انا الصديق ..

هذه قصيدة وجدتها في احد المنتديات .. والقصيدة تعبر عن شئ مما في خاطري تجاه الصديق .. واخص بها رجل عزيز علي -ابواحمد-
لكن للأسف ماحصلت صاحب هذه القصيدة

انا الصديق اللي لي طحت شالك...
لا ضامتك دنياك والوقت بك مال....
انا يمينك شدني في شمالك
يمنى بلا يسرى ترى حالها حال....
انا عزاك وعزوتك لا جرى لك
من تاعس الدنيا هواجيس واهوال....
ماني من الي لاغتنى ما وفالك
لو لك عليه من الجمايل والافضال...
وماني خويك كان وقتك صفالك
انا خويك لا ادبرت فيك الاحوال....
خذني عصا موسى اذا كنت هالك
امسح لك بحور القهر قول وافعال....
فالك عسى الله يسعد اليوم فالك
فالك عقب صوم الدهر عيد شوال...
بالك يجي في خاطرك يوم بالك
انك تغيب ولا تجي لي على بال....
ما اقول انا ياعم مالي ومالك
ما ترخص العشره ولا تغني اموال...
اسمع جوابي قبل ما اسمع جوابك
خارج حدود التغطيه وارسل ارسال...
على محيط السالفه حط بالك
اجيك رجلي كان ما جيت خيال.....
انا ليا شح الزمن في وصالك
تمدني النخوه على وصلك حبال....
انا عمى عين العدو لا نوى لك
انول روحه قبل ما روحك تنال....
بينك وبين الشمس شجرة ضلالك
ما للشجر قيمه اذا ماله ضلال...
والليل لو الليل مظلم وحالك
ترسمني الظلما على صدره هلال....

ابو تركي
يعطيك العافيه اخوي

قصيده في قمه الروعه والجمال

وتسلم يمينك يالغالي

ع النقل المميز

قصيده جزله وسلمت على النقل ابوتركي

اختيار اكثر من رائع اخوي ابوتركي
سلمت يداك على النقل

الصديق الوفي اللي يستاهل ان الواحد يقف معه ويبذل قصارى جهده في خدمته والوقوف بجانبه ندر ان تجده في هذا الوقت ..

اشكر الجميع على المرور المشجع !!

اختيار اكثر من رائع اخوي ابوتركي

الله يبيض وجيهكم على المتابعة والرد .. الف شكر