ماضي العازمي والشمري

سالفة وقصيدة - ماضي العازمي والشمري

السلام عليكم ورحمة الله وبركاته

هذه القصه تدور حول شخصان يتسابقان علي الطيب

ففي احد الايام ذهب شخص شمري من اهل حايل للكويت ليبحث عن الرزق ولكن حالته ساءت فمات جمله وخلص ما معه من تمر وكان عزيز نفس فكان يمشي لايعرف ماذا يعرف ويجلس ويقف مفكرا ماذا سيفعل وفي هذه الاثناء شاهد شخص من اهل الكويت من قبيله العوازم اسمه ماضي وعرف انه واقع بمشكله فذهبب اليه وسلم عليه وقال له وشفيك قال الشمري يبن الحلال مالك بي حاجه رح بطريقك قال العازمي ما راح اروح الا تعلمني وشفيك قال الشمري

انا من اهل حايل وراس مالي جمل ومات ونقطعت بي السبل ولا عارف ولا معروف بهالديره ولا معي قروش اعتاش بهن فقال له ماضي ابشر بالخير ولاتتضايق وتعال معي وراح معه لسوق البل وقاله اشتر جمل اطيب من جملك اللي مات واشتري الشمري الجمل ودفع العازمي الثمن وخذاه وراحبه للسوق واشتراله جميع مايحتاجه وقال الحين توكل علي الله ورح لاهلك قال الشمري من انت يا رجل قال العازمي مالك بمعرفتي حاجه انا سويت هالشي لوجه الله قال الشمري مستحيل امشي الا يما تعلمني وبعد الحاح من الشمري قال انا ماضي بن ماضي العازمي وبعدين ركب الشمري جمله وراح لحايل ويوم وصل لحايل علم ربعه باللي صارله وبعد هالسالفه بعده سنوات صارت معركه الصريف

واللي انتصر به الجنازه انتصار ساحق واسروا عددا كبيرا من الفرسان وصار مامور الجنازه اللي يجيب الاسري لابن رشيد انت يالشمري

واثناء سوق الاسري رأي ماضي العازمي من ضمن الاسري وعرفه وذب له وقاله انت ماضي قال ايه انا وهو يروح الشمري للامير عبدالعزيز الرشيد وقاله ياطويل العمر هالرجل صاحب جميل علي وانا طالبك اياه قال الامير عساه صاحب الجمل قال ايه هو قال الله عطاك اياه وخذاه الشمري لبيته واكرمه وقعده عنده

ثلاث ايام وباليوم الرابع قاله اليوم ابخليك تروح لاهلك وراح معه حتي تعدوا حدود حايل وقال هذي ذلولي واسمه مردحه وهذي بارودي خذه وانت راع الاوله

وبحفظ الله

وكان ماضي شاعر ويوم عررف ان اسم الذلول مردحه قال هالابيات

دوحيبي عن الليل يــــــا مـردحـه = عن سباع الخلا والمعاشي بعيـد
واقطعي نـازح الخــــــد بالدلبحــــه =وتعــــدي الادنــــا وذاك البعــــيـد
رفرف الجوف فوق النظام مملحه =ياركبنا عليـــهن بصـاف الحديـــد
ول ياقـــــاعـد بالـــراد مـسلـــحـه =ما يزيد النشامـا بعلمــــن يفيـــــد