ديوان الشاعر ذاير رشيد السحيمي

هذه ابيات انصح بها ابنائي في بعض الامور الضروريه للرجل في حياته

يابجاد خذ بيتين يابجاد منا
	أنته وعبدالله نصيحة على البال
المال يرخص عندنا لجل شيمنا
	يوم الردي يمناه ما ترخص المال
وتضفي حسانينا لأنفسنا وأهلنا
	وللواجب اللي لازم لكل رجال
حنا عرب والطيبه من قيمنا
	و البخل منفي من قديمات الأجيال
لاتجعل اليمنى بعنقك تثنا
	ولاتبسط اليمنى بتفريط جهال
وأصبر إليا جات المصاعب تأنا
	وتلقى لها مخراج ياطيب الفال
وسايس قسى الدنيا بحكمه وفنا
	وأعرف وقيمها على كل مدخال
وترا العرب كلاً بعقله معنا
	مجنون مع صاحي ماجاء رايهم دال
وكلا بعقله راضي يوم غنا
	وأحذر تغرك يوم سمكات الأزوال
ماكل من يلبس عمامه مهنا
	والكيف ماله كيف من دون فنجال
و لاكل من تبي على ماتمنا
	و لاكل من ماشاك باقي لك ضلال

المناسبه ان الشاعر مشعل المطيري له معاريف مع اخي عبيدالله رشيد السحيمي

العضيله رجل ماعرفه وتذكر لي صفاته
	رجل له قيمه مع أهل الطيب ويقدر زميله
وله خويا يمدحه ترى الخوي عينه مراته
	وكل طيب له صفات طيبه ذكره دليله
عملته زينه وراعي طيب يعرف واجباته
	يوم صار الوقت قاسي ماتردى مع زميله
وله مزايا طيبه ومبرهنه من العود جاته
	شايب رايه سديد وشيخ تنصاه القبيله
قال يامشعل وصيه قال له يابوي هاته
	قال جارك ثم ضيفك والخوي فيه الجميله
ورجل لك مقدار يا مشعل عصاتك مع عصاته
	من أحترمك أغلاك يامشعل يجي ولا تجيله
قال حاضر يالزعيم اللي عباتي من عباته
	انت أبوي اللي زرعت الطيب لي لازم نكيله
جود اوصات الأبو ماهو بليد العلم فاته
	قالها قبلي خلف شبل الأسد ترا مثيله
جعل يفداه البخيل اللي مايرخص دم شاته
	لايمد ولايلد مصرصرا دايم حصيله
الولد لاصار مابه فود من جملة خواته
	لايفيد ولايثيب اخرع كما ضب النثيله

رد الشاعر مشعل المطيري

مرحبا وأفك باب البيت وأفتح نافذاته
	ان عرفنا الضيف ولا ماعرفنا نحتسي له
مرحباً بالخط ومن جابه ومن صاغ أكلماته
	عد ماتبدي نجوم وعد ماتنشي مخيله
ما عليكم زود ياقوماً مايلحقكم شماته
	وانتم السحمان أهل سيفاً حدب ومهار أصيله
من قديم الوقت يؤمن الزمن ومصادماته
	فعلكم معروف يا ذاير وشدتكم طويله
من زرع زرعاً يبا يقطف زهوره من نباته
	نبذل المعروف ون جينا لكم نلقى مثيله
ون زرعنا الطيب يا ذاير جنينا طيباته
	من رجالاً مثلكم صعبةٍ وشرهتها ثقيله
واشهد إن ابو مشاري طيبات معاملاته
	بيني وبينه تنافس طيب ما كلاً يشيله
كم حاولت أسبقه بالطيب واهزمه بذاته
	كل ماجيته بحيلة جابلي عشرين حيله
جعل يفداه الردي والخاين وتارك صلاته
	والبخيل ومنكر المعروف واليمنى الذليله
واشهد إنه ماخسر عوداً عطاه ملاحظاته
	ربو ناساً يالعل بيوتهم دايم ظليله
ياعسى ربي يعين العود ويطول حياته
	راعي اليمنى الكريمة ماهي اليمنى البخيله

