كنك تشوف جبال في شكل رجال

بسم الله الرحمن الرحيم
والصلاة والسلام على اشرف الانبياء والمرسلين
السلام عليكم ورحمة الله وبركاته

نزف الكيبورد بها سريعا

يارب يامنزل تبارك والانفال
يارب جيتك في ذنوب وخطيه

طالب رضاك ورحمتك ذل واجلال
تمحي ذنوب(ن) يـ الهي عليه

ورحمتك ياربي لـ خالي ومدخال
جنات عدن قطوفها له دنيه

ومن بعدها ياويل حالي وياحال
حال الكرم من بعد فقده عصيه

خالي وانا لا قلت خالي لي اهتال
جمع الصفوف اللي بجد اوليه

اللي ليا من قال مارد ثم قال
امره ينفذ حشمه ومقدريه

هو فزعة اللي بيتها كله اطفال
احوالهم من لعنة الفقر سيه

يبذل لـ فعل الخير مايحسب المال
لو كان غيره تايه(ن) وسط غيه

كريم جاه ومفني المال والحال
ولد (دريويش) العطى والحميه

وولد (عجيبه) دون شكه ولا جدال
عجيب وكفوفه كذا (حجرف)(يه)

ايه انشدوا عن (سالم) الطيب والفال
وكل(ن) يجاوب بـ النيابه خويه

(سالم) صخيف القلب فكاك الاهوال
(سالم) بجد بجد مافيه زيه

ياطيب راس العود من طيب الافعال
اللي على غيره محال وقويه

كنك تشوف جبال في شكل رجال
اللي وزانه بالذرا و اهنيه

عقيد قوم بـ وقفته تضرب امثال
محال يامحمد بـ نلقى حليه

ويارب صبرنا على كل الاحوال
دام الفراق يديه فينا نديه

وبـ رحمتك ورضاك يالعادل العال
يارد على حوض(ن) ورد له نبيه

اللهم ارحم خالي برحمتك وافسح له بقبره واجعله روضه من رياض الجنه