من قصايد الشاعر صلاح بطيحان السحيمي

بسم الله الرحمن الرحيم

سلام يارجل الوفاء قلب ولسان	عم الفرح والخير ساير وطنا
الشعب كله يطلب الله ولهان	يطلب من الله يجلي الاحزان عنا
وردك لنا سالم معافا بالابدان	يا ابو الهجافا وابو الايتام منا
ياخادم البيتين شيدت الاركان	بيوت ربي للمكارم تبنا
مديت يمنا العون في كل الاوطان	وكل الدول تثني على مافعلنا
ياعزنا يادرعنا بكل ميدان	كل يحسب حسابنا وانت منا
ادامك المعبود ياعالي الشان	عز وفخر كل لرايك تبنا
كل الدول صارت لنا اليوم صدقان	كل براي العود هوجس وغنا
يعيش ابو متعب على طول الازمان	الله يديمه يرفع الحمل عنا
دون المواطن والوطن درع واحصان	عز الصديق وعز للي زبنا
وعاشو عضود الليث نايف وسلطان	عوق الخصيم بعيشته ماتهنا
ويعيشوا ال سعود للخير عوان	كل على الطاله بيوته تبنا
عيال عود حط للمجد عنوان	ارسى قواعدها بعرف وفنا
عبد العزيز ومن معه يوم الاكوان	حث الركاب وبالطلب ماتونا
بشلفى وسيف ورمح بيدين فرسان	بايمانهم من دم الاعداء تحنا
صقر الجزيره هقوته تجلى الاحزان	وجاته من المولى على ماتمنا
الدار ساد الامن فيها والامان	حكم كتاب الله وبالعهد أمنا
كل القبايل صارو احفاد واخوان	في طاعة المولى وقفى جهلنا
حنا وحكام الوطن صف بنيان	هذي عوايدنا على وقت اهلنا
نحكم بشرع الله على عدل واحسان	والاهنا واحد عليه اتكلنا
وصلاة ربي عد ماهل ودان	على الرسول الي بهديه شملنا

صح لسانك اخوي ياسر ولسان الشاعر صلاح بن بطيحان

تقبل مروري

عافاك الله يابوفرح وننتظر الجديد دائما لشاعرنا
صح لسااانه وسلمت يمينك

يعطيك الف عافيه على الطرح الرائع والجميل

مشاعر جميله من شاعر جميل ونشكرك على حسن الاختيار ونريد المزيد من اشعار الشاعر صلاح والشاعر مصلح

صح بدنكم والله يعافيكم وابشرو بالمزيد انشاء الله.