الشعر ياالشعار له نقاده=واللي من الجوده عليها اقلاده=اتجمل الشاعر ابحفل الساده=وسوق المعاني غالي الاثماني

بسم الله الرحمن الرحيم
كتبت هذه القصيده على بحر الموال بمناسبة حفل زواج الشيخ سعد مرزوق ابن راشد السحيمي

يوم القصايد جالها مجالي
	في حفلة اللي له مقامآ عالي
اخترت لي طرقآ على الموالى
	يالله منك العون يارحماني
بسم الله المبدأالمعين الهادي
	واحضرلي الهاجس بيوت اجدادي
اليا زهمته جاب لي امرادي
	امن القوافي مابغيت اعطاني
يامرحبا ببداية الكلامي
	عداد ماأقبل عام واقفى عامي
بضيوف ربعي في محلن سامي
	انا اشهد انه نور المكاني
ترحيبة الوافين بالوافيني
	هلا بمقدم كل طلق ايميني
انكرر الترحيب هلا اهليني
	عند السحيمي مكرم الضيفاني
والليله القصيد نظمه زاني
	والجمع يبغى الهادف الملياني
يبون شعرآ يطرب الاذهاني
	ايكيف اللي للشعر ضرماني
الشعر في راسي فتح موجاته
	الهاجس اصدرلي توجيهاته
يلزمني القصيد في حزاته
	في حفل ابوتركي رفيع الشاني
الشعر ياالشعار له نقاده
	واللي من الجوده عليها اقلاده
اتجمل الشاعر ابحفل الساده
	وسوق المعاني غالي الاثماني
ياهاجسي زيد الحطب بالناري
	وماطاب هاني يابنات افكاري
الحفل محفل روس قوم اكباري
	اشيوخ للويلان والسحماني
واللي ماياقف لا بدا ميقافه
	ماهو بمنا ذاك يالعرافه
واللي بدا المرقاب كلن شافه
	وان غاب شخص افلان عنه افلاني
في حفل اميرآ له علينا احقوقي
	وجه السعدوانعم سعدمرزوقي
لوانفعل بالمدح في طاروقي
	مدح الكفومايعيب لفظ الساني
الشعر في مدح الكفو له ذوقي
	وانا امركز ماني ابمطفوقي
نقحت قبل اقف هنا منطوقي
	ياأهل المواقف ماني بغلطاني
ولوقلت مابه طيب غيرابقومي
	عندالرجال اتشين بعض اعلومي
في كل ناس ادهات قوم اقرومي
	من يوم كون ربنا الانساني
لاكن يامطيب قصتين الحرَبي
	يوم المغازي والفقر والضربي
يهرج بهن حتى مع اهل الغربي
	لدخيل ونويشي هاك الزماني
دون الخوي دخيل قدم حاله
	للموت متوسل الى قتاله
ونويشي السته ويمنا خاله
	دون الخوي والوجه والجيراني
قمة وفاء لجل الخوي والجيره
	وفي كل ديره طيبين السيره
فعل المهادي والوفي قصيره
	به تفتخر قحطان والسبعاني
ويابن الامير اللي صليب الراسي
	وحفيد راشد ياعريب الساسي
راشد رشيد اللي قوي الباسي
	يوم انها بمزارق الفرساني
نعم اختيارك للنسب من لابه
	كل العلوم الغانمه كاسبه
والذيب مايناسب يغير اذيابه
	لنا الفخر بمناسب الويلاني
اللابه اللي منهم ال اسعودي
	حكامنا حفظهم المعبودي
درع الوطن مزبان للمضهودي
	مااحلاك ياقولن على البرهاني
وجموع ربعك ياسعد شاشولك
	من كل صوب اجموع ربعك جولك
وأيا اعضودك كلبوهم حولك
	تيماء ترحب في عقب نجواني
اجموع ربعك شرفوا من طيبه
	اللي لهم شان ومكان وهيبه
تشريف لك شبابهم والشيبه
	وافود صبحاء واهل الضلعاني
ويسعد مساء تيماء الشجاعه زايد
	اصل الكرم بسنينها الشدائد
يوم السنين الشهب والنكايد
	وامبارز الشجعان للشجعاني