قصيدة من الوزن الثقيل

قصيدة للشاعر خلف المشعان، من الوزن الثقيل
يكتبها لأحد اصدقائة
دايـــم أردد بـيــن نـفـسـي وبـيـنــي
بيـت ٍ لابــن شـعـلان محـكـم وثـاقـه

( الشين شين .. وماكر الشين شينـي
عـــدو جـــد ولا بقـلـبـك صـداقــه )

شيه .. التفت لي .. حط عينك بعيني
عـمــر المـنـافـق مـايـخـلـي نـفـاقــه

يـــوم تمـدحـنـي ويــــوم تهـجـيـنـي
وهرجـك علـى الوجهيـن مابـه لباقـه

مبطي وانـا اسمـع بالرفيـق البطينـي
الـيــن شـفـتـك مـاتـحـشـم الـرفـاقــه

إيه ادري انك بالكـلام تعنينـي .. !!
لكني أحمـق ( لـو ) بـداوي الحماقـه

سـولــف بكـيـفـك للمخـالـيـق فـيـنـي
للـطـيـب بـــاب ولـلـرديـيـن طــاقــه

الـلــي يبـيـنـي لا يـخـومـر يجـيـنـي
والـلـي يـبـي فـرقـا عيـونـي فـراقـه

بـاقـي معـايـه بـيـت بـيـنـك وبـيـنـي
راكــب علـيـك وهــاك فـكـك وثـاقـه

( فنجال طيني ماانت فنجـال صينـي
تبرك مباريك الجمل ... وانت ناقه )