هذه قصيده من الشاعر فهد عيسى المحمدي الحربي يشكر بها رجل الاعمال الدكتور عبد الله رشيد ابن عريعر السحبمي الحربي

قدحة قيفان الشعر قدحة افلاش
	فاحة دلال الطيب والهيل غاشي
حرباً قواطيع الوغا دمها غاش
	الطيب في روس المطانيخ عاشي
فهد نخاهم لين مطنوخهم شاش
	عبدالله بن رشيد للطيب شاشي
قال ابشرو بالفزعه الحاضره كاش
	ابشر يجيك المال للخصم كاشي
فعل السحيمي يالربع يبري الجاش
	وسم الحيا يروي سهولاً اعطاشي
يخيلها اللي بالوسم خايل الناش
	يسوقها نسيم وبل الرشاشي
الطيب في وقفاته ابيض من الشاش
	من روس حرب بّقوة الباس هاشي
حرب الحريبه ماربا وسطها الاش
	يطول في تاريخ حرب النقاشي
كم فارساً صنديد في حربنا طاش
	ناحن عليه البيض قبل الغباشي
من طيب ربعي فيهم الراس شواش
	جمع العدا قدامهم له طشاشي
كبيرنا لطيب والمرجله حاش
	وصغيرنا يمشي بنفس المماشي

الشاعر فهد بن عيسى المحمدي الحربي
منطقة القصيم

صح لسان الشاعر القدير فهد عيسى المحمدي وبيض الله وجهك يابو عبد العزيز
وسلمت اخوي احمد على النقل الراااائع
يستاهل ابو عواد العلم الغانم وراعي وقفه مشرفه

صح لسان الشاعر فهد المحمدي وكفو عبدالله رشيد السحيمي لما قيل فيه فهو من اهل الطيب والحميه شكرآ لك ابوعايض على تنزيل القصيده