هذه الحدايه هديه الى الاخ الغالي عبد لله علي السحيمي واخوانه وخواله ولكل الغصبان



بمناسبة حفل الاخ: عبد الكريم علي السحيمي

الاوله سلام يا بدن عزيز من الجماعة
	يأهل الوفا والطيب يا رجال الشهامة والشجاعة
يا كاسبين الطيبة من جد ما جتكوم صناعة
	يا ربعي الغصبان يأهل العرف و الراي السديد:
و الثانية يالشهم يا حرأ ذراعي مع ذراعة
	يأبن علي يا راعي الطالات لك سمعأ و طاعه
لا خير فينا كان راع الطايله ماله فزاعه
	و هاذي سلوم أهل الوفا ولله على قولي شهيد

رد الشاعر سلمان نفاع السحيمي

ألاوله يا مرحبا باللي يواصلنا و لا يحب القطاعة
	عن الدروب الضيقة يمشي مع دروب الوساعة
و لا عليكم زود يا ربعي و رفقتكم طماعة
	ترا النوايا من بعضها قريبه ما هي بعيد
و الثانية قولك رفيع و لك مواقف فالرفاعة
	و اللي براسه طيب تلقى الطيب دايم من طباعه
أنتم أهل الفزعات و الوقفات و رجال السباعة
	كل العلوم الطيبة توجد بكم يأبن رشيد

مجاراه مع قصيده الشاعر الشيخ راشد ابن مكتوم كما قام بمجاراتها شعراء كثيرين من المملكه العربيه السعوديه

اساوير الذهب سارت وسار سيرها تدليل
	تسر السرور بسيرها سرت القاري
وسيم عليه اوسام مع امسيه تعليل
	وسايم لها الوسام بالوسم يحتاري
سطرها سطر سطر وسطر سطرها تجميل
	سطر والصطر تسطير أساطير الاخباري
سهول السهل سهله و يسهل لها التسهيل
	تساهل تساهيلن مع أصغار و أكباري
سمح والتسامح سامحه و السماحة كيل
	يسامح و يسمح سامعه كل مراري
سخاها سخا ساخي وسمى مع التهليل
	ويسخا السخا ساخيه سخا للابراري
وسهجهن سهوج الساهجه مع سهوج الويل
	تساهج مساهيج السهل سهل الانظاري
نسيمن نسانيسه و نسنس نسيم النيل
	وناسه نسانيسه رومنسي للازهاري
سلايل تسلسل سلسلة سلسبيل مهيل
	سلايل وخمسه سلسلة نسل الاخياري
وسايس سياسه وأسس مسار لهذا الجيل
	سياسي يسوس أسياس وهو سيف بتاري
سمرها سمر سامر سمرها سمر بالحيل
	مسامير سماره و فولاذ مسماري
سوالف سوالفين يسولف بها حلحيل
	وتسولف بها الاسلاف سواليف الاحراري
وسربن سربهن سربلا مع سروج الخيل
	تسرب وسرب سربهن سرب الاعماري
وسبعه اسباع وسابع السبع بالتكميل
	وسبعن مع السبعه سبع غادر الجاري

هذه القصيده نظمتها عام1402 عن الدين وعملاء الدين اكفانا الله شره جميع واسندتها
الى الاخ العزيز متعب الحربي بيض الله وجهه

