12-11-2013, 12:39 AM
|
|
|
ولا ذم خلق الله
خاطره حبيت المشاركه معكم بها
( ولا ذم خلق الله )
| يالله بمزن باول الوسم تنشيه |
خيره كثير وجعل وبله ضفيه |
| ترعى به البدوان كلن بواديه |
كلن يغير عن امراحه شوية |
| وتسيل دار اللي من الناس نغليه |
وانا اقصد السحمان ربع الحميه |
| ونبته على الحره يكثر نواميه |
ويسيل وادي الطرف مع العثيه |
| وجعله على العبلة وصبحه حراويه |
وكلن يقول الخير شوفه هنيه |
| وادقس لعله ضافي الوسم يسقيه |
دار الربوع اللي لهم قابلية |
| ترعى به ريمات والني تقنيه |
ترعى قفور العشب فكل نية |
| هي دار جدي يوم كل وعزاويه |
حامينها لليوم والنار حيه |
| حنا بني نجوان والعز اهاليه |
تشهد لنا العربان في كل هيئه |
| هذا الكلام الي نوثق نواصيه |
ماهي هروج اللي على عنجهيه |
| ولا ذم خلق الله وكلن وعانيه |
وانا ذكرت اللي عناني هنيه |
آخر تعديل أبوريـــــان يوم
12-11-2013 في 01:00 AM.
|
المواضيع المتشابهه
العرض الشجري