غاده وتالين

من قصائد أخي وعزيزي / الشاعر وليد المري

قالت شوي وبتصل فيك بعدين
واليوم قفلنا السنه ماحدٍ دق

يا هل ترى نبقى على موعد الزين ؟
وإلا نصد ونرقع الشق بالشق !

البارحة ما طار طير المحبين
آضمد جراحه وبي الشوق يشهق

في حاجبي قسوة وفي داخلي لين
وآقلب أوراقي عسى الشمس تشرق

حنا كذا نوفي مع الصاحب الشين
وانشين لي صار الخوي دوم يصدق

أشياء في بالي وهالعام شيئين
واللحين شي وما بقى زود يفرق

يعني مجرد شوق ودموع من عين
وانفاس متضايق وتأنيب مطلق

شاعر وله ديوان وخصومه اثنين
أشعار يرميها وأشعار تُسرق

اهنا قصايد بإسم غاده وتالين
واهنا قصايد ساقها يم مطلق

قبطان في شعره وله قاربٍ طين
يغرق وامواج البحر فيه تغرق

يظهر بـ المرايه على شكل تنين
يحرق مساحاته وهو فيه يُحرق

أشواق تاخذني ولا أدري لوين
أشفق وماضينا معي زود يشفق

قالت شوي وبتصل فيك بعدين
واليووم قفلنا السنه ما حدٍ دق