يالله ياعالم بالغيب
	والقصدي
خلقتنا من عدم نجزاك بالحمدي
	تفرج همومن بوسط القلب مدفونه
عديت في قمتن باعلى جبل حدي
	وهجوس قلبي عن الطيحه يعذلونه
لو اني اطيح والطيحه لنا تجدي
	رميت نفسي عن الديان وديونه
من حق انا الناس مدري وين ابلدي
	يامتعب الوقت طاف وطافت احتونه
جربت انا الناس والجربه لها سدي
	وعزتي للغشيم
ياشين قرب الردي لو عده بعدي
	يازين بعده وصك الباب من دونه
اليا صار ماينفعك في حزة الضدي
	قربه خساره وقرب اللي يعزونه
اللي الى جا نهار اللازم يصدي
	وقت الرخاء وش لنا في ضحكت سنونه
لاكنت انا ابني وهو لبنيي يهدي
	ولافيه
ماهو لاخويه ولابويه ولد جدي
	ولاله عليه حقوقا غصب مرهونه
الرجل معروف لوهو نازح البدي
	معروف بالطيب وخلق الله يعرفونه
ماهو من اهل النفاق يجيب ويودي
	ولاهو مع اهل النقيلي يفتل ردونه
شغموم وقت المواقف قرم ويعدي
	ولا الردي ماقف الطيب يجيدونه
ماينقص العبد كثر الجود والمدي
	والنفس رغباتها يالعبد
اكسب حياتك ترا مسكانك اللحدي
	واعز ناسن حوو قبرك يدمونه
حلفت والله عن المقسوم مابدي
	لاشك وقتي عليه رافعن شونه
العين تبغا الوفاء والقاصره يدي
	دنياي عيت تحالفني هذا لونه
وماذم انا الناس ولا ابغى اصيعر الخدي
	الكبر مذموم وخلق الله يذمونه
وماينفع الرجل لو يبيح السدي
	الصبر محمود والارزاق مضمونه
ابدله النفس واعطي فجت البدي
	ورزقي على واحدن مانامت عيونه

هذه القصيدة كتبتها عند ما تم نقلي الى مركز الحفيرة يقع غرب المدينة المنورة وأرسلتها الى ابو خالد رحمه الله قبل وفاته العقيد محمد سالم العتيبي وتم نقلي الى مركز شرق المدينه المنوره وكتبتها باسم ابنه خالد وهو ابو سته او سبع سنوات فبقيت ذكرى خالده لهذه القصيدة والمعروف الذي فعله رحمه الله فجعله الله في موازين حسناته
كما قلت في مطلع قصيدة لي [احداً يموت ومات صيته مماته = واحداً يموت وباقي الصيت ما مات] وصيته باقي رحمه الله واسكنه فسيح جناته

البارحه سهران ليلي ولا نمت
	تزجر هواجيس الخافوق وتتلي
وقمت اتذكر في دياري ونظمت
	قافا على مضمون شرحي يدلي
وصغت القوافي بالمعاني وحكمت
	وسرا بهن خافوق صدري وسرلي
شرق المدينه بالمدهيل علمت
	تكفى ياخالد دار فيها هللي
ياخالد ابغا ديرتي لو تكرمت
	ديرةٍ الى جينا بها مانملي
ريف الفواد من الاباهي وتقدمت
	وشوح النظر بارضاً سعه جايزلي
أرتاح لياما عسعس الليل وأظلمت
	لو كان وحدي بالخلا طايبلي
ومع الصباح يريح البال لاقمت
	شوف السهال وشوف عشبه أدولي
والى طلبت ابوك وبالنقل صممت
	رد الخبر يالسيف الابتر وقلي
الى طلبت لي وعني تكلمت
	هو راعي المعروف وامره ارضلي
ان أشهد انك لا وصلت تحزمت
	والى عطاك الراي ماهو مزلي
يضحك حجاجه لاوصلته وسلمت
	والنرجسيه مالها به محلي
وانتم هل المعروف بالعون وانعمت
	رجالكم من الطيبه مايكلي
ماقولها أبالغ ولا أقولها عمت
	والله على ماقلت لك كاشفلي
ربعي شبابه في ذراهم تحشمت
	عسمين الاريا في تاريخاً سجلي
واشره على الطيب ويما تولمت
	ولا الردي مانصاه خله يولي
جتنا الاوامر للحفيره ودوامت
	مالي بها سجات لو هي تسلي
لو كان مع ذيك الضلاعين انا حمت
	خافوق صدري تقل ينضاه ملي
تعبت من شوف الجبال وتندمت
	من غير سافي بالعصاري يحلي
ولا هو ردى باهل الحفيره ولاشمت
	نعمنٍ بخوتهم غلاهم مضلي
وختامها منا تهاني ولاندمت
	نهنيك في شهرن كريمن مهلي

