الشاعر راضي بن زهيميل السحيمي

قصيده مدح بأبن راجح



سـلام ياشـيـخ على الـعـز مـبـنـــــاه
=شيخ(ن) عـلى شـيـخـة مـشـايـخ قـديمه
مـن حـبـنـا لمـحمد الـشهـم جينــــاه
=جـــــيـنـا بــعـد مـاجـات مـنـه الـعـزيـمــه
مـا جـابـنـا محمد بسيــفه وشلـفـــاه
=لـكـن جـــــابـتـنـا الـصـفـات الـكــريـمـــه
هـذا ولـــد نـاصــــر زبـون الـمـخـــلاه
=وريــف الــهـجــافــا باللــيــال الـعـتـيـمـه
شـيـخ الـشـيوح و عـايزات(ن) حلايــاه
=بـــيـن الـشـيـــوخ الــراحـلــه والمقيـمــه
شيخ(ن)حمأ داره على قسوة إعداه
=وإسـمه بـقـى شـاهـد بـجـنب الوسيـمـه
والـنـعـم ابو مـشعـل لـيـا مـد يـمـناه
=ثـم إعــتـزا بـيـن الـمـلا بــخـــــو شـيـمـه
خـصـمه ليا شافه من الـخوف ينصـاه
=ويـضـحـك بـوجـهـه كـن مـاهو خـصـيـمه
سـيـمـا الامـاره واضـحـه فـي محياه
=الـلـه عـطـــاه الــهامــه الـمـسـتـقـيـمـه
لـه هـيـبـة أشيوخ الـعـروبه ولـه جاه
=ولـه فـي قـلـوب الـنـاس قـدر(ن) وقيـمـه
مـاورث الا اسـمـه وطـيـب سـجـايـاه
=لومــــــاورث الا الطـيـب وشــداد ريـــمـــه
وهـذا يـكـفـي للـشـيـوخ الـمـسمـاه
=اللـي بـنـو فـي راس مــــــاوان خـيـمــــه
خـيـمـة وفـا فـيـهـا شـداده ومـركـاه
=وعـز وشـرف يـاجـعـل ربـــــي يــديــمـــه


الشاعر راضي بن زهيميل السحيمي