مقتطفات من ابياتي

بسم الله الرحمن الرحيم
مقتطفات من ابياتي

حي نظم المعاني دام فكري يجيد
	النوادر لامنه هب نسناسها
لا ماتفلس بيوت الشعر من مايفيد
	والجزاله بيد من قالها كاسها
ياقايد الامه للفعال برهان
	سلمت ياسلمان راس الصطاره
تعيش ياراس الرياجيل سلمان
	عاش الزعيم اللي موفق قراره
اوجدت داعش امريكا وقالت ايران
	كنت اخطط لهذا وجاء مطلبي
يامريكا ماحنا اعداء ترانا اخوان
	افتكي بالعرب وانا معك واضربي
واذهني تزعلي بشار تراه امان
	لليهود الحبايب حصل مانبي
يامريكا ياكثر احلامنا من زمان
	ومتفق مذهبك زمان مع مذهبي
ياكثر مانصحك لاكن مانفع نصحي
	ولازلت ابنصحك والله ربنا الهادي
غافل ابدنيا الفنا مدري متى تصحي
	لاتضيع افروض ربك يابن الاجوادي
خطة اوباما وخميني واضحه مكشوفه
	ضدنا مايفعلون وتقويه لعدانا
طال عمر اللي خفايا اهدافهم ماطوفه
	الذي يوم الوطن حس ابخطر يلقانا
الله من ساعتاً في ليل مدري نهار
	عمري بها انهايته رحماك بي يارحيم
ساعه بها اغادر الدنيا لدار القرار
	ياموجد الخلق عفوك يالودود الكريم
يوم الخلايق تقسم بين جنه ونار
	اعوذ بك ياايلاهي من عذاب الجحيم
ان ضيع اسلوم العرب ذاك ابن ذاك
	انموت مع اسلومنا والعوايد
ونعرف احقوق الناس ذولا وذولاك
	ونوفي بها وقت الرخاء والشدايد
ياشهيد الوطن وانته امدافع صايم
	الشهيد العظيم امبشره بالجنه
ضم عوده واخوياه ابرحمتك يالدايم
	ويالله اتصبرعيوناً بالوطن يبكنه
العفو والمغفره ياموجد الكوني
	عبداً ايناجيك يامعبوده اتجيبه
الخلق ماينفعون ولايضروني
	الابتدبير من ربي وترتيبه
واهل الحسد بالبنادق لو يرموني
	المرمي اللي ماراد الله ماتصيبه
يارجل ماخطي على احد وربي الله شهيد
	ويزعلني اللي يحذفني من اقصاء الجبل
اسمع كلامي وقفل كان منته بليد
	لاتفتح الباب يوم الباب عنك انقفل
راع الخطاء قالوا العّريف ماله عضيد
	وراع الكبر والغرور انهايته للفشل
واللي يعاند على الباطل يقابل عنيد
	بالحق حتى يقال اله اخ مثل الجمل
سبحانك ايلاهنا ماعظمك
	خلقت وانذرت بالوعيد
ياميت القلب من كرمك
	بالعقل وامرك بالتوحيد
لاتضيع افروض فيها الزمك
	واطلب عفو ربك الحميد
هو الرحيم الذي يرحمك
	تمسك ابحبله الجويد
حذرك مايضرك وعلمك
	طريق من يسلكه سعيد
واسمع من الناصح ان كلمك
	بامراً ابصالحك والك امفيد
قالوا من الموت خايف قلت هو اللي
	الخوف منّه ترا دايم على بالي
ولادري وش اللي بعد ما موت يحصلي
	عفوك ياربي لاتتكلني على اعمالي
ياخالقي ياميتني محييني
	يامفني اجناساً بعدها اجناسي
يالله ابهديك خالقي تهديني
	ورحماك ربي لامسكت انفاسي
ربي ليا رفعت لك يديني
	اعوذ بك ربي من الافلاسي
ياليل ياليل السعد يازيني
	نظم القوافي هب يانسناسي
زان القصيد ابمحفل الوافيني
	هنا يشوش اليا وقفت الراسي
اعجاب جمهور الحفل يعنيني
	في حفل ابن عمي عريب الساسي
يامكثر الشعار يالشعر كثراه
	ويختلفوا الشعار منهج واساليب
كلن تجيب افكاره اللي توراه
	والشعر من جزل العطايا مواهيب
الجزل عراف الرياجيل تبغاه
	الجزل يلقاء له قبول وتراحيب
وكلن بشعره مقتنع يوم سواه
	لكان جمهور الشعر له مطاليب
بعض الشعر مثل الحبال الملواه
	يامدور المفيد صفرٍ بتكعيب
بالشهيد الطيار الاردني معاذ الكساسبه
	من دولة الكبار واخير الاقطار
الى اردن الامجاد للضد قهار
	اللي على جمع العروبه شفيقه
منا التعازي في فقد سيف بتار
	تعازي الشعب الوفي الشقيقه
معاذ وش ذنبه لجل يحرق ابنار
	ابشع قتل لنسان وابشع طريقه
اول قصصه ياعرب راس بشار
	بشار هو قايد اشر الخليقه
هو قايد الارهاب في كل مضمار
	الشام من بشار كله حريقه
ومعاذ ابن قبيلتاً تاخذ الثار
	عندي اعلوم امن الرجال الوثيقه
مايروح دم ابن قبيله وطيار
	ومن دولة الصمود هاذي حقيقه