مساجله خاصه .. ولاعليكم خاص ..

هذه دعوه أرسلتها للأخ العزيز أحمد حمود السحيمي للمشاركه باالأمسيه الشعريه باالملتقى الأجتماعي الماضي لمعرفتي وعلاقتي المسبقه به متمنيا أن تحوز على رضاكم وداعيا الأعضاء ان نسمع مالديهم من قصائد ومساجلات بين شعراء القبيله المميزين وهم كثر ولله الحمد....

عشرين موعد والشهر شعـــباني
بأذن الكريم الواحد الرحـــــــماني

باالقصر ذكـرى أمسيه شــــعريه
شعارها من ربعـك السحمــــــاني

بحفل(ن)أنيق وناقلته الشــــــاشه
جامع لنا الصفوه من الفرســــاني

اسمك حضوره ثابت(ن)بحضورك
احضور يروي ليـلك العطشــــاني

عطنا من الفـــكر القـديم الزبـــده
وعطنا الجديد وعدل المـــــيزاني

وعطنا نصايح للنفوس المـرضى
يمكن تطيب وتترك الهــــــجراني

وعطنا العلوم وماحصل باالخارج
اعـلوم درعا وفتنة العـربــــــاني

وعـطنا المــثايل من قصيد النخبه
يمـكن نثور ونعـلن العصـــــــياني

اطرح لنا أفــــكارك وعايش وقتك
واقبل سلامي والعن الشـــيطاني !!

ولكن أبو حمود لم يلعن الشيطان وكانت له هذه الأبيات...

حــــــــييت يااللي تبدع القيفاني
ترحيبة(ن)من شاعر الدغـماني

وان قلت لي ياويش هو دغمانه
دغمان هذا جد من جـــــــــداني

لو ان هاالألقــاب مالــــــي فيها
لكن يشــرفني ويرفع شـــــاني

نرجع الى موضوعنا ياالنـــادر
ياراعي اليــــاقوت والمـرجاني

اليا الشرف لاجيت في محفـلكم
وباذن الولي ياصـاحبي تلقـاني

والله يجمـلنا ويرفع قـــــــدرك
واكبر شرف لاقيل صح لساني

اما عن الثــــــــــورات ياكافينا
أحسها موضـات للـعربــــــاني

اللي يبي ثوره يشــــاور ربعه
وتقوم ثوره كلــها مجــــــاني

تونس لـحد الان ماحـــــــلوها
من ساعة الثوره وهي تعــاني

ومصر بعد ماكانت الــها هيبه
صارت تقل خيمه بلاعمــــداني

ضاعت بيد الجيش وألا الشرطـه
وفتنه من المسلم على النصراني

وشف ليبيا ثوره وقصف(ن)مرعب
ماميز الشــــــايب من الورعاني

لو ان ريســهم خبل ومشــــتت
وعليه من وسم الغبا تبـــــياني

ماعـنده الا دار زنـقه زنـــــــقه
حصان..لكنـــــه ماهو بحصاني

والابرياء باالشــــام راحوا فيها
من سبة الثـوره وشئ(ن) ثاني

اما ترى البحرين ماهـــــي ثوره
هذي تسمـــــــــى ثوره الفيراني

والود ودي كــل هذا صـــــــــاير
فالعاصمه راس الكفر طهــــراني

هـي راس للفـتنه وهـي ديرتــها
واللـــــي يبي ينكر لقى البرهاني

والدور لسى ماوصل فالمــغرب
وباقي على الأردن مع اللبنــاني

اما على الســــــودان لاتخشوها
ماهو بـــ وي الثوره السـوداني

وفي ديرتي موجوده أكبر ثوره
ثورة محبه للمـــليك الحـــــــاني

اله الولا واخلاصـــــنا والطاعه
وحــنا فداه ان ثور الدخــــــاني

واللي يروج باالوطن هاالفــتنه
خلــه يغنــي ليــح ياليحــــــاني

واســــــــلم يابو ريان هذا ردي
صارت قصيده قافــيه وأوزاني

لكــــــن أنا باسألك وشهو رايك
تصلح قصيده في شهر شعباني !!

اضطررت بعدها لأجابته عن سؤاله والرد بأبيات تقينا مشاكله...

تصلح وصدقني هي المطلوبه
عند البشر والأمه المـــــغلوبه

لكن عيد القول باالســـــوداني
واصحك تناقش علته وادروبه

خله بكيفه..لاقعد وش ضـرك
يمكن يحسب ياالرفيق اذنوبه

واجب تسالم للبشر باالكــــامل
وتسامح اللي عورتك اضروبه

ومثل اللذي يدعيك وش تبغى به
سالمك وانصح وانلحق بااهروبه

الله يســـــهل خطوتك والممشى
ويفكنا من قافـــــــــكم واسلوبه

لاعاد ترسل لي ولاابـــــغى ردك
يكفي حضورك باالحفل والعوبه..

وسلامتكم ولاتحرمونا مما لديكم من المساجلات والقصائد..لكم أو لغيركم من أبناءالقبيله..