قصيده ف الاخ / سلطان مرزوق مهني الغصيبي عافاه الله ,,

قصيده للشاعر / حامد مرزوق مهني الغصيبي بتاريخ 28 / 11 / 1435 هـ في اخيه سلطان مرزوق مهني الغصيبي عافاه الله وامده بالصحه والعافيه واطال في عمره والقصيده تعبر عن نفسها ..

سمـيــــت بأســــــم الله سبحان ســـبحان
اللي خــــلقنا مـــــــن عـدم وأوجد الكون

واللي رفع سبـــعه سمـاء دون عــــمدان
وسبع الأراضـــــــي فوقها الخلق يمشون

وسبحــــــــان رب(ن) خـالق الإنس والجان
فردً صمـــــــــد سبحانه الكــــــاف والنون

فكرت يـــــوم العيـد والكل فـــــــــــرحان
يومن نجــــــــــــي الــــــــربع والربع يلفون

والــــــــكيف داير والـسوالف بعيـــــــــزان
وهــــــــذا يهلا به وهــــــذا يحييون

وصحــــــــــون رز وفـوقها ذيول خــــرفان
و ياكثر خـــــــير الله عليها يحطـــــــون

وفكرت فالمتحــف و فــأخوي سلطان
اللــــــــي من أول للمحافل يحجـــــــزون

ومشاركــــــــــــات كبــــــــــار للعلم برهان
والبعض عن إنجــاز هالشــــــــي يدرون

في ملتقى الســحمان في حفل سحمان
فــي ناركم حيه مثل مـــــــايسمون

وعايش وعـــبدالله وربـــــــعه والأخـــوان
منــضمين الحــــفل وانتم تخـــــبرون

شيوخ وأبــناء شـــــيوخ فـأول وذلوان
دايـم على رأس الـطويله يعـــــدون

والخيل معــــه الهجن والطيب يبــان
هــذا شرى منـــــــهم وذولا يبيعون

قالو يا أبو بــــندر نبي المتــحف الان
يـأتو وفــــــــــود للمتاحف يعشقون

عز الله إنه مــــاتكاسل ف طلـــــــبان
و مـشيد الــمعرض لحيّن يـزورون

وجوائز المهــــنه على كل ميــــــدان
و مـجهزه والحـــــــظ للي يفـوزون

وأمير طيبه شــــرف الحفل لا هــان
و الصحف تكتب والأذاعـه يذيعون

ومنها يبي المتــــحف حديقة بعيجان
ورتب له المتحف لمنهو يــــمرون

ومن عقب ماشافوه تســــتر الأعيان
يا(متحف السـلطان) ممنون ممنون

وفالمركزيه جاء محـــــله فـالأركان
طـايع ورايح حيث يــــأمر وينهون

في مهرجان الصيف ذكــــره فالاذهان
من شاف ما شافوه للـــــغير يبدون

وفالعنبريه معرضه شــــبه دكــــــــان
ف المدخل الشرقي لناسً يــــــرودون

ومنــــــسق الـــــــتنظيم فهــــد عليـان
مــع لجنة التنظيم يروح ويجــــــون

ف إدارة التعليم للهــــــــرج ضــــــمـان
واللي مـــــشكك في ســجله يزورون

يا مـــكثر التوقيع حضرن وبـــــــــدوان
مــــــن الوطن والا الدول يوم يعنون

ومــــــقابلات وصحف في كل الاحيــان
يا مكـثر اللي قال واللي يقــــــــولون

متكامل المتـــــــحف من اشكال والــوان
واللـي مايعرفه ينشد اللي يعرفــــون

سامه وحطه ف الــــــــجريده والأعـلان
للي يبــي يشري لدينا يــــــحضرون

وجوو الزباين ودفــــــــعو غال الأثـمان
لكــن ما الله راد للبعض يشـــــــرون

وجاء له سلامه صاحب الصنف رغبان
وما همته لو الدراهم يــــــــــزيدون

أسمه سلامه وأسمه أبـوه رشــــــــــدان
شيخ ومدير الــــــــطب للي يداوون

وربعه جهينه ونـعم لا قيل جــــــــهنان
دايم ليا جوو ف اللـوزام يســـــدون

ويقول أبو بنــدر انا وانت صـــــــدقان
يا أبو محمد شيل والــربح مضمون

بـاع الكثير وبعــــض باقي ومليـــــــان
مثل الذهب من دونه البـاب مخزون

سلـطان أبوه الشيخ من نسل شـــــيخان
وابن مهني تعرفونه وتــــــــــوحون

عز الله انه ناب من بيــــــــــــن نيـبان
والناب مايبتع بلا اضراس وسـنون

وقبـيلة الغصبان للحــــــق مــــــــيزان
وليا جهلت أنشد عن العرف وشلون ؟

والبيت مايبنـى على غير سيســـــــــان
وبيت(ن) بليـــا ساس وشلون يبنون

الحق له رمـزه وحكمه ونيشـــــــــــان
ويـــــقال بركه يوم حيّــــــه يعدلون

وكل الـــقبايل نعم قـولن وبـــــــــرهان
وقت اللوازم ف المراقيب يبـــــدون

يا الله يـــارب اشف من كـان مرضـان
يا مـشفي المرضى يا لين يتعافـــون

وأدعو لأبــــو بنـدر من قلب ولســــان
يشفيه ربــي يوم خــــــــلقه بيدعون

قرب سنه والفكر حــــاير وتعـــــــبان
والــــــــــربع ذا يـــقبل وذولا يقفون

الراس مايزهاه ياغـير الامتـــــــــــان
وروســـن بليا أمتان وشلون يزهون

ويوم الوطن يجلى عن القلب الاحزان
يـــــديم عـــــزك يا وطن دوم يبنون

يا كـــــــــــــم لوح بالبيارق والالحان
مـــليار في مليار بليـــــــــون بليون

الله يـديمك ياوطن طول الازمـــــــان
مـن شأن حبك يـــــرقصون ويغنون

الله يديم الأمن في كــل الاوطــــــــان
ويحمي الوطن من كل خاين وملعون

في ظل ابو مـــتعب ومقرن وسـلـمان
ليل ونــــــهار جيوش بالله يـحرسون

صلو عدد مـاهــل سحـــــاب الأمزان
عـداد من مــــــــــحرم لبيته يـحجون

على رســولن عــلم الخلق الأركــــان
لبـــــــــس الحرام ومن بـعدها يلبون