حفل زفاف الشاب عادل بن سعد السحيمي

غنا الحمام و جر الأصوات موال=وتفتحت لأفراحنا ورود وزهور
و غيم المشاعر ليلة العمر همال=والليل ما وده على طلعة النور
فينا السعادة بانت الوان و اشكال=احساس بالافراح و الحب مغمور
مبروك لك يا معرّب العم و الخال=نسل الذي في طيب الافعال مشهور
مبروك يا عادل وتحتار الأقوال=ويحتار فيك الشعر و الشعر معذور
يا اللي كسبت المدح من طيب الافعال=لا جا مجال الخير بالخير مذكور
تستاهل اللي جت من الحسن تختال=بنت الكريم الطيب الصايب الشور
لا حل طاري سالم النعم ينقال= مع ربعه البدرني بالفعل مخبور
ومبروك لك يا منال يا بنت الابطال=يا نجمة الحفلة و يا زينة الحور
يا درة (ن) ماهو من السهل تنطال=الا الشجيع الا عشق غبة ابحور
منها العيال و منك يا عادل المال=وتقضون باق العمر بافراح و اسرور
الله يوفقكم على كل الأحوال=و يجعل طريق العمر بالحب معمور
ويكفي غلاكم كل حاسد و عذال=ويكفيكم الدنيا صواديف و اشرور





تـــــــــــــــــــحــــــــــــــــــــــبـــا تـــــــــــــــــــــــــــي لكم


رضاء تككككككككككككككككككر