وانكان محتاجك دخل كنه انعاس

هذه القصيده الشاعر الكبير محامي حرب رحمة الله عليه الصراحه مظلوم اعلاميأ
وهو الشاعر محمد العبدالله العسيلي الحربي

قصيده اجتماعيه تخص كل من رافق لك يالرجل الرفقه اللي ماهي طيبه رحمة الله عليه والمعذره يمكن ناقص ابيوت هذا اللي
انا حافظ منها

يقول من حرك خوافيه هوجاس
	مثايلأ من مافي قلبه نظمها
شكيتأ توترت منها الانفاس
	لوهي تحت صم الصفاء مكتمها
همأ عقد بالقلب تسعين لولاس
	اشكيه للي كل حال يعلمها
يالله يامرسل من الشرق نسناس
	ومحيي العظام اللي تنثر لحمها
يامحيي اجناسأ ويامهلك اجناس
	نفسي عن الدرب الاثيم تعصمها
نفسي مجنبها كثيرأ من النساس
	ماهو كبر لكن من شان احشمها
عن سجتنأ يصقط بها القدر والباس
	من واحدأ مايعطي الانفس اقيمها
ونفسي لها عن هفوت العقل مقياس
	وعقلي عن دروب الهوان يحكمها
وسعيد ماجزيه في ذنب عباس
	والنساس بالانصاف تحفظ اذممها
ادرا واداري كل راسأ به اعطاس
	ومن قال انا خير الاوادم ظلمها
ناسأ لها شرف ولها اشعور واحساس
	ترا مداريها وتدرا احرمها
والله يالولا القبه اللي على الراس
	واخاف من بعض النزاع يهدمها
ماجامل انفوسأ من الحقد يباس
	ودلو الرسوس اني لاقطع وذمها
خل الضحاح اللي مصيره على ياس
	والرفقه اللي خير منها عدمها
الله ولا رفقه علة قدرأ يداس
	من وحدأ فيك الفرص يغتنمها
هماز لمازأ الى قبت نداس
	كالحيه اللي ذيلها عند فمها
وان جاك بالمجلس تكلم بلاقياس
	هاذيك عاقبها وهاذي خطمها
هاذي في راس اكليب وهاذي بجساس
	وهذيك باللي غايته مافهمها
وان كان محتاجك دخل كنه انعاس
	وانته لاحتجته احبالك صرمها
صرم الله احباله على جسر الافلاس
	في ساعتأ مايفيد نفسه ندمها
لاما حياته تنقلب كلها اتعاس
	ويذوق من مر الليالي طعمها
اخص فيها اللي نواياهم اخساس
	وكلنأ يعرف العقده اللي برمها