ديوان الشاعر أحمد حمود السحيمي

يامحمد الاوضاع ماهي على الكيف	والفكر في تالي لياليه شوش
ماهو منه بالعكس بعض السواليف	تخلي الرجال راسه يبوش
لكن انا ماشيل هم الملاقيف	اللي على دربي تزل وتنوش
خليتها وش لي بهرج المضاعيف	خل الضعافه مع بعضها تعوش
قلبي نظيف ولا يبا اي تنظيف	والا الضعيف مانظف لو تروش
مطرد ورى هراجة الكذب والزيف	اللي ركض خلف الحكي ويش حوش .. ؟
يبقى محلي في علو المشاريف	ولاهو بذنب ( أحمد ) على الكل كوش

قصيدة الدفاع عن ( أم المومنين )

أوضاع الامة والظروف القاهره	خلت صهاينة العرب متطاولين
في حقدهم جونا علن ومجاهره	سبوا صحابتنا وحنا نايمين
ناسن على الفتنه عيونن ساهره	يامسلمين شلون صرتوا مسلمين
انا فدى ماطى رجول الطاهره	عرض الرسول امي وام المومنين
المومنة والصادقه والماهره	وقول الخبيث فعرضها افك مبين
يوم الرسول الحزن جوه عامره	نهار صدوه العرب مستكبرين
اتايده وتحادثه وتسامره	وتجلي عنه غيضا تمكن به سنين
بافراح تفرح له وهم تشاطره	وحلو الكلام تجاذبه رفقا ولين
هي حبه وسلوة هناه وخاطره	واللي عنه تروي علوم المرسلين
بنت الذي في رفقته ومخاشره	((ابو بكر)) راس الصحابه والامين
(( ياعائشة )) والدمع يجري عابره	يكفيك ماقاله اله العالمين
منتي من النجس( اليهودي) خاسره	حظك سعى بالاجر وانتي وسط طين

(( تغريدات ))

&&&

كله على شانك وكله لعيناك
انا معك مالي ومال المقرد
خلاص لا اشوف الزعل في محياك
شاعرك لعيونك من اليوم غرد

&&&

ما للوطـن ذنـب // يالمعتــوه
عمر ( الوطن ) مافعل باطـل
مارضى على هـ الوطن مكروه
لو كنت في هالوطن (عاطل )

&&&

سقيت شوقك ..وانا عطشان
وماشفت// منك.. والا قطـره
خلك ليا اشتقت لك ( أنسان )
تـرى حبيبـك على... الفطـره

&&&

اي والله ان الهدف معروف
لاتتعب ( العقل )..وتفكـر ..!
ماحد يبا الامر.. بالمعروف
ولاحد يبا النهي.. للمنكر ..!

&&&

كلن يسوي اللي يبيـه
حتى مع الشيخ العزيز
ياصاحبي. ماعاد فيه
نايف ولد عبدالعزيز ..!

&&&

مؤذن الحيّ.
الله عسى الفردوس مثـواك ياجار
اللـي يبا يفقـدك ياشيـخ ..واجــد
(الطيب) (والاحسان)ياشيخنا البار
(واكبارنا) (وصغارنا) (والمساجد)

&&&

ياحظ جمهورك ومن ينتمي لك
واللي يعاندنا مع الوقت خاسر
قد قلتها مراات ... ياحبني لك
واقول للمقهور ... تابعت ياسر ..؟

&&&

المعــذره...يارفيـق (( الروح ))
لاعاد تشره علـي/ وتزيـد
صاحبك من هالزمن مجروح
ماعـاد لـه نـفس (( للتغريد ))

&&&

ماعـاد لي طاقه على الفـرقى تعال
بنيت لـك فـي داخـل الخافـق قصر
مشتـاق لـك شوق ( البطوله ) للهلال
وخايف تفارقني مثل خوف( النصر )

&&&

ماعـاد لـي.. للفــرح ميعاد
ولاعاد لي فالبشر حاسـد
حتى ولو تهدي (( الايباد ))
ماهو عوض دمي الفاسـد

&&&

اي والله اني عايشً في// راحـه
وظنــي موافــق بالمحبه // ظنــه
المشكله باغي قناة (( الساحه ))
وحبيبتي تبغى (( طيور الجنه ))

تحياتي

أحمد السحيمي @garh2006