حل الفراق

ضحى الربوع فغفلتي دق سامي	قلي خبر عاجل وضليت مطروح
ضليت اناظر عاجز(ن) فالمقامي	من صدمة مناور غدا صدري يفوح
من صدمته جسمي تحول حطامي	مثل الجسد لاصار خالي من الروح
حل الفرااااق وراح عذب الكلامي	والضحك راح وحل من بعده النوح
وفرقاه حطمني وطير منامي	ليت الجروح ايام وشهور وتروح
قالوا تصبر ما يفيد الملامي	هذا القدر محفوظ للناس في لوح
قلت ادري ان الموت ذيب الانامي	كلن ليا منه قضى يومه يروح
يا الله يا محيي رميم العظامي	تطلف بقلب (ن) من عنى الوقت مجروح
دنياي من عقبه عليها السلامي	معاد ليه في الملذات مصلوح
يا ليتني غافل ومادق سامي	ولا جاء خبر عاجل ولا صرت مطروح