يارجـل لاتنسـى حقـوق الرفاقـة

[read]

السلام عليكم ورحمة الله وبركاته
اخواني اقدم لكم هذه القصيده الرائعه لشاعر الكبير لافي الغيداني
وارجو ان تحوز على رضى الجميع


يارجـل لاتنسـى حقـوق الرفاقـة
وعلى حقوق الربع لاتبدي القـرش

فبيوتهـم تلقـى الكـرم واللبـاقـة
وتاكل عيال اللي عراقيبهـا حـرش

وتعطيك أهلها من التراحيـب باقـة
مجالـس مكسيـة بأفخـم الفـرش

غناتك بربعـك ولـو مـاش فاقـة
تسوى ملايين الرعايا من الطـرش

وإلا غنـاة المـال هـي الحماقـة
لو تنفـخ العلبـاه وتكبـر الكـرش

ترى ماهي دايـم فـروح ورواقـة
دنيا تذل الذيـب وتنـوخ الهـرش

لو بينها وبينـك ضبطـت العلاقـة
وبنت لك من الحلم فوق البحر عرش

من طبعهـا ماتخلـي الاصطفاقـة
ياما اخرشت ناس لهم ثقلهم خـرش

تخلي يدين اللـي عشقهـا عشاقـة
وتغني يدين اللي قبل رابح شـرش

مادام تحمل باسـم ربعـك بطاقـة
على حقوق الربع لاتبـدي القـرش



هذا ولكم مني اجمل تحيه
بعيد الهقاوي

[/read]

اختيار موفق كعادتك سلمت يمينك وننتظر المزيد

الف شكر لك اخوي فهد
على المرور الرائع والجميل

غناتك بربعـك ولـو مـاش فاقـة
تسوى ملايين الرعايا من الطـرش

هالبيتين كانه قاصد(ن) فيهن هالمنتدى الجميل ..

الف شكر لك اخوي ابو تركي على المرور الرائع

آآآآآه ياحقوق الرفاقه يابوفهد // ثمينه ووين اللي يعرفها بهالزمن !!
اختيار موفق كعادتك دائما فلك الشكر

الرفاقه مع الاسف يآ أبو فهد صارت مع اكثر الناس في هذا الزمان اسم فقط بدون فعل

رحمنا الله جمعياً .. وانزل هدايته على القلوب


ابو طارق رحمه الله .. قال هذا البيت بإحدى قصايدهـ ..


الطيب بين الرفاقه زرق ومزارق

................................... وكلن لاعد الخبر يآقف له ساقه

الف شكر لكم جميع
على المرور الرائع والجميل

قصيده في الصميم والله ان الرفاقه كما تفضلوا الاخوان
في جميع الاقطار صارت تنتهك حقوقها
الله يجمعنا على الطاعه والتالف والمحبه
اشكرك على التميز
vip يالهواووووووووي

الف شكر لك الاستاذ خالد على الطرح الرائع والجميل