31-03-2012, 05:04 AM
|
|
|
حيرتني ياقلب.........
| ياقلب لا تحزن و يالليل ماطولك |
هذا مِثل عابر و أخذته وسيله |
| و ياليت يا قلبي تبدل و أبدلك |
مادام همي مانت قادر تشيله |
| حاولت أعدل فيك وأزريت أعدلك |
وأصبحت خصمي بين يومٍ ٍوليله |
| لا نته مجملني ولاني مجملك |
مافِي حيلة وانت مافِيك حِيله |
| خليتني بحلوق بعض العرب علك |
وضحكت في أهل النفوس العليله |
| لو تسمح إسمعني شويه وبسألك |
وعطني جوابك وأعتبرها جِميله |
| ليه آخرك بالسالفه يسبق أولك |
وليه الخفيفه تعتبرها ثقيلة؟ |
| وليه استمر اليأس يأخذ من أملك؟ |
وانته منول تصنع المستحيله |
| وليه إشارات القلب ماعاد تأصلك؟ |
وصار التواصل مثل نار وفتيله |
| حيرتني يا قلب وشلون أعاملك؟ |
مِني أقريب والمسافه طويله |
| ومابين ذي وذي مع ذيك مع تلك! |
أقفل الموضوع وأخر حصيله |
| ماهو صِحيح القلب للأدمي ملك |
ولا هو صحيح أنقول قلبه دليله |
آخر تعديل الواثق يوم
06-04-2012 في 11:57 PM.
|
العرض الشجري