والديك مادامك بساعه رخيه

ياللي بغفلات الرخاء الموت ياتي
	يمسي ويصبح كل يوم وعشيه
اوصيك في برا قدام المماتي
	والديك مادامك بساعه رخيه
الى مت يالمخلوق فات الفواتي
	ماانته بدافع عن صداقين سيه
يالله ياللي منزل المعجزاتي
	العلم والحكمه لعبدك قويه
وصخرت لسليمان بالكايناتي
	اجنود لسليمان عنده رعيه
ترحم حنونا من حشاها قواتي
	بامرك قواتي من حنونن صخيه
ياياه ياثمره ربيع بحياتي
	الدار بعدك مالها قابليه
انتي ربيع الكل وانتي امنياتي
	وانتي غلا روحي وحقك عليه
والله مانسى واجبك ياغناتي
	اسج واذكر للعطوف الرضيه
والشايب اللي من عصاته عصاتي
	ذراي في عصر الوقوت اللحيه
وياما تعب من همنا مايباتي
	وكم مرتن قبل اصابع يديه

وصايا لابني طاهر

يا طاهر أنا لي وصايا في برهان
	عشره وصايا جبتها لك جميعي
الموت للأنسان ما عنه لجيان
	قدام أموت أوصيك قولن رفيعي
الأوله تدي صلاتك بالأركان
	واجب على المسلم لربه يطيعي
والثانية ترى السعة كنز الأنسان
	حكم روايا الفكر خلك وسيعي
ولا يبيح سدك ناقل الهرج شيطان
	هرج المنافق ما يهز الشجيعي
والثالثة ألطف بعمن والاخوان
	اللي كبير السن واللي رضيعي
والرابعة أقرابك عاملهم بالاحسان
	خلك على مد الحساني سريعي
والخامسة ربعك ترى حقهم بان
	خلك لهم يالقرم سداً منيعي
والسادسة جارك لا يجيه نقصان
	ترا إبن وائل وصفه بالربيعي
والسابعة ترا الرجل قلب والسان
	زين النباء للضيف قدره رفيعي
والثامنة صُون الامانة لها شان
	وداعت المودع بذمة وديعي
والتاسعة رد الصنيعة لمن عان
	من واجب الطيب يرد الصنيعي
والعاشرة حذراء النمايم والاديان
	وتقواك بالله الخبير السميعي
الواحد اللي خالق الانس والجان
	منشي من المشه حليباً طبيعي
إنه يثبتنا على حق وإيمان
	في ماقفا فيه الخلايق رجيعي
وذاك ما قفن ما ينفع أفلان وفلان
	إلا الحصان الي حصينن سبيعي
وعطني خبر عن الحصن كان فهمان
	الى عرفته حشمه لا يضيع

هذه القصيده وجهتها الى اصحابي في شبكه الالغاز بالمدينه المنوره
كما رد علي في هذه القصيده كل من الشاعر منورالحربي
والشاعر نواف المحمدي والشاعر سليمان الاحمدي

