مهف مقيط

زار شاعرنا الكبير رحمه الله صياف الحربي ديرته بعد ابتعاد طويل عنها لظروف العمل ,, وعندما عاد لم يجد الحياه اللي عاشها ويعرفها كما هي فكل شئ قد تغير .. وجرت بينه وبين الهنديه ( من ديار السحمان جنوب المدينه المنوره ) هذه المحاوره القصيره واللتي احببت طرحها لكم عسى أن تروق لذائقتكم ...
ونقول لأبومفلح الله يغفر لك ويرحمك وليتك عايش ترى كل مايرضيك عن الديره وأهلها اللي كلهم دعم لعيال نجوان ويفتخرون فيهم وان ديوانية الشعراء العام القادم ان شاء الله بالهنديه اللي عسى الله يرزقها بالربيع واللي طلعت صياف الحربي فخر قبيلة حرب عامه وشاعر الخليج بشهادة الجميع ..

يقول صيـــــاف

يادار وين أهل المواجيب يادار
	أهل الكرم وأهل القلوب المواليف
أهل الدلال الصفر شبابة النار
	اللي منازلهم بروس المشاريف
عز الخوي والضيف حماية الجار
	زبن الدخيل اليا بلته الصواديف
ماعاد يبقى الا مراسيم وآثار
	عشب (ن) يطير به الهوى والعواصيف

فردت الدار عليه ...

قالت لي اذكر سيرتي عند الأحرار
	كيف ابعدوا عني بليا تخاليف
ويش أنت خابر يوم لوذات الأسعار
	خير الربيع يغطي القيض والصيف

قال صيـــــاف

قلت اصبري والله عليمن بالأسرار
	وأهل الشرف مايجحدون المعاريف
يوم ان رحلتنا على عوج الأبكار
	في كل وادي تسمعين الغطاريف
واليوم رحلتنا على صنع كفار
	ماتمشي إلا فوق جسر وسفاسيف
أما يجون عيال نجوان زوار
	والا مهف مقيط راع السواليف