بعض العرب ياخذ كرم حاتم الطي

بسم الله الرحمن الرحيم

هذي قصيده متواضعه أتمنى ان تنال اعجابكم واعذروني على التأخير في استمرار مشاركاتي لضروف العمل ومشاغل الحياة كفانا الله واياكم شرها

من فضل ربي مغتني دامني حي
	ما جيت ادور لي مع الناس حاجة
رضيت بالمقسوم واللي انكتب لي
	والعسر من ربي قريب انفراجه
وبعض العرب يطمع ولا يقنع بشي
	يشرب زلال الماء ويشرب هماجه
ما يقتنع لويملك الصين ودبي
	وده فبرج المملكة في حراجه
وبعض العرب ساكت وملبد على شي
	ويحاول يغرف البحر من خراجه
لو تسأله عن حالته قال ماشي
	واثره يورد للدكاكين باجه
وبعض العرب درويش وحليل وهدي
	يمشي ويحكي للخلايق مزاجه
يشكي على الميت ويشكي على الحي
	ويصيح من فقره ويبغى علاجه
وبعض العرب ياخذ كرم حاتم الطي
	كريم للطرقي ويضحك حجاجه
وفي واجبه ما حاشه البخل والغي
	ضوه شعم والليل ما اطفا سراجه
وبعض العرب شجيع ولربعه احمي
	اخذ بصكات الليال ادراجه
يبدي على الجزله وللطيب يبدي
	اخذ على طيب الرجال انسهاجه
وحنا بشر ولااحدن من اخطاه محمي
	والسيف ابوحدين فيه انعواجه

صح السانك عبدالطيف على الابيات الطيبه تحياتي لك

صح لسانك أبوشهد والله يغنينا ويّاك بالطاعه ومعذور وأنا أخوك وكل الناس مشغوله لكن الأهم لاتبطي ولاتبعد

أبيات بداخلها شاعر سجّه وراعي معاني جزله وتقبل مروري

صح بدنك ابو فلاح على المرور الطيب تقبل تحياتي

صح بدنك ابو ريان وشاكر ومقدر مرورك واطلاعك وشهاده افتخر فيها وتعنيلي الكثير وانا عبداللطيف وابو شهد عبدالمجيد اخوي ولاكن التايه بين الاخوان مدل وشاكر لمرورك

ههههههه الله يجمعكم على الطاعه ويرحم شيبانكم

والله انكم جزلين نسأل الله أن يجعل ماتقولونه من قصيد وغيره شاهدا لكم لاعليكم

صح لسانك عبداللطيف اهنيك على هذا الوصف والتصنيف لطيب العرب ورداها تقبل مروري

رضيت بالمقسوم واللي انكتب لي
والعسر من ربي قريب انفراجه

ياسلام ياسلام الشاعر عبد اللطيف صح الله لسانك وبيض الله وجهك قصيده جزله من رجل جزل والبيت هذا
الصراحه وبدون مجامله مضرب مثل من الحكمه فيه كنز من القناعه وفيه قوة اعتصام وتوكل على الله عز وجل

صح بدنك يابو شهد ومايكمل الاوجهه سبحانه والاوادم تخطي وتصيب

صح بدنك يابعيد المشاويح انت من الرجال الي نحترم وجهت نضرهم وتقييمهم واطلاعهم ونسعا جاهدين للبحث عن الافضل والاجزل والشي الجديد ذو الفائده وشاكر مرورك واطلاعك