قصيدة حبي وفاء......شعر الواثق.....

............السلام عليكم ورحمة الله وبركاته ...........
مساء الخير ......
أُقدم لكم هذه القصيدة.. حبي وفاء .. للشاعر ((الواثق))
وترقبوا عضويته قريباً .........

..حبي وفاء....

ياللي خذيت الحب لعب وتسلي *..* دور بدال الحب لعبه تسليك
حبي وفاء والا أنت حبك ِتغلي *..* لا خير في حبك ولا في تغليك
كنت اتباها فيك واقول خلي *..* وبالحب والتقدير ماحدٍ يجاريك
وكنت انتظر شوفتك وافرح واهلي *..* واليوم لا حبك ولا احب طاريك
لعل حبٍ مثل حبك يولي *..* إتبيعني وانا الذي كنت شاريك
ماقول غير انسي غرامي وحلي *..* عن ناظري ماعاد لِيه نظر فيك
ومادام في حب الغنادير ذلي *..* عن حبهِن يالقلب بالنار لكويك
فارق وهاجر وابتعد عن محلي *..* لا تعتذر مشكور ماعاد يمديك
ويالله عسى يحصلك اللي حصلي *..* يشفيني الله من بلايه ويبليك