب العمايم شال الحمول ثقالها والخفيفه ماهزّته هبّات برد وسمايم أميرنا سلمان راع النصيفه عادل بحكمه مالحكمه ملايم حنّا تحت ظلّه, وقلبه سقيفه من جا تحتها مايعاني الهمايم ينْسى الشتا وْيَنْسى المصيف وخريفه دايم ربيع ودايم الجو غايم ياسيّدي سلمان يبْو الضعيفه يبْو الفقير اللي من الفقر هايم يبْو الغني, يبْو الذي طاح سيفه يبْو اليتيم اللي له الوقت ضايم من عقب ربّه وين يلْقى سعيفه ألا انْت يوم انّك بهم خير قايم تسلم لنا وْتسلم يديك الشريفه وجعلك لخمسينٍ على ذيك دايم

	مرثيه في شاعر الخليج / صياف بن عواد السحيمي البارحة عيت عيوني تباتي من بعد ماصلوا عليه الصلاتي صلاة بدون ركعة وسجدة ماريدها لاكن حصلت وجاتي محدن بغاها ولحدن يبيها لكنها صارت وفات الفواتي من بعد ما سلّم و ودّع و قفّى ماني بمتهني بنوم ومباتي من بعد أبو مفلح وش اللي نريده من بعد ابن عواد مابغى الحياتي من بعد ابن عواد ذقنا المراره وفي عهد ابن عواد سكر نباتي ياموت انا طالبك خذني ورده ماني براضي الفقر عقب الغناتي حياتنا عقب المعزة مذلة ولاحدن يريد المر عقب الحلاتي ومن عقب محنا جماعه وعزوه ياموت فرقتنا وصرنا شتاتي ولاأملك الا قولة الله رحمن الواحد المعبود زين الصفاتي الواحد الغفار يغفر ذنوبه والناس كلن مقتفيه المماتي ويثبته يوم الليال المخيفه وأنا أسألك يالله له بالثباتي ياالله تسكنه الجنان الوسيعه ويذوق من حلو الثمر والنباتي وتسقيه من حلو المشارب ويروى من نهر آحلى من حلاة الفراتي واحلى من السكر وعسل مصفى في جنةً و أنهارها جارياتي