منوت الخافوق يالي تجهلونه
	لارقى بالنايفات من الجبالي
ومن بحرها نوخ وهلت مزونه
	وانبسط الى شفت خد الضلع سالي
وارتوى حزمه وقاعه من غشونه
	واخضرت ثم انورت جرد السهالي
وزان روض العشب واصطفت اركونه
	والنفل شابك ويزاد الجمالي
والفنون وقحويانه ويش لونه
	والدعاع ومن ربل دق وجلالي
وأرنبه في كل دغف يحصلونه
	والحباري جولها بالروض جالي
والقطاء مع كل فج يشاهدونه
	والرهومع صوت غرنوقٍ يلالي
ومنوت الى حبهم طير يغذونه
	مكرمين الطير ومليان الشوالي
ومنوت الى كل شعب يقبلونه
	يدورون الصيد في روس العوالي
وكل مامد النظر شاهد بدونه
	عرضن مع شعبهن قبل الزوالي
ومدها وجذ النسم واهدف متونه
	وكونه قدام لا يصل الضلالي
وعلقوه وقطعوه يوزعونه
	وقيلو واستانسو والفي مالي
ومع غروب الشمس دمثٍ ينزلونه
	وشب نار الرمث وفراشه زوالي
مأحسن الجلسه وكيف يقدمونه
	والنشامى صف في جنب الدلالي
تريح الخافوق عن ضيقت حزونه
	ومع ذعاذيع الهوا يرتاح بالي
وقالو هات السامري نبغى لحونه
	لين نجم الصبح في نوره بدالي
ابشروا يا اصحاب باللي تطلبونه
	يالنشامى ياصناديد العيالي
ساع زان السامري وزانت فنونه
	دام به نواف والقطب الشمالي
وابو عبد الله وابو رعد يبونه
	ماحسن المرواس في صوته صفالي
واحتمى الطار الملون في ردونه
	وصوتهم جذاب وصدى الصوت هالي
وقوم يالواكد وابو فهد وعونه
	وابو متعب ليا رفعت الصوت شالي
وبلغوا سلام وليه تنقلونه
	يرسل النادر سلامه والمقالي
وبلغوا غشام شيخ يقدرونه
	مع خوي الليل ياطيب الرجالي
بالله الواضح ليا جاء تعلمونه
	ورجل راعي طيب مع الناس غالي
وبلغولي كروز شهم يشيمونه
	الحليم أكيد لو محدن روالي
وذيب ذيب اللابه اللي يذكرونه
	حاضر سرحان ليا جاء له مجالي
وبلغو نبراس يلي تاصلونه
	ومعه وارث طيب ابن عم موالي
ولعاشق اللابه سلامي ترسلونه
	وهو ومن عنده كريمين السبالي
وفيه قناص الجزيره تقابلونه
	وفيه مطرح مثل ابو زيد الهلالي
وفيه سبع الليل والطيب يصونه
	وابو ساري شيخ مافيها سؤالي
واذكر الهداف وربعه يمدحونه
	مانعرفه صيته اللى فيه طالي
وذيب ذيب حجاز رجل يشكرونه
	وبلغوا جساس واللاوي قبالي
واذكر القاسي ورجل ياصفونه
	من رياجيلن لمجد الطيب نالي
وابو نجم وصقر نجد تكلمونه
	واذكر الواصل ومعه صقر الشمالي
والبدر والليث والنشمي تجونه
	مع عزيزالنفس والجافل طرالي
وكنترول الشبكة ماله مهونه
	الرجاوي للخوي رجل مثالي
واذكر الفارس ياربعي تخبرونه
	وابرق الكبريت وعزام الجزالي
واذكر الجارح خوي تعرفونه
	واذكر البتار سيف ما يبالي
واذكرالعطري ومهلهل تاجدونه
	واذكر المسروح شيال الثقالي
وفيه ذيب صماخ وليه تسألونه
	كيف حاله مبطي ولاقط جالي
واذكر ابوارشيد قرم يحشمونه
	واذكر ابو زياد شبل من الاشبالي
واذكر الغازي لزوم تبلغونه
	وفيه رجل من الذهب والنطق حالي
وللضيوف وكل من جاء تكرمونه
	التحيه عد ماهل الهلالي
وعد ماطافو بيبته يطلبونه
	ياعظيم الشأن عزيز الجلالي
السلام لكل منه تقابلونه
	ومن نسينا العذر ولله الكمالي

رد كروز الشاعر منور الحربي

منوت الخافوق ياللي تبحثونه
	للنشاما يزين في كل الاحوالي
ثالث اعياد السنة لو يا صلونه
	ان وصلهم عالي والراس عالي
في ضميري حبهم لو يكشفونه
	طول عمري والنشاما راس مالي
جاهزين للطلب في كل لونه
	خبروني فيه للاح المجالي
خبروني دامي اقدر ماتبونه
	مستعد افديه بالروح وحلالي
يوم جانا قاف ذاير في لحونه
	استرد الهاجس الى قد غدالي
قدم ياتن مالهن عندي نمونه
	مايجيب الغالي الا مال غالي
من يعرف الشعر مضمونه يصونه
	ينقده نقد الجواهر والريالي
مثل ابو طاهر حصين مايخونه
	يملكه تمليك ابو زيد الهلالي
عزوتي عسى عدوه بالمهونه
	الردي يفداه الاقصى والموالي
ماحسب حساب لنفوس مغبونه
	مدحي لشقران مايبغى سؤالي
يستحق المجد ياللي تمدحونه
	يستحق المجد كساب المعالي
وان كان به تقصير مني تسمحونه
	نقصها مطلوب من كل الرجالي

