23-08-2013, 12:54 PM
|
|
|
عكس الاتجاه
بين الصواب وبين عكس الاتجاه |
| انا لقيت التبع مثله يتبعه |
| وشد انتباهي سلك من كم العباه |
| ماجود بدون الخمس فوق الاربعه |
| حوله من الواعين ريبه وشتباه |
| سمعت بالموضوع غلطة مطبعه |
| حبر القلم لونين في جنب الصفاه |
| ماقول شوف العين نسمع قربعه |
| يقوله اللي يعرف البير وغطاه |
| فطين مايعمي عيونه بصبعه |
| فصيح ماينشب لسانه في جماه |
| يوجع بطعناته وضيفه يشبعه |
| تم الكلام ومن يدور له لقاه |
| من شاعرٍ جاب الخبر من منبعه |
تعليق الشاعر عبدالرحمن الحربي في احد المنتديات على قصيدتي اعلاه
]صح لسانك يابن العم واعتلى شانك
كفو يالفطين فطنت للجزله وجبتها
ياكبرصيدة صاحبي يالله تهنيه بعشاه
..............قنوع مايحب الطمع ادناة شيٍ يقنعه
غريق والسلك انقطع ماورده جال النجاه
0000000000يالله يارب السنع انك اتدله لسنعه
-------------------------------
ردي على الشاعر عبد الرحمن الحربي
| بالديره اللي ياعسى مجنونها يرجع وراه |
| والوضع ماهو يالبناخي راس ضب وجربعه |
| الدار فيها حل شيخٍ ياخذ الحق وعطاه |
| يصد عن هرجة كبير النفس راع البعبعه |
| ماجبت علم البارق اللي لاح من فوق الحصاه |
| جنوب وانت تخيل براقه شمال الاصبعه |
| لوكل من يرمي يابن عمي يعد من الرماه |
| تلقى الدياراما دهر ولا الديار مربعه |
| الحق يرضي والرفيق الحر مانشقر عصاه |
| أصير دونه عن شعاع الشمس ثوب وقبعه |
| دايم نحاول يالبناخي بالزمن نكسب رضاه |
| وان شاف راسه فوق روس القوم والله لجبعه |
| قال المثل ياصاحبي مال السلامه والغناه |
| راع الطبيعه مايخليها يالو اطبعه |
|
العرض الشجري