رثاء في الفقيد / نايف خلف السحيمي

قصيده رثائيه في الفقيد الأستاذ نايف خلف السحيمي رحمه الله
كلمات الأستاذ رائد سعد العالي العتيبي

الله من قلب شكى الهم واشقاه
الحزن في وسطه منوخ ركابه


عقب المصاب على الرب مشكاه
الله ياصعب الفراق ومصابه


لاشك ماللعبد عن حكم مولاه
واللي كتبه الله يامرحبا به

مافيه مخلوق مخَلد بدنياه
والموت مايعرف صديق وقرابه


الله يرحم طيَب الصيت والجاه
الصاحب اللي مايعوض غيابه


نايف بفعله يوم نايف مسماه
اسمه وفعله بالمزايا تشابه

قرم كسب جزل الفعايل بيمناه
واقفى عن الدنيا بذوره شبابه

يالله عسى في جنة الخلد مثواه
ويكون بجوار النبي والصحابه


ندعي له المعبود يغفر خطاياه
في موقف كلا الخلايق تهابه

يوم ان كل بان ماكان سواه
عساه ياخذ في يمينه كتابه

والله لنبطي كلنا مانسيناه
وعزي لمن جرح المفارق سطا به


كم موقف يحكي تفاصيل ذكراه
حتى ليا مريت من عند بابه


ولا ليا قابلت مثله وشرواه
وعلومه الجزله وقيمة جوابه


حان الفراق وحكم ربي رضيناه
كلا وله يومه ويحسب حسابه


يالله حسن الخاتمه منك يالله
في ساعة فيها تضيق الرحابه

رحم الله الاستاذ نايف السحيمي

ان لله وان اليه لراجون نسال الله ان يعفو عنا وعنه وان يرحمنا ويرحمه برحمته الواسعه

رحمه الله وجعل قبره روضه من رياض الجنان

الله يرحمه ويرحم جميع موتى المسلمين
وصح لسان الشاعر

يالله عسى في جنة الخلد مثواه
ويكون بجوار النبي والصحابه

اللهم آآمين اللهم ارحم عبدك نايف خلف بن زويبن السحيمي واسكنه فسيح جناتك

صح لسان راع الوفا الشاعر العتيبي

وشكرا ياسمين السحيمي

الله يرحمه ويغفرله ويسكنه جنات النعيم