قصيده بمناسبة حفل زفاف الشاب /مازن حامد مرزوق الغصيبي في يوم الجمعه الموافق 7/11/1434هـ

هلا يامرحبا ترحيبة مثل الذهـــب والمــــاس
في ليله من ليال(ن) تجمع الغالي مع الغـــالي


في ليلة سبت يوم الجمعه اللي نـــورها قباس
في قصر العاليه يا الله لعله حظنا عــــــــــالي


نحي بالجميع ومن لفانا من جــــميع النــــاس
تراحيب (ن) لها بين السماء والأرض منزالي


يدق البن وسط النجر بعد يحمس المــــحماس
يلقم فالدلال ثم صبه وسط فنجــــــــــــــــــالي


ومعه العود كمبودي وريحه ينعشن الـــــراس
وتقديم الشبب للي يحبونه والأبطالــــــــــــــي


لا شفت مناسبات الخير قلبي دق به هوجــاس
وانقي من بيوت جزال ماتطري على بـــــالي


واقدمها واوخرها واقيســـــها بزيـــن قيــــاس
واطلعها وانزلها واكيلها بمكيـــــــــــــــــــالي


واحمد الله بعد ما شفت مازن دن بالأجـــراس
تدرب واتقن التدريب لينه كان خيالـــــــــــي


غصيبي والغصيبي من ربوع معربين الساس
بغير قصور فكل القبايل واهل الافعـــــــــالي


عسى ربي يحرس بلادنا باسم الله الحــــراس
ويكفينا بلاوي كل محتال (ن) ويحتالــــــــــي

الشاعر /حامد مرزوق مهني الغصيبي