ديوان الشاعر ذاير رشيد السحيمي

السلام عليكم ورحمة الله وبركاته
هذه ابيات اتمنى ان تحوز على رضاكم

أنا أنوست في قلبي همومً لها دقات
	همومً بقلبي وسط صدري وكاتمها
وجبت القلم والبوك واعبر من الكلمات
	ومن لا عرف مصدارها صعب يفهمها
و ليه على العاقل مواقف ولي شرهات
	وأنا محترم كل العرب وأحفظ شيمها
رضى الناس غايه لو كتبنا بها سجلات
	ولا يعلم إلا خالق الكون محكمها
تعجبت بالدنيا وما يدور من أوقات
	حصيل اليمين يعود يسار مااعظمها
تفكرت كيف الطيب تدخل به الغلطات
	وعشرة وفاء ترجع تحطم قوايمها
صديق الصداقه والوفاء يسمح الزلات
	وخثعت جواد أصيل يده مكرمها
تجاريب بالدنيا مع الناس جمع أفيات
	وترى التجربه برهان للي يحكمها
الا ياعظيم الشان يادافع السيات
	تغفر الذنوب وخاتمه خير تقسمها

السلام عليكم ورحمة الله وبركاته
هذه ابيات جديده مع هذا الجو الطيب وجلسة نشامى شرواكم

قالوا تمنى قلت وجدي تمنيت
	جلسة نشامى في محاجير وادي
النار مشبوبه وللكيف سويت
	مهيله فيها العويدي مرادي
يبعد عماسي كيفها لتقهويت
	شقراء وحمستها سوى بالجوادي
تريح الخفوق جلسه بتوقيت
	ريحة ذعاذيع الهواء جو هادي
لاهيفت شمس العصر غرب وامسيت
	ريح الخزامى مع نسانس برادي
البال رايق واذن وقمت صليت
	واديت حق الله بالاذكار بادي
وسويت للجمري حكرته وسميت
	متخاشرين بطيب نفسً وزادي
ربعاً على طيب الاخوه لهم صيت
	حضرة نشامى مدلهين الفؤادي
ماهم من اللي فرصته فيك لاقفيت
	يضحك ووسط القلب شامه سوادي
هرج النقيلي ماصغو له مصانيت
	جزلين عن درب الغبا بالسنادي
وزانت لنا السمره ومعهم تسليت
	وزان القصيد وخافقي له ينادي
قمت اتخير باحسن الشعر غنيت
	بين الرجال اللي غلاهم وكادي
اختار في بحوره على ماتوريت
	مسحوب ولابالهجيني مقادي
اقدى ويسبقني خفوقي على البيت
	واطرب لراحلته صدى البيت سادي
وياللي نشدتوا ذا مرادي لك ابديت
	ماراح من عمر الفتى مايعادي

هذه القصيده سويتها في حفل ماجد عبدالله علي السحيمي
ومن لاشكر الناس لاشكر الله ورد الثناء واجب وابو ماجد شهادتي فيه مجروحه
ويعلم الله لو ابيع اللي وراي ودوني مالحق من فعوله شي هو ومن يعز عليه
تاج راسي

سلام الله على ربعأ لهم في خافقي مقدار
	لهم مقام في صدري كبير وقدرهم عالي
ذوي علي ياريفأ للخوي والضيف معه الجار
	رجال اهل الوفاء ذربين بين الجد والخالي
ابو ماجد وابوتركي وابو علي غلاهم صار
	في وسط الصدر مايمحى وفاء في كل الاحوالي
عساء عودأ تعزو به ثلاثه ماتجيه النار
	ثلاث اشبال مايجهل وفاهم طيب الفالي
الا ياعود ياعود السعد يوم الليال عسار
	الى جوه الهجافى من قباله همهم زالي
يريح في نباه ويضح احجاجه لاجو خطار
	تحيه من كريمأ لنشامى تشرح البالي
الا يالله ياخالق حليبأ من صميم الزار
	عساه بجنت الفردوس له مرباء ومنزالي
ياعبد الله ترا لو قلت ماهما قلت من الاشعار
	مانوفي حقكم لو قلت كل اللي على بالي
اهل نخوه واهل فزعه واهل واجب واهل مسعار
	وشجاعه مع شهامه مع مواقف اول وتالي
عليه الله ومان الله مواقف ماعليها غبار
	هديب الشام في وقت المواقف للفخر نالي
ولانسى بالوفاء ربعأ وابن عمران واف اشبار
	وخوال الضيغم وربعه وفاءهم عندنا غالي
ذخر نجوان ربعي عزوتي وانكان حملي جار
	يذريني ذراهم وارفع اليمنى مع مع اعقالي

والله اني على الجزلات شامخ مكاني

والله إني على الجزلات شامخ مكاني
	وأفتخر بالرجال أهل الوفاء والحميه
ونحمد الله سليم الجسم وايضا الساني
	عارف للي ترا ليه وشيا عليه
الضحاح المزيف مايجيله ضماني
	ولايهزهز كياني دام نفسي زكيه
مامشيت الخطا راسي سهيل اليماني
	ولايذل الرجال الا الدروب الرديه
يطلقون المثل لرجل راس الحصاني
	كل رجل عريب الساس نفسه غنيه
واليمين الشجيعه ماتجي بهذياني
	تيدم العلم قفر وكيتأ فوق كيه
مجرب الوقت ولاني جاهل بهالزماني
	كل عاقل حكيم الراي بحكمه قويه
مايضيع قوانين العرب مود ماني
	يالله إني دخيلك عن طبوعً هفيه
ولانذم الرجال مكرمين الصواني
	ضيفهم لالفى يقلط بنفسن رضيه

هذه القصيده نصيحه انصح بها نفسي اولا واخواني الاعزاء واتمنى ان تحوز على رضاكم واطلب من الله سبحانه وتعالى ان يجمعنا في الفردوس الاعلى من الجنه

ساعه الرحيل مافيها كلام
	يامدور لشقى يقرع حنين
من زرع زرعه يجي وقت الحطام
	وكل بذره في موازين الامين
كوره الدنيا جناح بلا عظام
	لايغرك طيفها ودور السنين
لاسكنت بوسط تابوت الظلام
	ماحصلك غير ماقدم حصين
ولفوقماشاً مقاسك بالتمام
	ووجهو وجهك لبيت المسلمين
واطيب الاحباب في شغله ولام
	بالرمل كرمك والخافق حزين
وهلت العبرات مافيها ملام
	سنت المعبود رب العالمين
وجاتك اللي غايبه وقت الزحام
	تسمع اللي ماشيا يدوي ونين
وانشدوك اثنين ياراع الحرام
	عن ثلاثه اشياء وفيها فاهمين
كان به عمل على احسن مايرام
	ثبتك ربي ويلهمك اليقين
وكان بالدنيا لعب فيك الحرام
	الله اعلم بالاجابه ياالفطين
الثلاث اللي يمرن بك لزام
	كلهن شقى وحاول تستعين
تستعين بواحداًمنشي الغمام
	الذي خلقك من ماء مهين
بين دنيا فانيه يالله سلام
	وبين برزخ والله اعلم وش يبين
وفي حياه الاخره تبغى وسام
	ماتقدم تاجده لو بعد حين
يالله اني طالبك حسن الختام
	في جهادا حق او سجدت جبين
ياعظيم الشان يارب الانام
	كل مسلم كرمه قولو امين