( الجادل ) |
| الجادل اللي إستباحت صدر مغليها |
| من شافها والصبايا صارن بعينه |
| ما فيهن اللي بنعومتهن تساويها |
| إجمع حسان العرب والفرس واوروبا |
| وانا اتحدى ليا وصلن مواطيها |
| إليا بغيت أتغزل قالت أقلامي : |
| لا والله إلا هجدنا وش يكفيها ؟ |
| لكن صعبه أقاوم لذة شعوري |
| عودته إليا بغى حاجه يسويها |
| جفول قومٍ وحرة بدو لا صاحت |
| تسابق اخوانها كلن يلبيها |
| أخوانها اللي ليا من ثارت الهيه |
| إتكرٌ لامن تعزوو في اساميها |
| وانا ليا منٌها جتني على بالي |
| أضيع فعيونها الحوراء واغنيها |
| فاتن عليها حلاها مسبلٍ خيره |
| كنها تخيٌر محاسنها وتشريها |
| جديلها اللي ليا من فلٌته يوقف |
| ما كنٌه إلا صديقتها تحاكيها |
| سواد ليلٍ عتم جافيته القمرى |
| إتقول في ظهرها لمٌت لياليها ! |
| وفقبالها الشمس وضياها وبهجتها |
| فجبينها النور يخطف عين رائيها |
| من تحتها عيون كنْها زوج ألماسه |
| نواعسٍ كن أبوها توْ مصحيها |
| وشفاتها اللي عطاها التوت من لونه |
| وا كبدي اللي ضمت وشلون تسقيها ! |
| عذوبة النيل منها لا بدت تحكي |
| تقطر على اذان سامعها وموحيها |
| واشيب عيني انا وشلون بوصلها |
| واقول اشياء لها مبطي مخبيها |
| إي بالله إني عشقت وهمت لكني |
| أخفيت عنها خفوقٍ بات يبكيها |
| ( كأنني أضرب ألأوتار سكرانا |
| أسير عشقٍ مكبٌل في أراضيها |
| لو عاش قيسٌ زماني مات مكلوما |
| واثكلَ ليلاه في من مات يرثيها ) |
| لا واحلالاه يا أغلى الناس في قلبي |
| متى دروب الوصل تحيا وتحييها .؟ |
| يرضيك حالي كذا لا حي لا ميت ؟ |
| خافي على نفس صدك حيل مشقيها |
| غلٌفت لك هالحروف وجيت أقدمها |
| لروحك , ووسطها خفٌاق مهديها |
| يا رب يا رب تقبلها وتتواضع |
| لو إنها ما تعبٌر عن معاليها |
| للشاعر/ فارس خضر السهلي |
|
06-11-2011, 04:42 AM
الجـادل
العرض الشجري