بسم رافع سماء الدنيا بليا عمد=محصي اعمال حي الخلق وامواتها

بسم الله الرحمن الرحيم
لعل هذه الابيات ترقى لارواقكم الشعريه

بسم رافع سماء الدنيا بليا عمد
	محصي اعمال حي الخلق وامواتها
يامحمد لبوك اكتب بيوتآجدد
	يوم جات القصيده رتب ابياتها
هاجس الشعر مابيني وبينه وعد
	وان لفا جيته ياخذ مكافاتها
اشهد انه يشرف مجلسي لاقعد
	انتناقش بيوت اولى درجاتها
يعمس البال يامحمد ضجيج البلد
	ويشرح النفس بعض اوقات سجاتها
حي لمع البروق وحي صوت الرعد
	فوق دارآ ربيع النفس جياتها
شغل آخر موديل امن البريمي ورد
	نفسي اطيعها في بعض رغباتها
وازهم اللي لخوتهم يشوش الولد
	صحبتي من خيار القوم ساداتها
ياكبر قدرهم عندي اوجيه السعد
	النشاما تنومسني صداقاتها
هب دنيا بحال امحال تبقى لاحد
	القليل الذي ماذاق صكاتها
ربنا خالق الانسان فيها كبد
	كل يوما اتروعنا مفاجاتها
رابح اللي عمر فيها حياة الابد
	من بغى الاخره يدي طلاباتها
المكاسيب من دنيا الفناء والنكد
	طاعت اللي خلقنا هي لذاتها
لذتي كل ماوجهي لربي سجد
	مع سجودي تجيب العين عبراتها
واطلبه ربي التثبيت منه المدد
	في صلاتآ دوا الاوناس ركعاتها
ربي امحا من ارضك ربي اهل الحسد
	كم نفسا بلاويهم معاناتها
كل قلبا خبيث ايكيد كيد ان حقد
	والمقادير بأمر الله اصاباتها
ياخباث النفوس ايش ايش باقي بعد
	صابت الخنجر المقصود طعناتها

ياسلام ياسلام بيض الله وجهك على هذا الابداع يابو فلاح
الصراحه وبدون مجامله قصيده جزله في مفرداتها وغباراتها والله راقت ليه
وسلمت يابو فلاح

صح بدنك ابوطاهر ووجهك ابيض دايمآ شاكر لمرورك وانت من الذي يشرفني وينومسني دايمآ خوتهم كما ذكرت ذلك في ابيات القصيده لك كل تقديري واحترامي

وازهــم الـلـي لخوتـهـم يـشــوش الـولــد
صحبـتـي مــن خـيـار الـقـوم سـاداتـهـا
ياكـبـر قـدرهـم عـنــدي اوجـيــه الـسـعـد
الـنــشــامــا تـنـومــســنــي صــداقــاتــهــا


ياسلام يابو فلاح مفردات قوية ماشاءالله والنشاما اللي تكلمت عنهم اكيد يتنومسون بخوتك وانت راعي وفاء أسأل الله ا يطيل في عمرك على طاعته

جعلك سالم وغانم دايما يابوشهد والنشاما اللي شرواك افتخر في خوتهم والسجه معهم يازينها دمت بحفظ الله مع اطيب التحايا لشخصك الكريم

لـذتــي كــــل مـاوجـهــي لــربــي ســجــد
مـع سـجـودي تجـيـب العـيـن عبراتـهـا
واطـلـبـه ربـــي التثـبـيـت مــنــه الــمــدد
فـــي صـلاتــآ دوا الاونــــاس ركـعـاتـهـا
شعر طبيعي من طبيعة راعيه الطيّبه مافيه تصنع صح لسانك أبوفلاح والله يثبتنا واياك على مايرضيه

صح بدنك ابوريان اجزل الشكر لمرورك اسال الله ربنا الكريم ان يهدينا جميعآ بهديه وان ينير عقولنا بنورآ من عنده وان يوفقنا لما فيه الخير والصلاح دمت في رعايت الله

صح لسانك ولا هان شانك يابو فلاح قصيدة جزلة من شاعر جزل

عافك الله وصح بدنك اخوي بدر الحربي شاكر لمرورك دمت بخير وعافيه