ياربعي السحمان بمدح ولد عم . غصب عن اللي عن مديحه تردا

هذي القصيده مهداه لي من ابن العم الشاعر
حاتم حمود السحيمي . وعسى الله يقدرني على رد الجميل وصح الله لسانه

ياربعي السحمان بامدح ولد عم
غصب عن اللي عن مديحه تردا

ومن ردني يبشر بتسكيرة الفم
من شاعر لاطلق شنب بيتحدا

شاعر وميراده على صافي الجم
وماقف قصيده بالقصايد مبدا

سلام من شاعر هجوسه ترادم
يمدح ولد عمه بقافن يشدا

في مدح ابن عايد مزون ترازم
يسريبها الهاجوس ماله مردا

فالنادر اللي للرياجيل مغنم
الله وامانه بالمراجل يسدا

خالد ولد عايد خطا راسه الهم
المحزم اللي بالشدايد يشدا

يامحزمي شرد القوافي تداحم
الشاردات مروعة من تعدا

ماردها عن مدحكم هم وووغم
دامك ولد عود علووومه تبدا

ياكم يمينه نثرت صافي الدم
وعقب صقور بالملاقى تهدا

الله وامانه ماتعرضكم بظلم
لاكن حقيقه والحقيقه تودا

لعل يفداك الردي راعي الدلم
اللي عن طروق المراجل مسدا

يقوله اللي ماخلط علمه الحلم
ولاقصد في حاجتن له تمدا

لابالله الا مع ربوعه وله سلم
سلم لنا من عهد جدي يعدا

واسلم ياخالد والمعاني على علم
من شاعر لا اطلق شنب بيتحدا

صح لسان الشاعر حاتم حمود قصيده رائعه
شهادتي مجروحه فيك يا ابو شهد بس بقول انا اشهد انك تستاهل

صح لسانك اخي حاتم حمود قصيده جزله ونعم برفيقنا خالد عايد ومدحك فيه صحيح تحياتي للجميع دمت بخير

ونعم بالمادح والممدوح عيال عم وبيض الله وجيهكم ياعيال السحيمي

تستاهلون الطيب شرفتوني بمروركم العطر .

صح لسااان حاتم مدد بلا عدد
ووالله ان حاتم ماظلم حظه , ووالله ثم والله انك تستاهل اكثر يـ ابو شهد