رد راع الاوله الشاعر نواف المحمدي

يا سلام من القناة يقدومنه
	لذاير الحربي من قروم الرجالي
نمزجه بأحلى كلاماٍ تسمعونه
	لذاير اللي شوفته برق يلالي
يا هلا به عد ما هلت مزونه
	و يا هلا به عد ذرات الرمالي
يا هلابه به عد ورشٍ في غصونه
	و يا هلابه عد ذعذاع الشمالي
و يا هلابه عد ما غرد لحونه
	وطير بالاشجان في ذيك المغالي
والتحية تاصلك ورد يقدمونه
	والزهور الطيبة ونبتٍ طرالي
والعود الاصلي فوقكم ينثرونه
	والمسك والعنبر ونفرش لك زوالي
راعي الطلات وانتم تعرفونه
	ارزلة بيضاء على روس الجبالي
قافه اللي قدمه بأحلى شجونه
	خص به خوياه جعله للعلالي
لبسوه وسام وانتم تلبسونه
	نفتخر به كلنا بين الاهالي
مقدم الجزلات وانتم تشهدونه
	طيبٍ يستاهل الرجل المثالي
والله عرفك يابو طاهر يشترونه
	نادر الاخلاق من اول و تالي
راعي الاحساس بطيبك تغمرونه
	وصلكم نبراس في روس الطوالي
من تعلق في ذراكم تحتمونه
	من نخاكم ما تقطع له حبالي
عن بعضنا نمون وقافي يوكلونه
	نقدمه عن كل قرمين العيالي
ومن كتب قافه يرخص لك عيونه
	وراع الاوله يقدم لك غوالي
و السموحة و انتم اللي تسمحونه
	تدمحون النقص و لله الكمالي

رد القاسي الشاعر سليمان الاحمدي

خاطر القاسي تهيض من شجونه
	باصخر المعنا وابرضي من عنالي
مرحبا ترحيب من صافي لحونه
	من هوجسن شاقه الشعر الحلالي
ياهلا وعداد ماحرك غصونه
	دوم نسناس الهبايب بالعوالي
ياهلابه عد ما طافو اركونه
	عد ماطافو وعادو بالرحالي
شاقني قافن ولا النادر زبونه
	شيب القيفان ظنتي واحتمالي
ذاير اللي ماتباريه الرعونه
	صيرفين صقر من جدٍ وخالي
نسل شيخ تتعب الفارس حصونه
	معقل العقيل ماينتج جهالي
من وليده للخوي يعقد ردونه
	مكرمن للضيف ويسوق الريالي
منوت اللي شوفها قرت عيونه
	حرٍ ومحنك من احرارٍ غوالي
صاحب طرقه حماه من الليونه
	شد طرقه ثم قال به نحالي
حين زان الطرق فالليل وسكونه
	واشعله نواف وكروز وحكالي
مايلين الشعر ربعن ينهظونه
	نعم خوتهم جياد من الرجالي
والله ان الحرف مني يبخنونه
	كل واحد دون ذكرٍ لو طرالي
ان كتبت الشعر غصبن يامرونه
	غصب يجنح واجده برقا يلالي
اجد المعنا وفتش في بطونه
	واخذ الطيب لو ان السوق غالي
اعرف ان الطيب قله بايعونه
	مايباع الطيب لاونه دوالي
وا نتم اهل الطيب والغادر اغبونه
	تنهضون الروس للشتد القتالي
نعم فيكم والردي نعمي عيونه
	ان درى ولا لعله مادرالي