اهل نخوه واهل فزعه واهل واجب واهل مسعار

هذه القصيده سويتها في حفل ماجد عبدالله علي السحيمي
ومن لاشكر الناس لاشكر الله ورد الثناء واجب وابو ماجد شهادتي فيه مجروحه
ويعلم الله لو ابيع اللي وراي ودوني مالحق من فعوله شي هو ومن يعز عليه
تاج راسي

[سلام الله على ربعأ لهم في خافقي مقدار
	لهم مقام في صدري كبير وقدرهم عالي
ذوي علي ياريفأ للخوي والضيف معه الجار
	رجال اهل الوفاء ذربين بين الجد والخالي
ابو ماجد وابوتركي وابو علي غلاهم صار
	في وسط الصدر مايمحى وفاء في كل الاحوالي
عساء عودأ تعزو به ثلاثه ماتجيه النار
	ثلاث اشبال مايجهل وفاهم طيب الفالي
الا ياعود ياعود السعد يوم الليال عسار
	الى جوه الهجافى من قباله همهم زالي
يريح في نباه ويضح احجاجه لاجو خطار
	تحيه من كريمأ لنشامى تشرح البالي
الا يالله ياخالق حليبأ من صميم الزار
	عساه بجنت الفردوس له مرباء ومنزالي
ياعبد الله ترا لو قلت ماهما قلت من الاشعار
	مانوفي حقكم لو قلت كل اللي على بالي
اهل نخوه واهل فزعه واهل واجب واهل مسعار
	وشجاعه مع شهامه مع مواقف اول وتالي
عليه الله ومان الله مواقف ماعليها غبار
	هديب الشام في وقت المواقف للفخر نالي
ولانسى بالوفاء ربعأ وابن عمران واف اشبار
	وخوال الضيغم وربعه وفاءهم عندنا غالي
ذخر نجوان ربعي عزوتي وانكان حملي جار
	يذريني ذراهم وارفع اليمنى مع مع اعقالي

ابوماجد واخوانه من ربعنا من معدن الطيب من كاسبين النوماس والعلم الغانم ومدحك لهم يابوطاهر في هذه القصيده الجزله في محله ابوماجد والنعم بهم كما قلت الحقيقه ابيات قوية المعاني صح لسانك عليها يابوطاهر

صح لسانك أبوطاهر وفي مع الجميع ولاهو غريب عليك ويستاهل الطيب كسّابه

شرفني اطلاعك يابو فلاح الله يحفظك يالغالي وابو ماجد يستاهل كل علم غانم الله يحفظه

صح لسانك الشاعر الكبير ابو طاهر على هذه القصيدة الرائعة وابو ماجد وماجد يستاهلون المدح تقبل مروري

صح بدنك يابو ريان وشرفني اطلاعك يالغالي الله يحفظك ولا عليك زود وسلمت

وشرفني اطلاعك يابو شهد وسلمت يالغالي يالله يحفظك