07-05-2012, 03:30 PM
|
|
|
عــديم إحساس
| الآ ياشينها كلمه بلا داعي ودون أسباب |
تضر إنسان ماله لاجمل فيها ولاناقه |
| نطقها واحدٍ مايحتسب للمقبلات حساب |
يبي يضحكبها ناسٍ وشال البيت برواقه |
| ماقصده غير بالمجلس ينال ويكسب الإعجاب |
تصفقله عليها ناس للشينات سباقه |
| يطارد خلف غرات العرب يفتح عليها باب |
ليا منه عجز عن بابها حول مع الطاقه |
| يروج هرجة الفتنه مابين الاهل والاقراب |
ويفرح كان شبت بينهم نيران حراقه |
| يراوغ كنه الثعلب ويقرص مثل قرص الداب |
على حرث المشاكل والمصايب متعبٍ ساقه |
| يخلي هرجة الصادق وياخذ هرجة الكذاب |
يخلط السم مع ريح الورود بداخل الباقه |
| يعذرب فالشباب بدون حق ويظلم الشياب |
كلاهم ماسلم من نمته وآذاه واخلاقه |
| عديم إحساس مايعرف حقوق الجار والاصحاب |
يخلي مثمنات الهرج ويدور على دقاقه |
| ذكرت أوصاف من ذكره يجيب الهم والاعصاب |
وأنا لولا الحياء لاصيح باسمه واكشف أوراقه |
أهم من تخصيص صورة وتوقيع |
| كسب إحترام الناس للي نِقوله |
|
العرض الشجري