طوت.. عشرتك.. سود الليالي وخلتني

بعد طول.. فرقى.. من تفارقت.. أنا وياك = الأصداف.. من غير.. المواعيد.. جابتني

وانا.. جاحد.. الذكرى.. ولو عشت في ذكراك = ابي راحتي.. لكن صدوفك.. تبلتني

خذاك.. القدر.. واقفت ليالي.. زمن لا ماك = وعلى ما نوى.. تشتيت الأيام شتتني

توادعت.. أنا وياك.. واقفيت عن دنياك = ولكن طيوفك.. بعض الأحيان. ضافتني

هلا بالضيوف.. الواردة.. من ورى.. الشباك = أردد لها.. يا مرحبا.. لا تنصتني

بقت بس. سيره.. والمقاصيد.. ما تخفاك = طوت.. عشرتك.. سود الليالي وخلتني

نويت.. ابتعد ما هو.. جفا للبعيد هناك = أخاف.. الشماتة.. من عذولٍ تشمتني

بعد ما تفرقنا.. وركب القدر.. وداك = ولا عاد.. شفتك والمراسيل.. ما جتني

صدفني.. صغيرٍ في وصوفه.. مثل حلياك = رست فيه عيني والتفاكير.. ودتني

مشبه مثبت حيرتي.. بين ذاك وذاك = لعشق الطفولة.. موجة الفكر شالتني

حواليك.. عندك من يمينك ليا يسراك = مداعج.. عيونه.. والحجاجين.. دلتني

نشدته.. وش أنت.. ورد لي.. رده الفتاك = أحس الخناجر.. بالمعاليق قدتني

طرالي.. وصالك.. قبل الأسباب.. ما تقصاك = ليالٍ.. قديمة.. بالمسرات.. ضمتني

بها سقت عمري.. مع يمين الوفا.. لرضاك = معانيك.. حدتني.. عن الغير واعمتني

لك العشق مني.. وأنت كلك.. غلا ودراك = يمينك تخامسني.. ويسراك.. سامتني

ولكن حصل.. حول.. الزهر.. يالحبيب أشواك = وصار الرحيل.. ولوعة.. البين لا عتني

لك الله وينك كيف يا صاحبي بلقاك = جميع الأماني في ملاقاك عزتني

ياليت السنين تردني للهوى هاذاك = أبي شوفتك وان سانحت يوم سدتني

أبروي عيوني من ضماها بعد فرقاك = الأعيان طاويها ظما الشوق واضمتني

والا يا صغير قلتها مرحبا حياك = الأشباه فيك لذيك الايام شاقتني

للشاعر / فهد بن ناصر المنيخر

وتحياتي لكم جميع
بعيد الهقاوي