انا ماني مشارك ولا ابغى اشارك .. لكن عسى رايي يفيد القبيله

ياغربتي شبي هنيا وجارك
من قبل لايزْعِل عميلٍ عميله

للراي الاول والله إني مبارك
وكلٍ على ماقيل يلقى حصيله

وانا ماني مشارك ولاابغى اشارك
لكن عسى رايي يفيد القبيله

قبيلةٍ مجد ازعماها استثارك
يوم الحوايج في زمنهم قليله

حاجاتهم في حفظك انته وجارك
يوم القشر في كل صبحٍ وليله

وحاجاتهم طيّب نباك و وقارك
يوم الفشيله صدق تعني فشيله

واليوم لا والله قصيرٍ نهارك
ساعات ليلك غادياتن اطويله

وان راحت الدعوه هياط ومعارك
فـ الله بلانا في قبيله هبيله




/

صح لسانك ياشاعرنا مبدع كما عودتنا
طولت الغيبه يابو منصور عسى الله يردك سالم غانم
تحياتي يالغالي

صح لسانك
ومشاركتك ظروريه جدا في الديوانيه لان مثلك وشرواك ينجحها بحضوره
ننتظر جديدك ياشينج ينج

مانبي رأي بدون مشاركتك وشوفتك أبومنصور ..

صح لسانك جزل كالعاده لاعدمناك وترجع بالسلامه ان شاء الله ولها حلال وقتها يالغالي ,,,

مشاركتك باالراي والقصيده لابد منها اخوي عبدالعزيز وصح لسانك تقبل مروري

صح كلك يـ ابو شهد والله يسلمك ولايقطعني منك يـ النادر العالي


...............................................


ابو فيصل يالغالي صح كلك واشكرك على حسن ظنك بـ اخوك



...............................................


ابو ريان الله يسلمك وصح كلك ,, هذا بعض من بعض ماعندك و اشادتك مطلب ومكسب لاعدمناك


..............................................


ابو فلاح صح كلك ياشاعرنا شاكر ومقدر








واخواني :
ابو فيصل
ابو ريان
ابو فلاح

اولا اشكركم على حسن ظن ذوائقكم بـ اخوكم
وبكل صراحه انا لم ادعى للديوانيه وان دعيت سوف اعتذر
لانه ومن خلال متابعتي للديوانيه من خلال اليوتيوب لم ارى لها حضور ايجابي وليعذروني اخواني كانت المشاركات عشوائيه وغير منظمه ومعظم القصايد (لصمقة)قيفان
لـ اقول هذا من باب التعالي او من باب اني شاعر لايشق لي غبار وهناك الكثير من الشعراء الاكفاء الذي اراهم بعين الطالب
ولكني اقول هذا من لسان حال المتذوق المحب للشعر الجزل المرتب البعيد عن العشوائيه