قصيدة غزلية للشاعر صياف السحيمي

بسم الله الرحمن الرحيم

يا نجمة مرت من الليل ساعة

في الثلث الاخر مع طلوع الثريا

نظرت نظرة خوف مدري شجاعة

وأثره مغير النور من صدر هيا

غروٍ لعبّي لعب طفل الرضاعة

واليا طلبته بعض الاحوال عيا

يا سرع طرقة رمشها وارتفاعه

العين فيها النوم والقلب حيا

ياليت ابوها من قريب الجماعة

أظن يحصل لي من الشي شيا

وإن قلت أنا طماع وابغى الطماعة

قال أنت روح هناك وأنا هنيا

ماني من اللي يرخصون الوداعة

عز الله إني ما أحسب أنك كذيا

بضاعتي يا غليها من بضاعة

أغلى من عقود الذهب في العليا

للشاعر صياف بن عواد السحيمي الحربي

تحياتي لكم
علي محارب السحيمي